KEKULI 15:8 - Kemethajüh (N) (Re-editing) Bible (BSI)

⁸ Anyiza, anyi leben chü kebenwa na Judah nyi nkenyethu la nantizen tenle kesa Kemetha Ghamu pi ithu kecü tsüti pi mathu la cüa.

KEKULI 15:8 Iomraidhean Croise

1 KADIMITHU 8:39

mathu kekhie kina cülo. Tangwi njjen wi pen nu mathu kekhie kina cü, mathu kesami teshi cü, nu mathu kiqa cülo. No ketan anyi leben kemeshen kechüwa. Anyi kesüsü kemu-u wi pi cü,

1 KHENICÜKI 28:9

Nu ma Solomon wi khi, “Itsa, no nba Nyizawa tsü chüya, nu nleben tsüdi nu samvuthi kesa kahang pi ma kekuli salo kesa hi no kizaben. Ma ithu kemeshen nu kenmvu tsüdi chüben. Keujüla no ma wi wa lethu, ma no ssiyaben; isala keujüla no ma wina bvü lethu, ma anuphanla no teshiaben.

1 KHENICÜKI 29:17

No anyi tsüdi lebenpinan nu ketsatanwa nenten kesa hi chüben. Hi lebenchi nu atsentsa wi inonkeghe sala ha tsüdi pi no cüben, nu hi khili n-nyi hewi saghu kebenthu na mathu nonghe ntsa nu sengho no cü keben muyadha.

ZAKECI 44:21

no tsü bhashiya metsi kepaghenanye no ithu kekuthi kemeshenthu tsüdila chüben.

JEREMIYA 11:20

Tsaseng wi hi kekhie sa, “Kekhang ntsawa Apvüwa, no pendhenyi kemeshonwa, no anyithu leben nu kemeshen ghan-nan den. Hi icüki hapi nkwen wi chidha, tsalina hi ya no anyi hathu miwi ajukhikeya muya thsülo.”

JEREMIYA 17:10

Hi Apvüwa, hi anyi leben ketsü nu kesinan den. Hi anyi kesüsü ma hang keten len kenie, nu ma kekuli qe wina pi ma ghan-nan den.”

JEREMIYA 20:12

Isala Apvüwa, no Kekhang ntsawa, no ajühtsentsa sen nu ayyi kesinanden; no mathu leben nu kemeshen wi mangwa ben khe tsü chüben. Tsalina hi ya no ighinyithu miwi ajukhikeya muya thsülo, kepaghenanye hi ighena pi no dhenchidha.

JOHAN 21:17

Jisu na kecheng tughuwa ma wi keü, “Simon Johan tsawa, no hi tizenghaliben ma?” Jisu na kecheng tughu ma wi “No hi tizenghaliben ma?” kekeü ghena Simon na ma hathana wa, tsalina ma khi, “Apvüwa, no pala tsüdila chüben; hi no tizenghaliben kesa no chüben le!” Jisu na ma wi khi, “Ikhaghaneni nonccayalo.

JOHAN 5:37

Nu Abawa hi kesun kechiwa la isheipiben. Nthu na khiela ma hhai za meya nu ma tsi la mu meya,

KEKULI 1:24

Tsaseng wi mathu kekhie sa, “O Apvüwa, no anyi tsüdi leben kechüwa, tsalina pi ikhang ccücalo, no ha manyi khawa kessi pi

KEKULI 10:47

“Anyi hathu hana ikhang Kemetha Ghamu mukeya ti mathu la muyadha. Isathu, anyi pahan na mathu pi atssü wi baptaiz sale kesa khenya mehai kwe?”

KEKULI 14:3

Apostel keni na ciwi matsü kesie-u ben nu manyi kempvüza sala Apvüwa jüh khi. Manyi na Apvüwa nanketizen cüki kekhi tsüna atsentsa le kesa ma amankesa nu azensuthu kuliya kemehai kekhang pi manyi cü nu kuli thsü.

KEKULI 15:28

Kepaghenanye Kemetha Ghamu nu ikhang lela ayen hathu miwi kepa pi nthu npvü thsüle kesa cenya.

KEKULI 2:4

Mathu tsüdila Kemetha Ghamu pi pongya nu Aghamu kekhang pi mathu kecü ti mathu na ajüh kepathu khi shagha shan.

KEKULI 4:31

Mathu na kekhie kesa cen seng wi mathu keben pen tsüna kuli shagha. Mathu tsüdila Kemetha Ghamu pongya nu kempvüza sala Anyiza ketsijüh tsü khi wa.

IBRINYI 2:4

Anyiza la ma sheikepi sa pi tsüthu wwa kechi na azensuthu, amankesa lenkepapa, nu ma kenen wina Kemetha Ghamu juthu pi gishü cü.

IBRINYI 4:13

Ciwi mangla Anyiza tu wi kuthiya nben; ma nyon tu wi sahangkechithu tsüdila shaben nu muthatha ben. Ma tu wi ithu tsüdila ithu cüki nkhithu yishü.

CCÜCAKECHI 2:23

Hi ma tsangathu la pathi cüden, Tsaseng wi kemehuthu na hi anyi tsüdi kemeshen nu kenmvu kechüwa le kesa chüyaben. Hi nthu kesüsü kuli ketheng kenie wina akutimen pi cüden.

1 SAMUEL 16:7

Isala Apvüwa na ma wi khi, “Ma khüton kemehai nu ma tsikemehai tsü n-ghang lalo. Hi ma meya mvuladha, kepaghenanye hi anyi na ghan nan keten ti ghan nan nten. Anyi na amei wi matsi ghangden, isala Apvüwa tsü aleben wi ghangden.”