KEKULI 13:40 - Kemethajüh (N) (Re-editing) Bible (BSI)

⁴⁰ Tsalina atusenjüh-kechüthu na kekhi jüh tsü nthu miwi nsacen thsüle kesalina kiden-kesha yalo:

KEKULI 13:40 Iomraidhean Croise

ISAYA 29:14

Tsalina hi meshen nkeben, amankesa nu qhethiketen kesa pi mathu kecü sengwi la cü nengden. Kemetsathu na kejüphon sa waben, nu mathu kemeghe-kemetsa na ma men nmila ben.”

EZEKIEL 33:9

Keujüla no anyi nkemehai kesü kitsan chi lela ma kesami nteshila kesami nyi kesü sa nu shü lela no kahangwa tsü hangsha yaben.

HABAKKUK 1:5

Tsaseng wi Apvüwa na ma nyithu wi kiza, “Nthu ketekevü wi mizzatentithu tsü ghang benlo, isathu nthu na mangwa muya khe tsü ghena amansa ben. Nthu na tsü cüki zaya lela nondi nkeben kekuli pahan sa chiden.

MALAKHI 3:2

Isala thowa na ma kegho tsathang witsü ngan benya mehai nu? Thowa na ma gho lethu, hang benya mehai nu? Ma sapuno kekhang ti, amighe sametha keten anni kesü ti kesa.

MALAKHI 4:1

Kemisintsa Apvüwa na khiben, “Anyi kekapvü nu nkemehaithu tsüdi pi amatsi ti mecang cü keten tsathangwa tsüna gho tendha. Tsü tsathang wi mathu pi mecang, nu mathu ji mangla nmila ben.

Luk Zhükechi Jühtheü Kemehaiwa 24:44

Tsaseng wi ma mathu wi khi, “Hi hathu cüki tsüdila kheni nthu gweghe keben wina khi pi nthu kizadha, Mosa Yenwa, atusenjüh-kechüthu na kezhü, nu Zakeci wi ighena zhü kethengthu tsüdila sacen shaben.”

JOHAN 6:45

Atusenjüh-kechüthu na zhütheng, ‘Anyiza na mathu tsüdi sansi cüben.’ Abawa jüh kina nu ma wi chükeyathu tsüdila hi wi ghoben.

KEKULI 15:15

Ntsawajüh na khi keben ti, atusenjüh-kechüthu jüh la tsü makesü:

KEKULI 7:42

Tsalina Anyiza na mathu teshi nu mathu yala tang wi ghotsithu kinyi wa thsü, tsüna atusenjüh- kechüthu lesüshen wi zhü ketheng ti: ‘Israel nyithu! Nthu na amapi jügha ayyikeshü wi keten wi, nthu na aghangsathu pathi pi ahhansha sa pi hi ncü.

IBRINYI 12:25

Tsalina kiden-keshaya, nu khi kebenwa jüh tsü nkina mvu nsala. Ayyi wi Anyiza ketsijüh kekhiwa jüh tsü nkina mvula kesathu na bvü meyala. Isalethu, keujüla ithu na tang wina khi kebenwa jüh tsü nkina mvula lethu, khati nu bvüya ben nu!

IBRINYI 2:3

Keujüla ithu na hangshakeya cüki keti hacucu ha pi ma men nkemi sa lethu, ithu khati nu tsü ghü ya mehai nu? Apvüwa na ma ketanla atuwa sa hangshakeya ha pi khichi, nu tsü za keyathu na tsü atsentsa le kesa pi ithu chü thsüdha.

IBRINYI 3:12

Ipvüshang kenondithu, nthu jawi anyi thola nkemehai nu nkenondi leben pvü nu hangkeben Nyiza wina ma ssi bvü thsü nsale kesalina kiden-kesha yalo.