KEKULI 13:15 - Kemethajüh (N) (Re-editing) Bible (BSI)

¹⁵ Mosa Yenwa nu atusenjüh-kechüthu kezhü tsü kesi seng wi Sinagog wi kedithu na manyi wi ketsijüh kesunchi nu khi, “Acünyuthu, nshinyi na anyithu ghena kechü-kenong jüh ben lethu, ikhang na nshinyi yala tsü khi pi mathu kiza thsü mvu ben le!”

KEKULI 13:15 Iomraidhean Croise

MARK 5:22

Jaira, Sinagog wi kedi kesü na gho Jisu mukeya wi ma nkhwendu,

Luk Zhükechi Jühtheü Kemehaiwa 16:16

Johan Baptizwa tsü kecu Mosa Yenwa nu atusenjüh-kechüthu na kezhüchi tsüna ben gho; tsü nten na Anyiza Kadiyyi cüki Ajühkemehaiwa pi anyithu sansi kechi wi tsüdila ciwi dule apiketsü sa.

KEKULI 1:16

Ma kekhi na, “Icünyuthu, kheni na Kemetha Ghamu na David pang wina Judah na nyu ssi wa Jisu ghanya thsüa ketenwa cüki khi ketheng Ntsawajüh tsü nsacenthu yishü.

KEKULI 13:27

Jerusalem wi kahangthu nu accülikesathu na ma Hangshawa kesa nchü, nyelela mathu na Sabbath tsathang kaghapenla si keten atusenjüh-kechüthu jüh tsü chüshi meyala. Isala mathu na Jisu meshensa nu atusenjüh-kechü jühthu tsü sacenya thsüa.

KEKULI 15:21

Kepaghenanye Mosa Yenwa tsüna kheni wina Sabbath tsathang kaghapenla pi Sinagogthu wi si ghodha, nu ajühwa tsü pi anyuti tsüdi wi khichidha.”

KEKULI 15:7

Matsü kesie kicennali seng wi Pitor na shagha nu khi, “Ipvüshangthu, nthu na chüben, Judah nyi nkenyethu na ipang wina Jühtheü Kemehaiwa chüya nu nondiya thsüle kesalina Anyiza na kheni na nthu jawi na hi kessiyadha.

KEKULI 18:17

Mathu na tsüdila wala Sinagog wi kediwa Sosthenge ghanya nu ajüh kekaghatenpen tuwi na ma kiccü. Isala Gallio na tsü ghena mangla nkhi.

KEKULI 18:8

Sinagog wi alikesa nyi kesü Krispa na ma theghi tsüdi ssinu Anyiza nondiya; nu Korinth wi anyi kepa wi kejonla Paul na ketsijüh kekhi tsü zaya nu nondiya, nu baptaiz saya.

KEKULI 2:29

“Icünyuthu, hi kapvüshüsha nu ithu baqhaiwa David cüki khi pi nthu kizaben. Ma shü nu nyu ma pi vhü, nu ma shüjjen na nansü lela ithu jawi ben.

KEKULI 2:37

Anyithu na ha zakeya wi leben ketizen sa nu Pitor nu apostelthu wi khi, “Acünyuthu, ikhang na khati sa nu?”

KEKULI 2:4

Mathu tsüdila Kemetha Ghamu pi pongya nu Aghamu kekhang pi mathu kecü ti mathu na ajüh kepathu khi shagha shan.

KEKULI 20:2

Ma ayyi tsüthu pvüdhi wa ketsijüh khi pi anyithu satezü, nu ma Akhaya wi ghoya.

KEKULI 22:1

“Acünyu nu abathu, hi khili nthu tuwi ishei kepijüh ha kina chilo!”

KEKULI 4:36

Tsüti Josef, Levi nyi kesü Cipra wi kepvüghawa, apostelthu na pi Barnaba (ma jjügi nyu kechü-kenongwa) le ci ketenwa la

KEKULI 7:2

Stefan na luneng, “Acünyuthu nu abathu, ijüh kina chilo! Ithu baqhai Abraham na wa Haran wi npi kahang Mesopotamia wi keben Anyiza nyankethang na ma wi gho,

ROMNYI 12:8

keujüla tsüna nyu kechü-kenong kesa lethu, ithu na tsüti kesa-u. Thowa na pala pi nyu cüten khe mohho ntsa pi kecü-u; thowa na kekhang senben khe apiketsü sa kekuli-u; thowa na nyu tuwi ccatssüten khe anonghethi kesa-u.

1 KORINTHNYI 14:3

Isala anyi kesü Anyiza ketsijüh khi kebenwa tsüna anyithu wi khiben, nu tsüna mathu kiqa, kechü-kenong, nu leben satecca cüben.

2 KORINTHNYI 3:14

Ntsakhiwa mathu leben na dhua; nu nansü lela mathu na cenkethenjüh kaghawenwa tsü kesi wi ammi keshanthsü tsü makesü na gho mathu leben shan bhonyaden.

1 THESSALONIKANYI 2:3

Ikhang na nthu wi kekhie tsüna kesazzi nu nkemetha wina nye, nyelela ikhang na anyi kesüla mechu nten.

IBRINYI 13:22

Icünyuthu, hi nthu na kethankehi nu kechü-kenong ketsijüh hawa ha kinachilo khiben; kepaghenanye hi zhümelute sa pi nthu cüben.