KEKULI 13:11 - Kemethajüh (N) (Re-editing) Bible (BSI)

¹¹ Apvüwa kekhang na khili nmiwi dugho nu n-nyon nmula, nu matsü kesü wi aghani kewegü mu nben.” Tsümeyi anikhu kejang ti kesa na gho Eluma nyon shan bhonya, nu ma nyu yala ma zan sen nu alentsen thsüle kesa bha kevüli shagha .

KEKULI 13:11 Iomraidhean Croise

ADECHHÜ 19:11

Tsaseng wi manyi amei wi kebenthu tsüdi sapi anyon nmu thsüla nu ajenka bha kevüli wa.

2 KADIMITHU 6:8

Siriya kadimiwa na Israel ssinu aghisa. Ma ma kekhu wi kedithu ccüneng nu ma kemnanpen kesa pen kessiya.

Job Lesüshen 19:21

Nthu na ipvüshangthu! Hi nantizen cülo! Anyiza kwen na hi kihhe sheipidha.

ZAKECI 32:4

Ghaja ghanan no hi meten-mesha, Apvüwa; hi kezü tsüdila bvükhia, kiyeng wi atssü na ngen keten tsüti.

ZAKECI 38:2

No nlakusü pi hi mesa-menadha; no hi kihheshüdha.

BVÜKESHHU 9:3

hi adhagha nkemehai kesun pi nsahangthu miwi chi nu no metenmesha ben — no goru, gada, sunsiesa, amesüsi, khaghaneni, nu anenithu.

ISAYA 29:10

Apvüwa na no yala kumou nu jenchi ntsa wa thsüale sadha. Atusenjüh-kechüthu na anyithu nyon kesau, isala Anyiza na mathu nyon qhan bhondha.

JOHAN 9:39

Jisu na khi, “Hi anyi kemehai keteshü ghan-nan le ayyi ha wi gho, isanu anyon nkemuthu yala muya thsü, nu mu kebenthu ya nmu thsü lale kesalina.”

KEKULI 9:17

Tsalina Ananiya na Saul keben jjen wi tsü wala ma kwen chang pi ma miwi chi nu khi, “Icünyuwa Saul, no he wi gha keten alenca wi ma kemuwa Apvüwa Jisu tsüna hi kesun chiben. No ya pala mu nengya thsü nu Kemetha Ghamu pi pongya thsüle kesalina ma hi kesun chiben.”

ROMNYI 11:25

Icünyuthu, ciwi atsentsa kekuthi kesü na ben, nu hi nthu yala tsü chüya thsü mvuben; nthu na tsü chüya lethu, nthu na metsa ntsawa le nmeshenla ben. Israel nyi lebenkedhu tsüna anuphan ben nben; isala tsüna Judah nyi nkenyethu tsüdila Anyiza wi npi kegho chu benben.

IBRINYI 10:31

Hangkebenwa Anyiza kwen wi khulidu kesa tsüna qhethiketen kesü saben le!

2 PITOR 2:17

Anyi hathu na awen atssü keqha nu caghamo na mo pi keten akulukeshü ti kesa; Anyiza na kejang ntsa non wi mathu ben kiden pi thengdha.

1 SAMUEL 5:11

Tsalina mathu kheneng Filistin kadimithu tsüdi cichi nu khi, “Israel ji Cenkethenjüh Khitsonwa tsüna ithu nu ithu theghithu npathi thsüle kesalina tsü kesun pi ma pen wi chi nenglo.” Anyunutiwa maben wi messi wa, kepaghenanye Anyiza na mathu metenmesha ntsa sa.

1 SAMUEL 5:9

Isala tsü pie nu ciwi kegho wi Apvüwa na kemeten pi anyunuti tsüwa la cü nu ketizensa ntsa sa thsü. Ma avünen pi mathu metenmesha nu tsüna anyunuti tsüwa wi anyi ghanyi keqhai tsüdi gwo wi shhughoa.