KEKULI 13:52 - Kemethajüh (N) (Re-editing) Bible (BSI)

⁵² Antiok wi kenondithu anonghe ntsa sa nu Kemetha Ghamu pi pong pvüya.

KEKULI 13:52 Iomraidhean Croise

MATHI 5:12

Anonghe nu nongyalo, kepaghenanye nthu thün kemehaiwa tsüna tang wi ben. Kheni anyithu na hatinu nthu tuwi atusenjüh-kechüthu la metenmesha.

KEKULI 11:29

Sansikeyathu na mathu meshu kesüsü saya kemehai chu kekiqa kesun pi Judea wi mathu pvüshang kenondithu cü tenle kesa südheya.

KEKULI 2:4

Mathu tsüdila Kemetha Ghamu pi pongya nu Aghamu kekhang pi mathu kecü ti mathu na ajüh kepathu khi shagha shan.

KEKULI 2:46

Atsathangla mathu na Kekinyijjen wi kemetuli, aleben tsentsa wi anonkeghe sala mathu jjen wi gweghe dsajjü,

KEKULI 4:31

Mathu na kekhie kesa cen seng wi mathu keben pen tsüna kuli shagha. Mathu tsüdila Kemetha Ghamu pongya nu kempvüza sala Anyiza ketsijüh tsü khi wa.

KEKULI 5:41

Apostelthu na Anyiza mathu la pi Jisu nyan wina ketizenkesa qo nyi kesa tsü ghena anonghe ntsa sa nu hoho tsü teshia.

ROMNYI 14:17

Kepaghenanye Anyiza Kadiyyi tsüna kedsa nu kejjü ghena nye, isala ketsatan, kecca, nu anonkeghe Kemetha Ghamu na khuchi keten tsü.

ROMNYI 15:13

Anyiza, kenondi bvüwa na nthu ma kenondi ghena anonkeghe nu kecca pi nthu tsüdi pong kecüwa salo, isanu Kemetha Ghamu kekhang wina nthu kenondi yala shigü kayi waya thsüle kesalina.

ROMNYI 5:3

Ithu na ketizen kesa wi la kapvüden, kepaghenanye ithu ketizen kesa ghena kethankehi yaden,

2 KORINTHNYI 8:2

Mathu na ghankenan kedhu wi ketizen sa lela mathu nonkeghe na di ntsa sa nu mathu na keben nmitha lela anon-nkhula khuchi.

GALATIANYI 5:22

Isala Aghamu biwa tsüna nanketizen, anonkeghe, kecca, lebenkesie, lebenkecca, ayenkemehai, jühtsentsa kesa,

1 THESSALONIKANYI 1:6

Nthu na ikhang nu Apvüwa ti sa yalo; kepaghenanye nthu na ketizen sa ntsa sa lela nthu na Kemetha Ghamu wina kegho ketsijüh nonkeghewa tsü muya.

JAMES 1:2

Icünyuthu, nthu na pala katsüha wi ketizen sa lela anonghethi salo.

1 PITOR 4:13

Tsüti kesawa nyela nthu la Khrista ketizen kesa wi saghuya kesa ghena anonghe yalo, isanu ma nyankethang pi ccücakechi wi nthu nonghe cencuyale kesalina.