KEKULI 13:32 - Kemethajüh (N) (Re-editing) Bible (BSI)

^32-33 Nu ikhang na he wi Jühtheü Kemehaiwa sengho nthu cüben: Anyiza na ithu bamyithu wi ma mangwa sale khishichi khe tsüdila khili Jisu sa pi hangneng kecü wina mathu shicübvügha ithu ha ghena sa cendha. Tsüna Zakeci keniwa wi zhü ketheng ti, ‘No iTsa; hi nansü nten nBa sadha.’

KEKULI 13:32 Iomraidhean Croise

ADECHHÜ 12:3

“Hi sawegü pi no cü ketenthu sawegü cüden. Isala kishen cü pi no cü ketenthu kishen cüden.” “Nu hi no wina sawegü pi mizzatenti tsüdila cüden.”

ADECHHÜ 22:18

Mizzatenti tsüdila hi sawegü pi nshicübvüghathu kecü ti pi mathu la cülo khieben, — kepaghenanye no hi ayenkhukechi tsüdi kenie ghena.”

ADECHHÜ 26:4

Hi tang wi ghotsithu ti ashicübvügha kejon pi no cüden, nu hi ayyi ha tsüdi pi mathu cüaden. Mizzatentithu tsüdila hi sawegü pi nshicübvüghathu kecü ti sawegü pi mathu la cülo khieben.

ADECHHÜ 3:15

Hi no sapi nzawa nshinyi nankemeghüli thsüaden; nshinyi shicübvügha na keshüthangla nankemeghüli den. Ma shicübvügha na nli cücha cüben, nu no mathu ccümeccen mcüben.”

ADECHHÜ 49:10

Judah na kadi khhatssü senden, ma shicüthu na keshüthangla kekhang senben. Mizzatentithu na khajana sen nu, ma wi gho jühkeya wina ma tuwi kukeduben.

ISAYA 11:1

David kadishi hana achanton kesü shüchi kesa ti, isala ma chonhi wi ma connie ketheü shhugho keten ti, kadimi ketheü kesü David shicübvüghathu jawi na shaghaden.

ISAYA 40:9

Jerusalem, ayikha kemisi kesü miwi kilo, nu ajühkemehaiwa pi thangchilo! Ahhai misikhhali nu jishachilo, Zion; ajühkemehaiwa pi thangchilo! Nmessi la khishi chilo. Judah nyutithu wi mathu Nyiza na gho tendha le kizalo!

ISAYA 41:27

Jühtheü tsüpi Zion wi kiza tegüwa tsüna Apvüwa, hi; Hi nyilo kesü kesun pi Jerusalem wi chi nu khi, “N-nyithu na gho tendha! Mathu na ajjen wi gho tendha!”

ISAYA 52:7

Nyilo kesü na jühtheü, kecca nu jühkemehaiwa sen nu ayikhathu pvüdhi gho keten tsüna ghang pi khatila amansa nu! Ma khangkeya pi jisha nu Zion wi khiben, “Nthu Nyiza na kadimiwa le!”

ISAYA 61:1

Kemisintsawa Apvüwa na ma ghamu pi hi pong cüdha. Ma hi kessiya nu hi kesun pi ajühkemehaiwa sengho ketha-uthu cü thsü, leben gükeccüthu sapi mehai cü, nyu kekhu wi kebenthu kekhen nkemi, nu atssüzüthu lishü kecü jüh pi thangchilo kesalina.

ISAYA 7:14

Isalethu, Apvüwa na ma ketanla azensu kesü pi no cüaden : Ghala kesü na atsa npvüya nu pvügha yaden, nu ma nyan pi Immanuel ciden.

JEREMIYA 23:5

Apvüwa na khiben, “Hi David shicü wi ketsatan nyi kesü kessi pi kadimiwa sa keten matsü na ghoden. Kadimiwa tsüna metsa, ketsatan nu kemeshon sen nu ayyi tsüdi wi la kekhang senden.

EZEKIEL 34:23

Hi kadimiwa kesü imagha David ti kesa pi mathu cü nu pi mathu kehiewa sa thsü, nu ma mathu noncca yaden.

MIKA 5:2

Apvüwa na khiben, “Bethlehem Efratha, no Judah yyi wi anyuti kizza ntsa kesü, isala hi no wina ma theghishi na kheni tsü wina kegho Israel ghena kekhang kesen kesü shhugho thsüden.”

HAGGAI 2:7

Hi mizzatenti tsüdi yasa nu mathu keben-keyeng tsüdi sengho hewi Kekinyijjenwa ha kepong saaben.

ZEKHARIYA 13:1

Kemisintsa Apvüwa na khiben, “Tsü tsüna kegho wi atssükebvüpen kesü pfüsi chi pi David shicübvügha nu Jerusalem wi anyithu mathu kesami nu keqheza wina satemetha den.

ZEKHARIYA 13:7

Kemisintsa Apvüwa na khiben, “Njünnu, shaghalo, nu ighena kuliketen anenikehiewa tsü ssisalo! Ma pathilo, nu khaghanenithu na bvüzigheaben. Hi inyithu ssisaden,

ZEKHARIYA 6:12

Kemisintsa Apvüwa na hati khiben le ma kizalo, ‘Anyi kesü pi ma cünawa le khi keten tsüna ma khiewa ben khe mehai kayi waben nu Apvüwa Kekinyijjenwa tsü sapfü ben.

ZEKHARIYA 9:9

Zion nyithu! Anongheyalo, anongheyalo! Jerusalem nyithu, anonkeghe ghena jishalo! Ghangchilo, nthu kadimiwa na nthu wi gho tendha! Ma khang ntsa nu nyankethang sala ghoden, isala ma satemeni nu gada kesü miwi donki ben—— gada zza kesü miwi ben.

MALAKHI 3:1

Kemisintsa Apvüwa na luneng, “Hi hi nyilo kesun pi ighena alenwa tsü kiden-keshaya thsüaden . Isalethu, nthu na ghang ketenwa Apvüwa na zulila ma Kekinyijjen witsü ghoben. Nthu na muya mvu keben nyilowa na gho nu hi cenkethenjüh pi thangchiaben.

MALAKHI 4:2

Isala nthu ijühkina ketenthu tsü hi hangshakeya kekhang na aghani ti nthu miwi shhugho nu aghani kewegü ti sapi mehai kecü sen ghoben. Nthu na amesü zzathu ma jjen wina lisha kechi ti anonghe pi kephenki ben.

Luk Zhükechi Jühtheü Kemehaiwa 1:19

Nyilowa na luneng, “Hi Gabriel le! Hi Anyiza tu wi ngan benden, hi ajühkemehaiwa ha pi no kizalo hi kesun chi.

Luk Zhükechi Jühtheü Kemehaiwa 2:10

isala nyilowa na mathu wi kiza, “Nmessi lalo! Kepaghenanye hi nthu ghena Ajühkemehaiwa senghoben, nu tsüna ayyi nyi tsüdila anongheya thsüden.

KEKULI 10:36

Ma tsüdi miwi Apvüwa, Jisu Khrista wina kecca Jühtheü Kemehaiwa kesun pi Israel nyithu kecü tsü nthu na chüben.

KEKULI 13:23

Anyiza na ma jüh khi kechi ti David shicübvügha wi meshu kesü Jisu pi Israel nyi Hangshawa sa thsü.

KEKULI 13:38

Tsalina icünyuthu, ikhang na nthu ya chüya thsü mvu kebenwa na Jisu wina kesami teshi kecü kesansijüh pi nthu sansi;

KEKULI 14:15

“Ae, anyithu, nthu mangkesa na hati saben nu? Ishinyi la nthu ti anyi le! Ishinyi na nthu yala ma men nkemi hathu wina khapeghe sen nu Anyiza atssan, ayyi, atssükedone, nu ciwi kebenthu tsüdi sakechiwa wi tsü ghoya thsüle kesalina Jühtheü Kemehaiwa khi pi nthu wi thangchile ghoben.

KEKULI 26:6

Nu hi khili Anyiza na ajühkhuchi pi ithu bamyithu kecü tsü kenondi ghena he wi ngan nu ijüh kaghakhi ben,

KEKULI 3:19

Tsalina leben khapegheya nu Anyiza wi gholo, isathu ma nthu kesami teshi pi cüben na.

KEKULI 5:42

Mathu atsathang wila nhandhila Kekinyijjen wi nu nyu jjen wi Jisu, Messiya cüki Jühtheü Kemehaiwa tsü pi nyu sansi.

ROMNYI 1:2

Jühtheü Kemehaiwa hana kheni Anyiza na ma tusenjüh-kechüthu wi khishi ketheng nu Ntsawajüh wi zhü ketheng tsü.

ROMNYI 10:15

Nu keujüla nyilothu kesunshi nchi lethu, khati nu ketsijüh pi khichiya mehai nu? Ntsawajüh na khi keben ti, “Jühtheü Kemehaiwa sen kegho nyilothu ccü na khatila atsimehai nu!”

ROMNYI 4:13

Anyiza na Abraham nu ma shicübvüghathu wi ayyi tsüdi pi ma ji sa thsüaden khishichi, ma tsüti sa, tsüna ma Ayenwa kenie ghena nye, isala ma kenondi ghena Anyiza na ma pi ketsatan nyi saya.

ROMNYI 9:4

Mathu na Anyiza nyi; ma mathu pi ma tsangathu saya nu ma nyankethang pi mathu ccüca; ma mathu ssi nu cenkethenjüh saya nu Ayenwa pi mathu cüa; mathu na atsentsa kekinyi ben; mathu na Anyiza khishikechithu muya;

AYENZHÜNENG 18:15

Tsüti kesawa nye, ma nthu nyi jawi na hi ti kesa atusenjüh-kechü kesü kesun chicüben, nu nthu na ma jüh kinaben.