KEKULI 14:4 - Kemethajüh (N) (Re-editing) Bible (BSI)

⁴ Anyunuti tsüwa wi anyithu gishü pi keni sa; pahan na Judah nyithu wiwa, nu pahan na apostelthu wiwa sa.

KEKULI 14:4 Iomraidhean Croise

MIKA 7:6

Khili tsüwi ha atsathu na mathu bathu pi kejüphonthu ti sa, angathu na mathu jjathu matang, nu kinyibvü tegüthu na mathu nyiethu ssikitagha; anyi kesü ghinyithu tsüna ma ketanla ma theghi ja wina.

Luk Zhükechi Jühtheü Kemehaiwa 2:34

Simon na sawegü pi mathu miwi chi nu hati ma jja Maria kiza, “Anyiza na atsawa ha kessi pi Israel nyi kejonla qanca nu shaghaya thsüben. Ma Anyiza wina kegho zensu kesü nyu na meya mvula kesa kesü saben,

JOHAN 7:43

Tsalina ciwi anyitenti jawi Jisu ghena gishü kepapa sa.

KEKULI 13:2

Mathu na zi nu Apvüwa kinyi keben wi Kemetha Ghamu na mathu kiza, “Barnaba nu Saul manyi na ighena nu hi manyi ci keya kekuli tsü sa thsüle kesalina manyi kesunshi chilo.”

KEKULI 13:45

Judah nyithu na anyitenti tsü muya theng nu anyonsa ya, mathu na Paul ssinu kicennali nu ma kimenni.

KEKULI 13:50

Isala Judah nyithu na anyunuti tsüwa wi accülikesathu nu Judah nyi nkenye atheghi kemehai wi nza Anyiza kinyi ketenthu kethukehi chia. Mathu na Paul nu Barnaba manyi meten-mesha shagha nu ayyi tsüwa wina manyi jügü shia.

KEKULI 14:14

Isala Paul nu Barnaba manyi mathu tsüti sale keben tsü zaya meyi manyi thsümeni zanqhe nu anyitenti jawi bvüdu nu jisha,

KEKULI 14:19

Judah nyi pahan na Pisidia yyi Antiok nu Ikonium wina gho; mathu na anyitenti zan pi mathu wiwa saya, nu alon pi Paul kecen nu ma shüdhale sala zan sen wa anyuti khesha wi khala.

KEKULI 14:2

Isala Judah nyi nkenondithu na Judah nyi nkenyethu leben sameshü pi kenondithu nanmeghü thsüa.

KEKULI 14:5

Isanu Judah nyithu nu Judah nyi nkenyethu saghuya nu mathu ccülikesathu ssighola apostel keni meten-mesha nu alon pi manyi kecenthiale keben chüya.

KEKULI 19:9

Isala mathu pahan na leben-dhu nu n-nondila anyi tsüdi tuwi Apvüwa Lenwa tsü khisa. Tsalina Paul na mathu teshi nu sansikeyathu ssi wa Turannu kesansipen wina atsathangla mathu sansi nu ajüh keccünengli.

KEKULI 28:24

Ma jüh ghena mathu pahan zanya, isala pahan na n-nondi.

1 KORINTHNYI 9:5

Apostel kepathu, Apvüwa cünyuthu nu Pitor, mathu na sa kiden ti hi la awubvü gweghe kijünyi kewa-u nye kwe?

1 THESSALONIKANYI 2:14

Ikhang cünyuthu, Judea wi Anyiza kemehuthu wi Jisu Khrista nyithu miwi sa kechi tsü makesü nthu miwi la sa chidha. Mathu na Judah nyithu kwen wi ketizen kesa ti nthu la nthu nyithu kwen wi ketizen sa ntsa sadha.