KEKULI 15:25 - Kemethajüh (N) (Re-editing) Bible (BSI)

²⁵ Tsalina ikhang kemetuli nu ajühkesü sala ikhang jawi nyilothu pahan kessiya nu mathu kesun pi nthu wi chiben. Mathu na ithu pvüshangthu Barnaba nu Paul,

KEKULI 15:25 Iomraidhean Croise

MATHI 11:26

Anle, iBa, hati kesa ha no kemeshen ghena.

Luk Zhükechi Jühtheü Kemehaiwa 1:3

Tsalina Njenkebenwa, hi tsüthu tsü aghatsan wina mehaitsü sinan kesalina hi nghena tsü aghatsan-ghanu sala zhü chithu mehai benle meshen.

KEKULI 1:14

Mathu tsüdi nu nzathu pahan, Jisu jja Maria nu ma cünyuthu tsüdi gweghe nu kekhie saki ben wa.

KEKULI 15:2

Paul nu Barnaba manyi na mathu ssinu ha jjügi ghena kicennali ntsa sa. Tsalina Paul nu Barnaba nu Antiok wi kahangthu pahan na Jerusalem wi wala ha ghena apostelthu nu keshenpfüthu metu wale cenya.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 15:35

Paul nu Barnaba manyi na matsü pahan Antiok wi ben, nu kepathu kejon gweghe Apvüwa jüh pi nyu sansi nu khi.

KEKULI 15:6

Tsaseng wi apostelthu nu keshenpfüthu na saghu nu ha jjügi ghena keccünengli.

KEKULI 2:1

Pentekost tsathang cukeya wi kenondithu tsüdila ghola apen kesü wi saghu ben.

KEKULI 2:46

Atsathangla mathu na Kekinyijjen wi kemetuli, aleben tsentsa wi anonkeghe sala mathu jjen wi gweghe dsajjü,

ROMNYI 16:12

Hi shalom pi Apvüwa kekuli sa keten keni Trifaena nu Trifosa manyi nu Apvüwa kekuli sa ntsa kechiwa ipvüshangwa Persi cüben.

1 KORINTHNYI 1:10

Icünyuthu, hi ithu Pvüwa Jisu Khrista nyan wina nthu wi khieben: nthu tsüdila ajühjja keyali nu nthu jawi gishü kepapa nsa lalo; isala nthu saghula kemeshen kesütan nu aleben kesütan sabenlo.

GALATIANYI 2:9

Accülikesathu, James, Pitor, nu Johan, hathu na Anyiza na kekuli ha pi hi cü ketheng mu; tsalina ithu gweghe kesü kesa zensu wina mathu kwen ajewa pi Barnaba ishinyi kwen zankethe. Barnaba ishinyi na Judah nyi nkenyethu jawi kuli nu mathu na Judah nyithu jawi kulile kesa cenya.

EFESANYI 6:21

Ithu cünyuwa nu Apvüwa kekuli wi atsentsa maghawa Tukhika na icüki tsüdi pi nthu kizaben, isanu nthu na hi khati saben khe chüyaben.

KOLOSSINYI 4:7

Ithu cünyuwa Tukhika, atsentsa kekuli nu Apvüwa kekuli wi hi gweghe amagha sa ketenwa na icüki tsüdi pi nthu kizaben.

KOLOSSINYI 4:9

Nu ma nthu nyi meshu kesü atsentsa nu ketizen cünyuwa Onesima gweghe ghoden. Manyi na he wi tsüdila khati saben khe khi pi nthu kizaben.

FILEMON 1:16

Ma khili nssümagha kesü mele ketan nyedha; isala Khrista wi acünyu kesü sadha. Ma ighena khati ma men ben dha nu! Nu nghena tsü ma nssümagha kesü nu Apvüwa wi acünyu kesü sala khati ma men ben dha nu!

2 PITOR 3:15

Anyiza na kemetsa pi ithu cünyuwa Paul cü nu ma zhü pi nthu kecü tsüti ithu Pvüwa leben kesie na nthu hangshaya kemehai matsü pi cü keben tsü ghangchilo.