KEKULI 13:2 - Kemethajüh (N) (Re-editing) Bible (BSI)

² Mathu na zi nu Apvüwa kinyi keben wi Kemetha Ghamu na mathu kiza, “Barnaba nu Saul manyi na ighena nu hi manyi ci keya kekuli tsü sa thsüle kesalina manyi kesunshi chilo.”

KEKULI 13:2 Iomraidhean Croise

1 KHENICÜKI 16:4

David na Levi nyithu pahan pi Cenkethenjüh Khitson tuwi Apvüwa Israel Nyizawa kekinyi wi akhwisa pi ma keseng wi kessithu sa thsü.

DANIEL 9:3

Nu hi atsentsa sa Apvüwa Anyiza wi khie nu ma wi keshükenela zi, nu aleshithsü mphi nu ayyinikhu wi donkiben.

MATHI 17:21

Isala hati kesa ha kekhie nu kezi wina ketan khe mangla sa nu jügükeya nmi.”

MATHI 6:16

“Nthu na kezi wi nkenyeghe kesathu na sa keten ti ahathanathi nsa lalo. Nyu yala mathu zi benle kesa chüya thsüle kesalina mathu na atsi nsala benden. Hi nthu kizaden, mathu na akutimen tsüdi muyadha.

MATHI 9:38

Tsalina alli pvüwa wi kekhie sanu ma yala kekuli nyi kejon kesun pi ma lli wwi thsülo.”

Luk Zhükechi Jühtheü Kemehaiwa 10:1

Haseng wi Apvüwa na anyi achentagü nu keni kessiya nu meshu kenini kesun pi ma tuwi na ma wale keben anyutithu nu apen tsüdi wi chi.

KEKULI 10:19

Pitor na khili kecu kemanthi jjügi tsü chüyale keben wi Aghamu na ma wi kiza, “Kinalo! Meshu kecheng na no bhaden.

KEKULI 10:30

Kornelia na khi, “Ghanan kecheng wadha, ha tsü wi ha hi minulen wi amighe kecheng kekihhe wi kekhie saben. Zuli anyi athsümeni kemiki mphi nu gho wan ituwi nganya,

KEKULI 13:3

Mathu na zi nu kekhie sa, nu mathu kwen chang pi manyi miwi chi nu kesunshi chia.

KEKULI 13:4

Kemetha Ghamu na kesunshi kechi ti Barnaba nu Saul manyi na Selusia wi wa nu ciwi na ayyi mangkehi Cipra wi wa.

KEKULI 14:26

nu ciwi atssü wina Antiok wi gho neng, apen ciwi na manyi Anyiza nanketizen sen nu kekuli salo kesunshi kechi tsü manyi na khili sacendha.

KEKULI 20:28

Tsalina nthu ketanla nthu ghena nu Kemetha Ghamu na nthu pi hie thsü ketheng nenithu tsü nonccayalo. Anyiza kemehu, ma ma Tsawa pi ahhansha kesa wina sa kethengwa tsü hie kemehai saya.

KEKULI 22:21

Apvüwa na hi wi khi, ‘Walo, hi no kesun pi kelensie wi Judah nyi nkenyethu wi chiben.’ ”

KEKULI 4:36

Tsüti Josef, Levi nyi kesü Cipra wi kepvüghawa, apostelthu na pi Barnaba (ma jjügi nyu kechü-kenongwa) le ci ketenwa la

KEKULI 6:4

Isanu ikhang na matsü tsüdi pi kekhie sa nu nyu sansi isa na.”

KEKULI 8:29

Kemetha Ghamu na Filip wi kiza, “Gorugari katsüwa tetsaki whalo.”

KEKULI 9:15

Apvüwa na ma wi khi, “Walo, kepaghenanye hi ma yala hi kekuli sa nu inyan pi Judah nyi nkenyethu, kadimithu, nu Israel nyithu chüya thsüle kesalina hi ma kessi yadha.

ROMNYI 1:1

Anyiza na ma Jühtheü Kemehaiwa pi nyu sansilo kesa ghena ciya nu kessi pi apostel kesü saya kesawa, Jisu Khrista maghawa Paul wina sa kechi.

ROMNYI 10:15

Nu keujüla nyilothu kesunshi nchi lethu, khati nu ketsijüh pi khichiya mehai nu? Ntsawajüh na khi keben ti, “Jühtheü Kemehaiwa sen kegho nyilothu ccü na khatila atsimehai nu!”

ROMNYI 15:16

tsüna hi ya Jisu Khrista magha kesü sala Judah nyi nkenyethu ghena kuli thsüben. Hi keqhaikedi kesü ti kuli nu Anyiza wi Jühtheü Kemehaiwa pi sansi, isanu Judah nyi nkenyethu ya kekinyi kesü ti sa nu Kemetha Ghamu wina satemetha pi Anyiza wi chi nu yaya kemehai saya thsüle kesalina.

1 KORINTHNYI 12:11

Isala hathu ha tsüdila Aghamu kesütan nu makesü wina saben; ma kenen kemeshen wina aju kepapa kesa pi meshu kesüsü cüben.

1 KORINTHNYI 7:5

Nshinyi na matsü keujü kekhie sale kesa ghena cen pi nketheng tsü nshinyi khokho nhhaghela; isala tsaseng wi nshinyi jüwi keshanyi yenwa tsü sa neng walo. Hati nu nthu na kekhen neng meyala Satan kemechu wi duya kemehai khen yaben.

2 KORINTHNYI 11:27

Hi agüccü ntsa nu kuli; ghaja kejon wila jen meya; ghama nu dighe; matsü kejon wila kedsakejjü, kejenpen, nu athsümeni nmila sa.

2 KORINTHNYI 6:5

Nyu na ikhang kiccü, atssüzü sa, nu kimenni; ikhang na njenla khhwen nu kuli ntsa sa.

GALATIANYI 1:15

Isala Anyiza na ma nanketizen wina hi npi kepvügha wina hi kessiya nu hi ci pi ma kekuli sa thsüa.

EFESANYI 3:7

Anyiza nanketizen ju kemehai khukechi wina hi pi ajühkemehaiwa magha kesü saya thsü, tsüna ma kekhang kuli keben wina pi hi kecü.

AYENZHÜNENG 10:8

Ci ayikha wi Apvüwa na Levi mizza nyi pi keqhaikedithu sa nu ma kekuli sa, nu Cenkethenjüh Khitson kenonccathu, nu ma nyan wina kesawegü kekhiethu sa thsü. Nu hathu hana khilila mathu kekuli.

KOLOSSINYI 4:17

Nu Arkhippa wi kiza, “Apvüwa kekuli pi no cü ketheng tsü sacen metsilo.”

1 TIMOTHI 2:7

Tsalina hi ya kenondi nu atsentsawa ketsijüh tsü pi thangchilo kesalina hi pi Judah nyi nkenyethu ghena apostel kesü nu kesansiwa sala kesunchi. Hi milimesa nben; hi atsentsawa khiben.

2 TIMOTHI 1:11

Anyiza na hi Jühtheü Kemehaiwa pi thangchilo kesa ghena hi pi apostel nu kesansiwa sa thsüdha,

2 TIMOTHI 2:2

Hi chüzathu kejon tu wi na pi kesansijüh no za keyathu tsü khuya, nu tsüthu pi anyi kepathu la sansiya kemehaithu tsü dhen chilo.

2 TIMOTHI 4:11

Luk ketan hi gweghe ben. Mark ssiya nu nshinyi gweghe gholo, kepaghenanye ma kekuli wi hi kiqa cüya mehai.

2 TIMOTHI 4:5

Isala no matsü tsüdi wi no kekheneng meyathu yishü; ketizenkesa wi kethankehiya, jühketsinyi kekuli sa, nu no Anyiza magha kekuli tsü maben satenlo.

IBRINYI 5:4

Anyi thola ma ketanla ma kessi pi kekinyikü keqhaikedi ntsawa tsü saya nten. Aaron na kesa ti Anyiza na cikeya wi ketan anyi kesü tsü pi keqhaikedi ntsawa sa thsüden.

1 SAMUEL 2:11

Tsaseng wi Elkana na Ramah wi ma jjen wi whaneng, isala pvüzanyiwa Samuel na Shilo wi ben nu keqhaikediwa Eli kekhu wi Apvüwa kekuli sa wa.