KEKULI 15:23 - Kemethajüh (N) (Re-editing) Bible (BSI)

²³ nu mathu na lesü hati zhü pi mathu wi kesunchi: “Ikhang, apostelthu nu keshenpfüthu, nthu cünyuthu na shalom pi Judah nyi nkenye Antiok, Siriya, nu Silisia wi keben kenondithu tsüdi cüben.

KEKULI 15:23 Iomraidhean Croise

MATHI 4:24

Ma cüki tsüna Siriya diyyi tsüdi wi la pong kesalina anyithu na kesakinaathu, khuma-khujü kepapa pvünu ketizen sa kebenthu tsüdi; anyi atsaghang ssi keten, nu kezumathu, nu kecügüshü ssinu ma wi gho, Jisu na tsüdila sa pi mehai cü.

KEKULI 11:18

Mathu na ha zakeya seng wi kicennali nsala nu Anyiza seng nu khi, “Anyiza na Judah nyi nkenyethu la leben khapeghe nu hangya thsüle kesalina matsü kemehai pi cüdha.”

KEKULI 11:20

Isala kenondithu pahan na Cipra nu Ciren wina gho Antiok wi wa ketsijüh pi Judah nyi nkenyethu kiza nu Apvüwa Jisu cüki Jühtheü Kemehaiwa la pi mathu sansi.

KEKULI 14:27

Manyi na Antiok wi ghoya meyi kemehu nyithu cighu chi nu Anyiza na manyi ssinu kekuli sa keyathu nu Judah nyi nkenyethu ya nondiya thsüle kesa ghena alen shachi kecü cüki tsüdi khi pi mathu kiza.

KEKULI 15:1

Anyi pahan Judea wina gho Antiok wi kenondithu sansi nu khi, “Mosa Yenwa kenie wina nthu na ahyu nkahan tsü hangshakeya muya nben.”

KEKULI 15:2

Paul nu Barnaba manyi na mathu ssinu ha jjügi ghena kicennali ntsa sa. Tsalina Paul nu Barnaba nu Antiok wi kahangthu pahan na Jerusalem wi wala ha ghena apostelthu nu keshenpfüthu metu wale cenya.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 15:4

Mathu wala Jerusalem cukeya wi kemehu, apostelthu, nu keshenpfüthu na anonkeghe sa nu mathu ssiya, nu mathu wi Anyiza na mathu ssinu kekuli cüki tsüdi khi pi mathu kiza.

KEKULI 15:41

Ma Siriya, nu Silisia pvüdhi wa kemehuthu satezü cüa.

KEKULI 18:18

Paul na ghanan kejonla Korinth wi kenondithu gweghe ben nu kheneng ciwi Priskilla nu Aquila manyi ssinu atssü wina Siriya wi wha neng. Nu ma kishen ketheng ghena Kenkrea wi ma li ca.

KEKULI 21:25

Isala Judah nyi nkenye nondiya kesathu ghena ikhang na mathu wi atsikezhü kekinyi tsse, ajjü, asahang kehanthithu tsü ndsala, nu qheza-inamu kekuli nsa lalo kesa zhü pi kiza chidha.”

KEKULI 21:3

Ikhang na Cipra kaghape wi waya nu ciwi na sasen Siriya wi wa, ciwi na Tur wi ghoya, kepaghenanye ahunjjen na pala pvü keten tsü pi ciwi chiale ben.

KEKULI 23:26

“Klaudia Lusia na zhü pi ajenkebenwa ahng Felix cüben: Shalom saben.

KEKULI 6:9

Isala anyi pahan Kekhen-nkeminyi le (khi ketenthu tsüna) Sinagog nyithu Ciren nu Alexandria wina keghothu na ma matang. Mathu nu Judah nyi Cilisia nu Asia wi keghothu na Stefan ssinu ajüh keccücanli shagha .

GALATIANYI 1:21

Tsaseng wi hi Siriya nu Silisia wi wa.

JAMES 1:1

Anyiza nu Apvüwa Jisu Khrista maghawa James wina pi ayyi maben wi bvüzighe keben Anyiza nyithu tsüdi shalom saben.

2 JOHAN 1:10

Tsalina keujüla anyi pahan na kesansijüh ha nsenla nthu wi gho lethu, nthu jjen wi ma ssi meyala, nu “Kecca ya no ssiben ketenwa salo” lela nkhila.

2 JOHAN 1:13

Kessiya kesa Npvünonwa tsangathu la nthu shalom saben.

2 JOHAN 1:3

Abawa Anyiza nu Abawa Tsa Jisu Khrista ya nanketizen, ketizen, nu kecca pi ithu kecüwa sa; tsüthu ya atsentsa nu ketizen wi ithu ji sa keyawa salo.

3 JOHAN 1:14

Hi wan gho nthu metuya nu ithu ghangtan keccünengli yaben kesa nondi ben.