KEKULI 13:22 - Kemethajüh (N) (Re-editing) Bible (BSI)

²² Ma khukea seng wi Anyiza na David pi mathu kadimiwa sa thsü. Hawa ha Anyiza na ma cüki kekhi: ‘Hi anyi kemehai kesü ileben kaghawa Jesse tsa David muyadha, ma hi ma yala sa thsü mvu kebenthu tsüdi saden.’

KEKULI 13:22 Iomraidhean Croise

2 SAMUEL 2:4

Tsaseng wi Judah wi anyithu na Hebron wi gho adeli pi David nyen pi Judah kadimiwa sa thsüa. David na Gilead wi Jabesh nyithu na Saul pi vhüdhale kesa zakeya wi,

2 SAMUEL 7:15

Isala hi Saul khupi nu no pi kadimiwa sa thsü kesa ti ma wi tsü hi kaghaliwa tsü khunengya nben.

2 SAMUEL 7:8

“Tsalina hi Kekhang ntsawa Apvüwa na imaghawa David wi hati khibenle ma kizalo, ‘Hi no alli wi khaghaneni hieketen ssigho no pi Israel nyithu miwi kekhang kesenwa sa thsü.

1 KADIMITHU 15:3

Ma ma ba ti kesamithu tsü sa, nu ma ma baqhai David na kesa ti Apvüwa ma Nyiza jühkeya wi bentha nsa.

1 KADIMITHU 15:5

David na Hitti nyi Uria miwi ketan khe ma Apvüwa kenenwa sa nu khiela ma yenkhukechithu kesüla n-niela nkesa ghena Apvüwa na ha sachi.

1 KHENICÜKI 10:13

Saul na Apvüwa wi jühtsentsa nkesa ghena shüa. Ma Apvüwa yenkhukechithu tsü n-niela; ma keshü ghamuthu ccünengla lenketsütson bha,

1 KHENICÜKI 2:12

Obed, nu Jesse.

ZAKECI 2:6

“Zion Yikha kemethawa miwi hi kadimiwa pi benya thsüdha,” ma isakhi.

JEREMIYA 33:21

Tsüti hi imaghawa David ssinu cenkethenjüh kesü satheng, tsüna keshüthangla ma shicübvügha kesü na kadimi kesa na ben den, nu hi Levi mizza wi keqhaikedithu ssinu cenkethenjüh kesü satheng, tsüna mathu na keshüthangla hi kekuli sa thsüle kesalina; nu cenkethenjüh tsüthu tsü pakhhi meyacha.

JEREMIYA 33:26

Nu ntsakhiwa, hi ha saketheng ti hi Jakob shicübvüghathu nu imaghawa David ssinu cenkethenjüh tsü nieden. Hi David shicübvüghathu kesü kessi pi Abraham, Isak, nu Jakob shicübvüghathu miwi kekhang sen thsüden. Hi inyithu nantizen ntsa sacü nu mathu sapi mehai nengya thsüaden .”

EZEKIEL 34:23

Hi kadimiwa kesü imagha David ti kesa pi mathu cü nu pi mathu kehiewa sa thsü, nu ma mathu noncca yaden.

HOSEYA 3:5

Isala Israel nyithu na Apvüwa mathu Nyiza nu David shicübvügha kesü mathu kadimiwa wi kheneng gho keten matsü kesü na ghoden. Isanu mathu na Apvüwa messi nu ma ju khukechi kemehaithu tsü yayaden.

KEKULI 13:36

David na ma kahang wi Anyiza kemeshenwa tsü sa nu shü, nu ma pi ma bamyithu kete wi vhüa. Ma kamang na ashüjjen wi bighe.

KEKULI 15:8

Anyiza, anyi leben chü kebenwa na Judah nyi nkenyethu la nantizen tenle kesa Kemetha Ghamu pi ithu kecü tsüti pi mathu la cüa.

KEKULI 7:46

Ma Anyiza kaghali pvüya nu Anyiza na Jakob Nyiza keben pen pi ma cülo khie.

1 SAMUEL 12:25

Isala keujüla nthu na kesami tsü sakiben lethu, nthu nu nthu kadimiwa lela yasa cüben.”

1 SAMUEL 15:11

“Hi Saul pi kadimiwa sa thsü kesalina aleben naa ben; ma hi wina bvü nu iyenkhukechiwa tsü n-nieladha.” Samuel na ma ghepvü, nu ma aghaja thangthang Apvüwa wi khie.

1 SAMUEL 15:23

Ma kematang kekuli tsüna kedema ti nmehai nu kinankeli tsüna atsikezhü kekinyi kesami tile. No Apvüwa jühkhukechi tsü meya mvula kesalina ma la no pi kadimiwa kesa tsü meya mvuladha.”

1 SAMUEL 15:26

Samuel na luneng, “Hi no gweghe wa neng ntendha. Kepaghenanye no Apvüwa jühkhukechi tsü meya mvula, nu ma la no Israel kadimiwa kesa tsü meya mvuladha.”

1 SAMUEL 15:28

Samuel na ma wi khi, “Apvüwa na nansü no wina Israel kadiyyiwa tsü pakhhi senbvü nu tsüpi anyi kesü nmiwi kemehaikiwa tsü cüdha.

1 SAMUEL 16:1

Apvüwa na Samuel wi khi, “No Saul ghena matsü khathula nhathana benten nu? Hi ma pi Israel kadimiwa nsa thsü mvuladha. Isala khili oliv deli pahan khuya nu Bethlehem wi anyi kesü ma nyan Jesse wi tsü walo, kepaghenanye hi ma tsa kesü pi kadimiwa sa thsüle kessiyadha.”

1 SAMUEL 16:13

Samuel na oliv deli khuya nu ma cünyuthu tuwi na pi David nyen cüa. Tsümeyi Apvüwa ghamu na David miwi dugho nu tsü ghanan nten na ma ssiben wa. Tsaseng wi Samuel na Ramah wi wha neng.

1 SAMUEL 28:16

Samuel na khi, “Mangkesa na Apvüwa na no teshi nu nghinyi sa wa lethu no hi citen nu?

1 SAMUEL 31:6

Tsütinu Saul, ma tsa kecheng, nu pvüzawa la shüa; Saul nyi tsüdila tsü ghanan shüa.