KEKULI 15:3 - Kemethajüh (N) (Re-editing) Bible (BSI)

³ Isanu kemehu na mathu kesun pi wa thsüa; nu mathu na Fonisia nu Samaria pvüdhi kewa wi Judah nyi nkenyethu na khati nu Anyiza wi ghoben khe tsü cüki pi nyu kiza; ajüh ha ghena kenondithu na anonghe ntsa sa.

KEKULI 15:3 Iomraidhean Croise

Luk Zhükechi Jühtheü Kemehaiwa 15:32

Isala ithu anonghe nu kemishu-ule, kepaghenanye ncünyuwa ha shü nan ma hangneng yadha, nu ma bhatagha nan mu neng yadha.’ ”

KEKULI 1:15

Ghanan keu seng wi kenondithu anyi meza nu nkwe ghola mehu keben wi Pitor na shagha ajühkhi.

KEKULI 13:48

Judah nyi nkenyethu na ajüh tsü za keya wi mathu nonghe ntsa sa nu Apvüwa jüh tsü seng; nu anuphan kahang ghena kessiya kesathu na kenondithu saya.

KEKULI 13:52

Antiok wi kenondithu anonghe ntsa sa nu Kemetha Ghamu pi pong pvüya.

KEKULI 14:27

Manyi na Antiok wi ghoya meyi kemehu nyithu cighu chi nu Anyiza na manyi ssinu kekuli sa keyathu nu Judah nyi nkenyethu ya nondiya thsüle kesa ghena alen shachi kecü cüki tsüdi khi pi mathu kiza.

KEKULI 15:1

Anyi pahan Judea wina gho Antiok wi kenondithu sansi nu khi, “Mosa Yenwa kenie wina nthu na ahyu nkahan tsü hangshakeya muya nben.”

KEKULI 15:12

Mathu tsüdila ccen ben nu Paul nu Barnaba manyi wi Anyiza na manyi ssinu Judah nyi nkenyethu jawi azensu nu amankesathu kuli kechi cüki kekhi jüh tsü kina.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 15:32

Judah nu Sila manyi na atusenjüh-kechüthu jüh kejon khi pi mathu satezü nu kechü-kenong chi cü.

KEKULI 15:4

Mathu wala Jerusalem cukeya wi kemehu, apostelthu, nu keshenpfüthu na anonkeghe sa nu mathu ssiya, nu mathu wi Anyiza na mathu ssinu kekuli cüki tsüdi khi pi mathu kiza.

KEKULI 17:15

Paul ssinu kewathu na ma ssi wa Athen kecu chi cüa. Tsaseng wi mathu na Paul wina Sila nu Timothi manyi ya wan gho ma gweghe yalo kesa kecükegwe sen nu Berea wi gho neng.

KEKULI 20:38

Mathu tsüdila ma mathu wi ma nmu nendha le kekhi ghena ahathana ntsa sa. Isanu mathu na Paul ssisen wala ahunjjen wi du thsüa.

KEKULI 21:5

Isala ikhang na matsü cenkeya seng wi mathu teshi nu alentsen wa, nu mathu tsüdi mathu wubvü, tsangathu ssinu ikhang ssi wa anyu khensha wi aghüsa wi chicü. Ciwi ikhang tsüdila akhhutsüdu gweghe kekhie sa nu keteshili wa.

KEKULI 28:15

Rom wi kenondithu na ikhang cüki zaya nu ghala Appia Senkesapen nyuti nu Kijünyikewa Jjen Kecheng le ci keten wi ikhang metu. Paul na mathu mu keya wi Anyiza seng, nu satezü ntsa sachi.

KEKULI 8:14

Jerusalem wi apostelthu na Samaria nyithu la Anyiza jüh yaya bendha le kesa zaya, tsalina mathu na Pitor nu Johan manyi kesun pi mathu wi chia.

ROMNYI 15:24

hi tsüti saya benle nondiben. Hi Spain wi kewalen sala nthu hhainan chiden, nu matsü keu nthu gweghe keben seng wi ciwi wale kesalina nthu ya hi kiqachi thsü mvuben.

1 KORINTHNYI 16:11

Thola ma n-nansala, isala ma kiqa pi ma yala mehaitsü hi wi gho thsülo; kepaghenanye ma acünyuthu pahan ssi nu hi wi ghoben kesa nondiben.

1 KORINTHNYI 16:6

Hi matsü pahan, saya mehaithu pathsü chuli nthu gweghe benla mechü, isanu tsaseng wi hi kijünyi khiewa waten khe nthu yala hi kiqa thsüden.

2 KORINTHNYI 1:16

Hi Macedonia wi kewalen sa nthu hhainan chi nu kegho neng wi lela nthu yala hi Judea wi kewa wi hi kiqachi thsüle kesalina hi nthu wi gho mvuben.

TITA 3:13

Npiketsü sala ayenkechüwa Zena nu Apollo manyi kijünyi wa keten tsü kiqa chi cülo, nu manyi yala mangla nhhatu thsüla.