KEKULI 13:19 - Kemethajüh (N) (Re-editing) Bible (BSI)

¹⁹ Ma Kanaan yyi wi mizzatenti tagü yasa pi nu Israel nyithu pi ayyi tsü nkaya thsüa.

KEKULI 13:19 Iomraidhean Croise

ADECHHÜ 12:5

Abram na ma wubvü Sarai, ma cünyuwa tsa Lot, nu ma keben-keyeng tsüdi nu Haran wi ssikeya amaghathu tsüdi ssiya nu Kanaan yyi wi wale kesa ghena shhu. Mathu wa Kanaan cukeya wi,

ADECHHÜ 17:8

No khili kijünyi sala hang keben yyi hawa ha hi khupi no nu nshicübvüghathu cüden. Kanaan yyi mabenla nshicübvüghathu yyi sa, nu hi mathu Nyiza saden.”

1 KADIMITHU 6:1

Israel nyithu na Ejipt keteshi amapi meza mejü nu achentazen kesa seng wi Solomon na Israel miwi kadikesa amapi mejüwa asha keni, Ziv sha wi Solomon na Kekinyijjenwa tsü sa shhu.

NEHEMIYA 9:24

Mathu na Kanaan yyi tsü nkaya; no ciwi anyithu miwi khangya, No kekhang pi n-nyithu cü nu mathu ya Kanaan nyithu, nu kadimithu miwi mathu kemeshen saya thsü.

ZAKECI 135:11

Sihon, Amor nyithu kadimiwa, Og, Bashan kadimiwa, nu Kanaan wi kadimithu tsüdi.

ZAKECI 78:55

Ma nyithu na atujügüwathu ma ayyi ciwi kahangthu tsüdila jügüa. Ma mathu yyithu tsüpi Israel mizzathu gishü cü, nu mathu jjenthu tsüpi ma nyithu cüa.

ISAYA 34:17

Mathu jawi ayyi gishü pi cü nu tsüdila ashei kesüsü muya thsü ketenwa tsüna Apvüwa le. Mathu na ayyi tsüwa wi abvüye bvüye hang waben, nu tsüna anuphanla mathu ji saaben.

KEKULI 7:45

Tsashi seng wi ithu bamyithu na mathu bathu wi nithsüjjen tsü muya nu tsü pvü wa Joshua gweghe mathu na atujügüwa lethu Anyiza na amizza kepathu jügüshi kesa wi ayyi tsü nkaya. Nu tsüna David tsü kecu chu ciwi ben.

AYENZHÜNENG 7:1

“Apvüwa nthu Nyiza na nthu ssi wa ayyi nthu na benyale keben witsü chicüben, nu ma ciwi mizzatenti kejon jügüshi shaben. Nthu na atujügüwathu ma nthu miwi ketiki nu kekhangki mizzatenti tagü - Hitti, Girgash, Amor, Kanaan, Periz, Hivi, nu Jebus nyithu jügüshi cüben.

JOSHUA 14:1

Hawa ha Kanaan yyi Jordan na niduwa pi Israel nyithu jawi kegishü cüki. Keqhaikediwa Eleazar, Nun tsawa Joshua, nu Israel mizzathu jawi atheghi ccülikesathu na tsüpi anyithu jawi gishü.

JOSHUA 18:10

Joshua na akezen wwi nu mathu ghena Apvüwa kemeshen kina, nu ayyi keben tsü gishü pi Israel mizzathu kesüsü mabenla cüa.

JOSHUA 19:51

Keqhaikediwa Eleazar, Nun tsawa Joshua, nu Israel mizzathu wi atheghithu ccülikesathu na Shilo wi Apvüwa ketenpen Nithsüjjen kedulen wi akezen wwi pi Apvüwa kemeshen kina nu ayyi hathu pi gishü. Hatinu mathu na ayyiwa tsü pi gishü cenya.

JOSHUA 23:4

Hi mizzatenti khili la kebenthu nu hi mathu miwi khangkeya mizzatenti tsüdi yyi nishuwa Jordan ghaku wina wa niduwa Mediterranean Tssükedone kecu pi nthu mizzatenti ji saya thsüdha.

JOSHUA 24:11

Nthu na Jordan pvüdhi sen Jerikho wi ghoya. Amor, Periz, Kanaan, Hitti, Girgash, Hivi, nu Jebus nyithu na nthu ssinu aghikesa ti Jerikho nyithu na nthu ssinu aghisa. Isala hi mathu tsüdi miwi khangkeya pi nthu cüa.

PENDHENYI 11:26

Amapi meza kecheng ha Israel na Heshbon nu Aroer, nu tsüthu kevü wi anyunutithu, nu Arnon Ghaku ghüsa wi anyunutithu tsüdi wi ben wadha. No mangkesa na tsü tsüwi tsüthu khuneng meyala nu?