KEKULI 13:14 - Kemethajüh (N) (Re-editing) Bible (BSI)

¹⁴ Manyi Perga wina sa sen nu Pisidia yyi Antiok wi ghoya. Manyi Sabbath tsathang wi Sinagog wi du nu donki ben.

KEKULI 13:14 Iomraidhean Croise

Luk Zhükechi Jühtheü Kemehaiwa 4:16

Tsaseng wi Jisu na ma hang keshagha nyu Nazareth wi wa khenighani ti Sabbath tsathang wi Sinagog wi wa nu shagha Ntsawajüh si.

KEKULI 13:42

Paul nu Barnaba manyi na Sinagog teshi nu bvü keten wi anyithu na gha ketenwa Sabbath tsathang wi la ghola pala tsüthu khipfü pi mathu kizalo manyi ci.

KEKULI 13:44

Tsashiwa Sabbath tsathang wi anyunuti ciwi kebenthu tsüdila Anyiza jüh kina le gho saghuben.

KEKULI 13:46

Isala Paul nu Barnaba manyi na tsü miwi kempvüza sa nu ajühkhi: “Anyiza jüh ha atuwa sa pi nthu nkizathu keyishü ghena. Isala nthu na tsü meya mvula nu nthu ketanla anuphan kahang tsü meya qo le sa kesalina ishinyi na nthu teshi nu Judah nyi nkenyethu wi wa tendha.

KEKULI 13:5

Manyi wala Salami cu keya wi Judah nyi Sinagog wi wa Anyiza jüh khi pi nyu sansi. Manyi Johan Mark yala kekuli wi manyi kiqa thsüle ssiya.

KEKULI 14:19

Judah nyi pahan na Pisidia yyi Antiok nu Ikonium wina gho; mathu na anyitenti zan pi mathu wiwa saya, nu alon pi Paul kecen nu ma shüdhale sala zan sen wa anyuti khesha wi khala.

KEKULI 16:13

Sabbath tsathang wi ikhang na anyunuti na ameiwa aghaku ghüsa wi Judah nyithu na kekhie kesa pen benle meshen nu wa, ciwi nzathu na saghu keben wi ikhang na wa mathu ssinu keccünengli.

KEKULI 17:2

Paul na pi ma yen sa keten ti Sinagog wi wa. Nu Sabbath tsathang kecheng-u jüwi ma anyithu ssinu keccünengli,

KEKULI 18:4

Ciwi ma Sabbath tsathang kaghapenla Sinagog wi wa Judah nyi nu Grik nyi la zanyale kesalina mathu ssinu ajüh keccücanli sa.

KEKULI 19:8

Paul na Sinagog wi wa nu asha kecheng-u kempvüza ntsa sa nu Anyiza Kadiyyi cüki khi pi anyithu zanyale kesalina mathu ssinu ajüh keccücanli.

KEKULI 9:20

Ma meshonqhe Sinagogthu wi wa nu Jisu tsüna Anyiza Tsawa le kesa pi nyu sansi.

2 TIMOTHI 3:11

hi kemeten-kemesha, nu hi ketizenkesa mudha. Antiok, Ikonium, nu Lustra wi imiwi khati sa nu hi kemeten-kemesha nkemehai ntsa wi kethankehikeya tsüdi no chüben. Isala Apvüwa na tsüthu tsüdi wi hi khushi cü.