KEKULI 13:34 - Kemethajüh (N) (Re-editing) Bible (BSI)

³⁴ Hawa ha Anyiza na ma pi ashüjjen wi bighe nwa thsüle kesalina ma zankiya keten cüki khi ketheng tsü: ‘Hi David wi khishi ketheng kemetha nu muya metsi keten kemihhi tsü pi no cüden.’

KEKULI 13:34 Iomraidhean Croise

2 SAMUEL 23:5

Anyiza na tsüti nu sawegü pi ishicübvüghathu cüden, kepaghenanye ma hi wi anuphan ghena cenkethenjüh kesü sapi thengdha, keccünenglicen kethengwa tsü pakhhiya nben, khishikethengwa tsü kemiliya nben. Tsüthu tsüna hi nmvu ketenwa; tsüna hi khangkeyawa, nu Anyiza na tsü sengho metsiben.

ISAYA 55:3

‘Inyithu, khili ijühkina nu hi wi ghalo; hi wi ghalo, isathu nthu kahang ben yaben! Hi nthu ssinu anuphanla ben keten cenkethenjüh kesü saaden, nu khishi pi David cü ketheng kemihhi tsüpi nthu cüben na.

JEREMIYA 30:9

Tsüti kesawa nyela mathu na hi Apvüwa, mathu Nyiza na David shicübvügha kesü hi ma pi kadimi sa thsü ketenwa kekuli saaben.”

JEREMIYA 33:26

Nu ntsakhiwa, hi ha saketheng ti hi Jakob shicübvüghathu nu imaghawa David ssinu cenkethenjüh tsü nieden. Hi David shicübvüghathu kesü kessi pi Abraham, Isak, nu Jakob shicübvüghathu miwi kekhang sen thsüden. Hi inyithu nantizen ntsa sacü nu mathu sapi mehai nengya thsüaden .”

HOSEYA 3:5

Isala Israel nyithu na Apvüwa mathu Nyiza nu David shicübvügha kesü mathu kadimiwa wi kheneng gho keten matsü kesü na ghoden. Isanu mathu na Apvüwa messi nu ma ju khukechi kemehaithu tsü yayaden.

AMOS 9:11

Apvüwa na khiben, “Hi David kadiyyiwa, ajjen kesü na qanca pi yasa kesawa ti kesa tsü sanengya keten tsathang kesü na gho tendha. Hi ma wikeshonthu sapfü nu tsü saneng yaden. Hi tsü saneng pi kheni ti saaden.

ZEKHARIYA 12:8

Tsü tsüwi Apvüwa na Jerusalem wi hang kebenthu khweya, nu mathu jawi nkezü ntsawa lela David kezü ti saaben. David shicübvüghathu na Apvüwa nyilo ti, Anyiza ti mathu lentsütson ben.

KEKULI 13:30

Isala Anyiza na keshü wi ma sa pi hangya thsüa,

KEKULI 13:37

Isala Anyiza na ma sa pi hangneng kecüwa ha tsü tsüti nsa.

KEKULI 2:24

Isala Anyiza na ma sa pi keshü wina hangneng-shagha thsüa nu keshü kekhang wi ma lisha chi cüa, kepaghenanye keshü na ma ghantenya nben.

ROMNYI 6:9

Kepaghenanye ithu na chüben, keshü wina Khrista sa pi hangya thsüdha nu ma khiela shü neng meyacha — keshü na ma miwi kekhang nmidha.