KEKULI 15:4 - Kemethajüh (N) (Re-editing) Bible (BSI)

⁴ Mathu wala Jerusalem cukeya wi kemehu, apostelthu, nu keshenpfüthu na anonkeghe sa nu mathu ssiya, nu mathu wi Anyiza na mathu ssinu kekuli cüki tsüdi khi pi mathu kiza.

KEKULI 15:4 Iomraidhean Croise

MATHI 10:40

“Anyi thowa na nthu ssiya khe hi la ssiyaden; nu thowa na hi ssiya khe hi kesun kechiwa la ssiyaden.

KEKULI 11:30

Mathu na hati sa nu apisa kesun pi Barnaba nu Saul manyi wina kemehu keshenpfüthu cü.

KEKULI 14:27

Manyi na Antiok wi ghoya meyi kemehu nyithu cighu chi nu Anyiza na manyi ssinu kekuli sa keyathu nu Judah nyi nkenyethu ya nondiya thsüle kesa ghena alen shachi kecü cüki tsüdi khi pi mathu kiza.

KEKULI 15:12

Mathu tsüdila ccen ben nu Paul nu Barnaba manyi wi Anyiza na manyi ssinu Judah nyi nkenyethu jawi azensu nu amankesathu kuli kechi cüki kekhi jüh tsü kina.

KEKULI 15:2

Paul nu Barnaba manyi na mathu ssinu ha jjügi ghena kicennali ntsa sa. Tsalina Paul nu Barnaba nu Antiok wi kahangthu pahan na Jerusalem wi wala ha ghena apostelthu nu keshenpfüthu metu wale cenya.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 15:3

Isanu kemehu na mathu kesun pi wa thsüa; nu mathu na Fonisia nu Samaria pvüdhi kewa wi Judah nyi nkenyethu na khati nu Anyiza wi ghoben khe tsü cüki pi nyu kiza; ajüh ha ghena kenondithu na anonghe ntsa sa.

KEKULI 15:6

Tsaseng wi apostelthu nu keshenpfüthu na saghu nu ha jjügi ghena keccünengli.

KEKULI 16:4

Mathu na anyunuti kejon wi wala kenondithu ghena Jerusalem wi apostelthu nu keshenpfüthu na cenkeya jüh tsü pi mathu kiza nu tsü nie tenlo kiza.

KEKULI 18:27

Apollo na Akhaya yyi wi wa mvu kesalina Efesa wi kenondithu na ma kechü-kenong nu Akhaya wi sansikeyathu na ma ssiyalo kesa lesüzhü pi cüchi.

KEKULI 21:17

Ikhang na wa Jerusalem cuya meyi kenondithu na anonghe ntsa nu ikhang ssiya.

KEKULI 21:19

Paul na mathu shalom sachi, nu Anyiza na khati ma ssinu Judah nyi nkenyethu jawi kuli khe tsü cüki mabenla khi pi mathu kiza chia.

ROMNYI 15:18

Khrista na hi wina kuli kechi Judah nyi nkenyethu ssi wa Anyiza jüh kinaya thsü kesa cüki tsü ketan pi hi kapvüshüsha nu khiya mehai. Ma ajüh nu kekulithu wina,

ROMNYI 15:7

Khrista na nthu ssiya kesa tsüti Anyiza nyankethang ghena nthu la khokho ssiyalo.

1 KORINTHNYI 15:10

Isala Anyiza nanketizen wina hi hati saben, nu ma nanketizen pi hi kecü tsüna ma men nkemi nye. Tsü miwi la hi apostel kepathu miwi apiketsü sa kuli, tsüna ntsakhiwa hi kulikeya nye, isala Anyiza nanketizen na hi gweghe kuliben.

2 KORINTHNYI 5:19

Ikhang ketsijüh na Anyiza na Khrista wina anyi tsüdila pi ma pvüshangthu sayaden. Anyiza na mathu kesami cüki tsü pi theng nten, nu ma khati nu mathu pi ma pvüshangthu sayaten khe pi kizalo kesa ketsijüh pi ikhang cüdha.

2 KORINTHNYI 6:1

Ikhang Anyiza gweghe kekuli kesa wina nthu wi khieben, nthu Anyiza nanketizen mu keyawa tsü yala meyasa thsü lalo.

KOLOSSINYI 4:10

Hi gweghe atssüzü sa kebenwa Aristarka na nthu shalom saben, nu tsüti Barnaba cünyuwa Mark la nthu shalom saben. (Mark na nthu wi gho lethu, anonkeghe sa ma ssiyalo kesa kecükegwe kechi tsü nthu na muyadha.)

2 JOHAN 1:10

Tsalina keujüla anyi pahan na kesansijüh ha nsenla nthu wi gho lethu, nthu jjen wi ma ssi meyala, nu “Kecca ya no ssiben ketenwa salo” lela nkhila.