KEKULI 15:7 - Kemethajüh (N) (Re-editing) Bible (BSI)

⁷ Matsü kesie kicennali seng wi Pitor na shagha nu khi, “Ipvüshangthu, nthu na chüben, Judah nyi nkenyethu na ipang wina Jühtheü Kemehaiwa chüya nu nondiya thsüle kesalina Anyiza na kheni na nthu jawi na hi kessiyadha.

KEKULI 15:7 Iomraidhean Croise

BVÜKESHHU 4:12

Khili walo! Hi no kiqa pi khiya thsü, nu no mangwa nkhithu yishü khe kizaben.”

JEREMIYA 1:9

Tsaseng wi Apvüwa na ma kwen chang pi ipang kidhen nu hi wi khi, “Kinalo, no nkhithu keyishü ketsijühthu tsü hi pi no cüben le.

JOHAN 15:16

Nthu na hi kessi meya, isala hi nthu ya wa nu nthu bi anuphan benya keten tsü kejon bünyalo kesalina hi nthu kessiya nu nthu pi kekuli sa thsü. Isathu nthu inyan wina Abawa wi mangwa khie khe ma tsü pi nthu cüden.

JOHAN 3:27

Johan na luneng, “Anyiza wina pi anyi nkecü tsü ma mangla mukeya nmi.

KEKULI 1:16

Ma kekhi na, “Icünyuthu, kheni na Kemetha Ghamu na David pang wina Judah na nyu ssi wa Jisu ghanya thsüa ketenwa cüki khi ketheng Ntsawajüh tsü nsacenthu yishü.

KEKULI 1:24

Tsaseng wi mathu kekhie sa, “O Apvüwa, no anyi tsüdi leben kechüwa, tsalina pi ikhang ccücalo, no ha manyi khawa kessi pi

KEKULI 10:19

Pitor na khili kecu kemanthi jjügi tsü chüyale keben wi Aghamu na ma wi kiza, “Kinalo! Meshu kecheng na no bhaden.

KEKULI 10:20

Tsalina no shagha kidenya nu ayyi wi cülo, nu mathu gweghe wa nkesütu lalo, kepaghenanye hi mathu kesun chi.”

KEKULI 13:2

Mathu na zi nu Apvüwa kinyi keben wi Kemetha Ghamu na mathu kiza, “Barnaba nu Saul manyi na ighena nu hi manyi ci keya kekuli tsü sa thsüle kesalina manyi kesunshi chilo.”

KEKULI 15:14

Anyiza na Judah nyi nkenyethu nantizen nu mathu jawi anyi mizza kesü pi ma nyithu sayale cikeya cüki khili Simon na khimetha chidha.

KEKULI 15:2

Paul nu Barnaba manyi na mathu ssinu ha jjügi ghena kicennali ntsa sa. Tsalina Paul nu Barnaba nu Antiok wi kahangthu pahan na Jerusalem wi wala ha ghena apostelthu nu keshenpfüthu metu wale cenya.

KEKULI 15:39

Ha jjügi ghena manyi kicennali ntsa sa nu ma nyi keteshilia. Barnaba na Mark ssiya nu atssü wina Cipra wi wa,

KEKULI 20:24

Isala hi Anyiza nanketizen wina Jühtheü Kemehaiwa ha pi khilo nu Apvüwa kekuli salo pi hi kecü tsü sacenle kesalina hi hi kahang ha pi mangla nkenye saden.

KEKULI 21:16

Kaesarea wina kegho kenondithu pahan la ikhang gweghe wa nu ikhang ssi wa Cipra wina keghowa kheni na nondi keten nyi kesü Mnason jjen wi ben thsü.

KEKULI 3:18

Anyiza na kheni wi atusenjüh- kechüthu wina Khrista na ketizen saben kesa khi ketheng tsü hati nu cenya thsüdha.

KEKULI 4:25

No Kemetha Ghamu wina nmaghawa ithu baqhai David wi kiza, ‘Mangkesa na Judah nyi nkenyethu na alebentsu; mangkesa na anyithu na acho kaghacang tsü kiden ben nu?

KEKULI 9:15

Apvüwa na ma wi khi, “Walo, kepaghenanye hi ma yala hi kekuli sa nu inyan pi Judah nyi nkenyethu, kadimithu, nu Israel nyithu chüya thsüle kesalina hi ma kessi yadha.

FILIPPINYI 2:14

Mangla kicennali nyelela leben nkaghajüh nkhila katsüha lela salo,