KEKULI 13:47 - Kemethajüh (N) (Re-editing) Bible (BSI)

⁴⁷ Kepaghenanye Apvüwa na ayenkhukechi ha pi ishinyi cütheng: ‘Hi no pi Judah nyi nkenyethu kewegüwa sa thsüdha, isanu ayyi nyi tsüdila hangshaya thsüle kesalina.’ ”

KEKULI 13:47 Iomraidhean Croise

ISAYA 42:1

Apvüwa na khiben, “Hi ma satezü cü keten imaghawa na hewi ben, hi ma kessi keyawa, nu ma miwi hi kenen ben ketenwa tsüle. Hi ighamu pi ma pong cüdha, nu ma ajühtsentsa sen nu mizzatenti tsüdi miwi ghoaben .

ISAYA 42:6

“Hi Apvüwa, hi no ciya nu kekhang pi cüdha, atsentsa saben kesa ghang thsüle kesalina. Nmiwi na hi anyi tsüdi ssinu cenkethenjüh kesü saaden; nmiwi na hi kewegü sengho mizzatentithu cüden.

ISAYA 45:22

‘Khili hi wi kheneng gho hangsha yalo, ayyi tsüdi wi anyithu! Anyiza na benle kesa tsüna hi ketan.

ISAYA 49:6

Apvüwa na hi wi khi, “Hi no ghena kekuli ketiki kesü benle, imaghawa. No hang keya Israel nyithu tsü ssigho dikeya thsü ketan sa nben, isala hi no pi mizzatentithu ghena kewegüwa la sa cüden, isanu ayyi tsüdi hangshaya thsüle kesalina.”

ISAYA 52:10

Apvüwa na ma kekhang kemethawa tsü sen nu ma nyithu hangsha yaden, nu ayyi tsüdila ma muden.

ISAYA 60:3

No kewegü na mizzatentithu zanyaben, nu kadimithu pi ntsathang ketheüwa thangtheghi wi chiyaben.

JEREMIYA 16:19

Apvüwa, no kekhwe nu kezü pi hi cü ketenwa tsü le; no agükeccü wi hi kiqa ketenwa le. Mizzatentithu na ayyi kenten wina no wi gho khiben, “Ithu bamyithu na milikemesa cenpvüthu tsü khe kepa wi mangla nmi, ma men nkemi tsikezhüthu tsü khe kepa wi mangla nmi.

HOSEYA 1:10

Israel nyi na ji pi atssükedone wi ahachan ti sa nu si nkeyakhi nyelela ketegü nkeyakhi saaden. Khili Anyiza na mathu wi khiben, “Nthu na inyi nye,” isala atsathang kesü na ghothu ma hati mathu wi khiden, “Nthu na hangkebenwa Nyiza tsangathu le!”

AMOS 9:12

Tsalina Israel nyithu na Edom yyi wi mangwa teshi theng nu mizzatentithu kuti tsüwi iji kesathu tsüdila nkayaden.” Ha saya thsü ketenwa Apvüwa na khiben.

MIKA 5:7

Israel nyi hangkeyathu na mizzatenti kejon ghena Apvüwa wina kesun kechi akejan ti, nu aghangthu miwi atsankeghozü ti saaben. Mathu na anyi nyela Anyiza nondi ben.

ZEKHARIYA 2:11

Tsü tsüwi mizzatenti kejon na Apvüwa wi gho nu ma nyithu sayaben. Ma nthu jawi hang, nu ma hi kesun pi nthu wi chile kesa nthu na chüyaben.

MALAKHI 1:11

Ayyi ccügwen kesü na wa pahanwa kecu wi anyithu na hi kinyi ben. Apen tsüdi wi mathu na hankedemvu mecang pi hi kinyi nu keya qo ahhanshathu khuchi ben. Mathu tsüdila hi kinyikü ben le!

MATHI 28:19

Tsalina ayyi nyi tsüdi wi wa mathu pi hi sansikeyathu saya thsülo; Abawa, Atsawa, nu Kemetha Ghamu nyan wina mathu pi baptaiz sa cülo,

MARK 16:15

Ma mathu wi khi, “Ayyi maben wi wa nu ajühkemehaiwa pi ayyi nyi tsüdila sansilo.

Luk Zhükechi Jühtheü Kemehaiwa 2:32

Kewegü kesü na no kenenwa tsü pi Judah nyi nkenyethu ccüca chi, nu anyankethang sen nu n-nyi Israel miwi gho.”

Luk Zhükechi Jühtheü Kemehaiwa 24:47

nu ma nyan wina leben khapeghekeya nu kesami teshi kecü ketsijüh tsü pi Jerusalem wi atuwa sala mizzatenti tsüdi wi nkizathu yishü.

KEKULI 1:8

Isala Kemetha Ghamu na nthu miwi gho lethu kekhang pi nthu pong cüben, nu nthu na Jerusalem, Judea, nu Samaria tsüdi wi nu ayyi ccügwen wi lela ighena chüzathu saben.”

KEKULI 22:21

Apvüwa na hi wi khi, ‘Walo, hi no kesun pi kelensie wi Judah nyi nkenyethu wi chiben.’ ”

KEKULI 26:23

tsüna Khrista na ketizen nsathu yishü nu ma keshü wina hangneng-keshagha atuwa sa nu hangshakeya kewegüwa pi Judah nyithu nu Judah nyi nkenyethu tsüdi wi kiza.”

KEKULI 9:15

Apvüwa na ma wi khi, “Walo, kepaghenanye hi ma yala hi kekuli sa nu inyan pi Judah nyi nkenyethu, kadimithu, nu Israel nyithu chüya thsüle kesalina hi ma kessi yadha.