KEKULI 13:23 - Kemethajüh (N) (Re-editing) Bible (BSI)

²³ Anyiza na ma jüh khi kechi ti David shicübvügha wi meshu kesü Jisu pi Israel nyi Hangshawa sa thsü.

KEKULI 13:23 Iomraidhean Croise

2 SAMUEL 7:12

No shü nu pi nbamyithu gweghe kevhü seng wi hi ntsathu ja wi kesü pi kadimiwa sa thsü nu ma kadiyyi ya zü ntsa sa thsüden.

ZAKECI 132:11

No atsentsa jühkhishi pi David tuwi chi—— no khunengya nketen jühkhishi kechiwa tsü: “Hi ntsathu jawi meshu kesü pi kadimiwa sa thsü den, nu ma nsengwi kekhang senden.

ISAYA 11:1

David kadishi hana achanton kesü shüchi kesa ti, isala ma chonhi wi ma connie ketheü shhugho keten ti, kadimi ketheü kesü David shicübvüghathu jawi na shaghaden.

ISAYA 11:10

David shicübvügha wi kadimi ketheü kesü na mizzatenti tuwi kemechan kesa tsathang kesü na ghoden. Mathu na kadi nyunutiwa wi saghuya nu kenyuwakü pi ma cüden.

ISAYA 43:11

“Hi ketan Apvüwa, hi ketan nthu hangshaya ketenwa tsüle.

ISAYA 45:21

Gho nu nthu kaghatenjüh pi jüh kaghaten wi chilo; sheikepithu ya khokho keccünengli nan thsülo. Thowa na npi wina sagho keten tsü khichi nu? Tsüna hi, Apvüwa Anyiza, ma nyithu hangsha ketenwa tsü nye kwe? Acenpvü kepa wi nmi.

ISAYA 7:13

Isa na tsü luneng, “Kinalo, Kadimi David shicübvüghathu. Nyu na nthu nkaghangcha ketanla mehai lethu, Anyiza la nthu n-ghangchala thsüa le kwe?

JEREMIYA 30:9

Tsüti kesawa nyela mathu na hi Apvüwa, mathu Nyiza na David shicübvügha kesü hi ma pi kadimi sa thsü ketenwa kekuli saaben.”

AMOS 9:11

Apvüwa na khiben, “Hi David kadiyyiwa, ajjen kesü na qanca pi yasa kesawa ti kesa tsü sanengya keten tsathang kesü na gho tendha. Hi ma wikeshonthu sapfü nu tsü saneng yaden. Hi tsü saneng pi kheni ti saaden.

ZEKHARIYA 9:9

Zion nyithu! Anongheyalo, anongheyalo! Jerusalem nyithu, anonkeghe ghena jishalo! Ghangchilo, nthu kadimiwa na nthu wi gho tendha! Ma khang ntsa nu nyankethang sala ghoden, isala ma satemeni nu gada kesü miwi donki ben—— gada zza kesü miwi ben.

MATHI 1:1

Hawa ha Abraham shicübvüghawa David shicü kesü, Jisu Khrista bamyithu nyan kezhü:

MATHI 1:21

Ma atsa kesü pvüghaya ben, no ma nyan pi Jisu ciyalo — kepaghenanye ma kesami wina ma nyithu hangsha yaben.”

MATHI 21:9

Anyitenti na Jisu tuwi wa nu aseng wi ketenthu na jisha nu khi, “Hosanna, David Tsawa! Anyiza na sawegü pi Apvüwa nyan wina gho ketenwa kecüwa salo! Hosanna, Kemisintsa!”

MATHI 22:42

“Nthu na Messiya cüki tsü khatile meshen ben nu? Ma thowa shicü nu?” Mathu na luneng, “Ma David shicü.”

Luk Zhükechi Jühtheü Kemehaiwa 1:69

Ma ma maghawa David shicübvügha wina ithu ghena Hangshawa kesü pieki cüdha.

JOHAN 4:42

nu mathu nzawa kiza, “Khili ikhang na no kekhi jüh ghena nye, isala ikhang ketanla ma jüh zaya, nu ikhang na ma ntsakhiwa ayyi Hangshawa le kesa chükeya ghena nondiben.”

JOHAN 7:42

Messiya tsüna Kadimi David shicü kesü sa nu David kahang pen Bethlehem nyuti witsü pvüghaya benle kesa Ntsawajüh na khiben.”

KEKULI 13:32

Nu ikhang na he wi Jühtheü Kemehaiwa sengho nthu cüben: Anyiza na ithu bamyithu wi ma mangwa sale khishichi khe tsüdila khili Jisu sa pi hangneng kecü wina mathu shicübvügha ithu ha ghena sa cendha. Tsüna Zakeci keniwa wi zhü ketheng ti, ‘No iTsa; hi nansü nten nBa sadha.’

KEKULI 2:30

Ma atusenjüh-kechü nyi kesü nu Anyiza na ajüh khishi pi ma kekiza tsü ma chüben; Anyiza na David shicübvügha kesü pi David ti kadimi sa thsüden.

KEKULI 3:26

Anyiza na nthu tsüdila nkemehai len wina kheneng gho nu kesawegü pvüyalo kesalina ma ma maghawa kessiya nu atuwa kesun pi nthu wi chicüle.”

KEKULI 4:12

Ma wi ketan hangshakeya muya ben, kepaghenanye ithu hangsha meyathu keyishü Anyiza na atssan kekhu wi anyan kepa wi pi anyithu ncü.”

ROMNYI 1:3

Hana ithu Pvüwa Jisu Khrista, ma Tsawa cüki tsü; asajjü wi ma David shicü wina pvüghaya,

ROMNYI 11:26

Nu hati nu Israel nyi tsüdila hangsha yaben. Ntsawajüh na khiben, “Hangshawa na Zion wina ghoden, nu Jakob shicübvüghathu miwi gheshighena tsüdi khupiaben.

TITA 1:4

Hi ha zhü pi kenondi wi saghu keben itsa ntsawa Tita cüben. Abawa Anyiza nu ithu Hangshawa Khrista Jisu ya nanketizen nu kecca pi no kecüwa salo.

2 PITOR 1:1

Simon Pitor, Jisu Khrista maghawa wina pi ithu Nyiza nu Hangshawa Jisu Khrista ketsatan wina ithu kenondi ti ma men kebenwa pi cü kethengthu wi kechi.

2 PITOR 1:11

Hati nu nthu ya ithu Pvüwa nu Hangshawa Jisu Khrista anuphan Kadiyyi wi tsü duya kemehai kekhang pi nthu cüden.

2 PITOR 2:20

Keujüla anyithu na ithu Pvüwa nu Hangshawa Jisu Khrista cüki kechü wina ayyi nkemehaiwa kekhang wina bvü shhuya kesa seng wi tsüthu yala mathu miwi khangya thsü lethu, mathu kahang na kheni miwi nansüwa nmehaiki laden.

2 PITOR 3:18

Isala ithu Pvüwa nu Hangshawa Jisu Khrista cüki kechü nanketizen wi shigü kayi wa keyawa salo. Khili nu anuphanla ma nyanthang keyawa salo! Amen.

2 PITOR 3:2

Nthu ya kheni atusenjüh- kechüthu na kekhi jüh, nu Apvüwa nu Hangshawa jühkhukechi nthu apostelthu na pi nthu kecü tsü meshenya thsü mvuben.

1 JOHAN 4:14

Abawa na ma Tsa kesun pi ayyi Hangshawa sa thsüle kesa ithu na muyadha nu khi pi nyu kepa kizaden.

JUDE 1:25

ithu Pvüwa Jisu Khrista wina ithu Hangshawa Anyiza ketan ya kheni abvüye tsüdi, khili, nu anuphan nu anuphanla anyankethang, ajenkeben, kekhang, nu kekhangkedi kebenwa salo! Amen.

CCÜCAKECHI 22:16

“Hi, Jisu, hi nyilo kesunchi pi kemehuthu wina pala hathu pi nthu kiza thsü. Hi David shicü wina gho. Hi aghanen ghotsi kewegüwa.”