KEKULI 13:6 - Kemethajüh (N) (Re-editing) Bible (BSI)

⁶ Mathu na ayyi mangkehi maben pvüdhi sen wa Pafa cuya, nu ciwi kedema kesü ma nyan Bar-Jisu, ma ketanla ma pi atusenjüh-kechüwa sa keten Judah nyi kesü metuya.

KEKULI 13:6 Iomraidhean Croise

1 KADIMITHU 22:22

Apvüwa na keü, ‘No khati sa ben?’ Aghamu na khi, ‘Hi wala Ahab tusenjüh-kechüthu tsüdila milikemesa khi thsüben.’ Apvüwa na khi, ‘Wala ma mechulo. No haicenya ben na.’ ”

1 KHENICÜKI 10:13

Saul na Apvüwa wi jühtsentsa nkesa ghena shüa. Ma Apvüwa yenkhukechithu tsü n-niela; ma keshü ghamuthu ccünengla lenketsütson bha,

BVÜKESHHU 22:18

“Nza thowa na dema ten khe pi shü thsülo.

LEVIYEN 20:6

“Keujüla anyi kesü na keshü ghamuthu ccüneng ketenthu wi kesansi bha wa lethu, hi ma shun nu ma pi inyi kesüle nsa laben.

ZEKHARIYA 13:3

Tsaseng wi lela anyi pahan na atusenjüh-khi lethu, ma bajja na ma wi ma Apvüwa jüh khi tenle khi isala milikemesa ghena ma pi shü thsü nsathu yishü le kizaben. Khathansha wi ma atusenjüh-khi khe ma bajja na apie pi ma kecunthiaben.

MATHI 16:17

Jisu na luneng, “Johan tsawa Simon, no kemihhi ntsawa le! Kepaghenanye atsentsa hawa ha anyi sajjü wina pi no ncü, isala tang wi kebenwa iBa pi no chü thsüle.

MATHI 24:24

Kepaghenanye milikemesa Messiyathu nu milikemesa atusenjüh- kekhithu na ghoben; mathu na saya kemehai chu Anyiza na kessiya kesathu lela mechu sen bvüale kesalina zensu nu amankesathu saben.

MATHI 7:15

“Milikemesa atusenjüh-kechüthu ghena nthu kiden-kesha yalo; mathu na amei wi tsü khaghanenithu ti nthu jawi ghoden, isala mathu non wi tsü ntsakhiwa adennithu ti le!

MARK 10:46

Mathu na Jerikho wi ghoya, nu Jisu nu ma sansikeyathu na anyitenti keti kesü ssinu wa keten wi anyon nkemu kekuwhe nyi kesü ma nyan Bartima kesa Tima tsa tsüna alen wi donkiben.

KEKULI 13:13

Paul nu ma pvüshangthu na Pafa wina sa sen nu Pamfilia yyi Perga wi ghoya, isala Johan Mark na ciwi manyi teshi theng nu Jerusalem wi wha neng.

KEKULI 13:8

Isala kedema nyi kesü (Grik jüh wina ma nyan) Eluma tsüna manyi shun nu kenondi wina ahngwa ssi bvüale sa.

2 KORINTHNYI 11:13

Anyi hati kesathu tsüna atsentsa apostelthu nye, mathu na milikemesa kekulithu nu mathu tsisa kemili pi ntsakhiwa Khrista apostelthu ghe saden.

2 TIMOTHI 3:8

Janne nu Jambre manyi na Mosa keshun tsüti anyi hathu na atsentsawa tsü shun ben, —anyi hathu leben na meshenshi meya nu kenondi wi khang meya ladha.

1 JOHAN 4:1

Hi ketizenthu, Aghamu pvüten le khi ketenthu tsüdi n-nondi lalo, isala Anyiza wina kegho ghamu la nye khe tsüthu ghan-nanlo. Kepaghenanye milikemesa atusenjüh-kechüthu kejonla ayyi tsüdi wi wadha.

CCÜCAKECHI 19:20

Aghangsawa tsü nu ma tu wi amankesathu kuli kesa milikemesa tusenjüh-kechüwa tsü manyi gweghe pi atssüzü sa thsüa. (Ma amankesa tsüthu pi aghangsawa zensu pvü nu ma tsikezhü kinyi ketenthu tsü mechua.) Aghangsa tsü nu milikemesa tusenjüh- kechüwa manyi qho kahang ghan pi anni ghajü anni lon pi mecang keben wi tsü khalachia.