KEKULI 13:43 - Kemethajüh (N) (Re-editing) Bible (BSI)

⁴³ Anyithu na zighe bvü kesa seng wi Judah nyi nu Judah nyi nkenye na Judah keccüna senwa kesathu kejonla Paul nu Barnaba manyi nie den. Apostel keni na mathu na Anyiza nanketizen wi hang ben tenlo kesa ajüh pi mathu kechü-kenong ntsa sachi.

KEKULI 13:43 Iomraidhean Croise

MATHI 23:15

Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na atssükedone nu diyyi maben pvüdhi wala anyi kesü leben khapegheya thsüle sa; nu nthu na tsüti saya lethu, nthu na ma sa pi nthu miwi kishen keni annighajü wi kewa qo nyi sa thsüden!

KEKULI 11:23

Ma wa cukeya wi Anyiza na khatila sawegü pi anyithu cü khe muya, ma anonghe ntsa sa nu mathu leben tsüdi pi Apvüwa wi bentenlo kesa mathu kechü-kenong chicü.

KEKULI 13:50

Isala Judah nyithu na anyunuti tsüwa wi accülikesathu nu Judah nyi nkenye atheghi kemehai wi nza Anyiza kinyi ketenthu kethukehi chia. Mathu na Paul nu Barnaba manyi meten-mesha shagha nu ayyi tsüwa wina manyi jügü shia.

KEKULI 14:22

Manyi ciwi wa kenondithu na kenondi tsentsa wi benya thsüle kesalina mathu satezü nu kechü-kenong nu khi, “Ithu na Anyiza Kadiyyi wi dule kesalina agükeccü kejon saben.”

KEKULI 14:3

Apostel keni na ciwi matsü kesie-u ben nu manyi kempvüza sala Apvüwa jüh khi. Manyi na Apvüwa nanketizen cüki kekhi tsüna atsentsa le kesa ma amankesa nu azensuthu kuliya kemehai kekhang pi manyi cü nu kuli thsü.

KEKULI 16:14

Ciwi nza kesü Thiatira wina kegho athsümeni menkedhu pi jeü keten ma nyan Lydia na ben. Ma Anyiza kinyi nu hang keten nyi kesü, Apvüwa na ma leben sha chicü nu ma Paul jüh kekhi tsü zaya.

KEKULI 17:17

Tsalina ma atsathangla Sinagog wi Judah nyithu nu Judah nyi nkenye Anyiza kinyi ketenthu nu asenkesapen wi anyi metu keyathu tsüdi ssinu keccünengli.

KEKULI 17:34

Isala anyi pahan na ma nie wa nondiya, tsü jawi hoho wi anyi kesü Dionusia; nu nza kesü Damari kesa nu kepathu la ben.

KEKULI 17:4

Mathu pahan na nondiya nu Paul nu Sila manyi nie wa, tsüti nza alikesathu nu Grik nyi akhang keti na Anyiza nondiya.

KEKULI 18:7

Isanu ma mathu jawi na Judah nyi nkenye Anyiza kinyi ketenwa Tita Justa kesa jjen wi bvüa, ma jjen na Sinagog kete.

KEKULI 2:10

Frugia nu Panfilia, Egipt nu Libia yyi Ciren kete wina ghoben. Ikhang pahan na Rom,

KEKULI 28:23

Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi.

KEKULI 6:5

Anyi tsüdila apostelthu jüh tsü nen. Tsalina mathu na kenondi nu Kemetha Ghamu pi pong pvü keten Stefan, nu Filip, Prokhora, Nikanor, Timon, Parmena, nu Judah yen nie wa kesa nyi Antiok wina keghowa Nikola, hathu ha kessiya.

ROMNYI 11:6

Ma kessikeya tsüna ma nanketizen wina khe mathu kekuli miwi na nye. Kepaghenanye keujüla Anyiza na kessikeya tsüna anyithu kekuli miwi na lethu, ma nanketizen tsüna ntsakhiwa nanketizen nye.

ROMNYI 3:24

Isala Anyiza nanketizen kekila wina khukechi Jisu Khrista mathu lisha kecüwa ghena mathu pi ma tuwi meshon yadha.

ROMNYI 5:2

Ma kenondi wina ithu ssigho ithu khili ngan keben Anyiza nanketizen wi ha chi cüdha. Ithu na Anyiza nyankethang wi benden kesa nondi nu kapvüben.

ROMNYI 5:21

Tsalina keshü ghena kesami khang kegho tsüti ketsatan ghena Anyiza nanketizen na kekhang senben, nu Apvüwa Jisu Khrista wina ithu ssi wa anuphan kahang wi chi cüden.

2 KORINTHNYI 5:11

Ikhang na Apvüwa kemessi jjügi tsü chüben, tsalina ikhang nyu kepa wila kizaden. Anyiza na ikhang cüki chütha ben, nu hi kemeshen tsü nthu la nthu leben wi hi chübenshe saben.

2 KORINTHNYI 6:1

Ikhang Anyiza gweghe kekuli kesa wina nthu wi khieben, nthu Anyiza nanketizen mu keyawa tsü yala meyasa thsü lalo.

GALATIANYI 5:1

Ithu na kekhenkeghe mangla nmi, kepaghenanye Khrista na ithu lisha chicüdha le! Tsalina kekhenkeghe nkemi nyi ti zükeqhe nganya, nu wala amagha tsü nsa neng layi.

GALATIANYI 5:4

Nthu Ayenwa kenie wina Anyiza tu wi meshon yale sa ketenthu, nthu ketanla Khrista wina nthu dendhi sen bvüden. Nthu na Anyiza nanketizen wi tsü nmi.

EFESANYI 2:8

Kepaghenanye kenondi ghena Anyiza nanketizen wi nthu hangsha yadha. Hawa ha nthu ketanla sa keya nye, isala Anyiza na aju khukechi.

FILIPPINYI 3:16

Isalela, ikhang na nie ghola khili ha cu keben yenthu tsü makesü nie sen nu atu wi jügü wa nalo.

FILIPPINYI 4:1

Tsalina icünyuthu, nthu na khatila hi tizen nu hi nthu nmvu ben nu! Nthu na khatila hi sa pi anongheya thsü, nu hi nthu ghena kapvüya thsü nu! Hi ketizenthu, tsalina nthu kahang wi Apvüwa wi zükeqhe ngan benyalo.

KOLOSSINYI 1:23

Nthu na ajühkemehaiwa zakeya wi kekiyi mukeya kaghangwa tsüna apen nketsen thsüla zükeqhe nondiki, nu ghansen khvu nbenthu yishü. Ajühkemehaiwa ha ghena hi, Paul na amagha kesü saben, nu ajühkemehaiwa ha pi ayyi wi anyi tsüdi sansi chidha.

KOLOSSINYI 1:28

Tsalina ikhang na Khrista jüh pi anyi tsüdi wi kizaden. Anyi kesüsü Khrista wi kezügü nyi sa nu Anyiza tu wi ghoya thsüle kesalina ikhang na saya kemehai chu kemetsa tsüdi sen nu mathu kitsan nu sansi benden.

TITA 2:11

Kepaghenanye Anyiza na ma nanketizen wi anyi tsüdi ghena hangshakeya tsü pi ccüca chidha.

IBRINYI 12:15

Anyiza nanketizen ncüzzi le kesa ghena kiden-kesha yalo. Thola ya kekha chan kesü ti shigü shagha nu anyi kejon sa pi agüccü thsü nsala.

IBRINYI 13:9

Kesansijüh len kepapa kesa kejon pi nthu ssideja nben thsüla. Kedsakejjü yen kenie wi nyela Anyiza nanketizen wina anon wi kekhang mu keyawa mehai; kepaghenanye kedsa kejjü yen nie ketenthu na ciwi mathu kekiyi mangla mu meya.

1 PITOR 5:12

Hi icünyuwa Sila kekiqa sen nu lesü melute ha zhü pi nthu cüben. Hi nthu kechü-kenong nu hawa ha Anyiza nanketizen atsentsa le kesa khiben. Ciwi tsü zükeqhe ben yalo.

2 PITOR 3:14

Tsalina ipvüshangthu, nthu na atsathang tsüwa hie keben jü wi nthu piketsü sala metha nu Anyiza tu wi kemeshensa nmi, nu ma gweghe kemehai sayalo.

1 JOHAN 2:28

Itsangathu, ma kegho tsathang wi ithu na kejüghe yala kuthi nbenla kempvüza saben le kesalina ma wi benyalo.

2 JOHAN 1:9

Anyi kesü le kesü lela Khrista kesansijüh wi nbenla ma gilli sa wa lethu, Anyiza na ma wi nmi. Thowa na Khrista kesansijüh wi ben khe ma Abawa nu Atsawa la ben.