KEKULI 12:6 - Kemethajüh (N) (Re-editing) Bible (BSI)

⁶ Herod na ma ssinu anyithu tuwi npi kegho ghaja wi Pitor na amighe ssüli keni pi ma bhen pvünu aghikehie keni jüwi jenben, nu aghikehiethu na atssüzüjjen jenka hie ben.

KEKULI 12:6 Iomraidhean Croise

ADECHHÜ 22:14

Abraham na apen tsüpi “Apvüwa khuchiden” isa cia. Nu nansü kecu anyithu na tsüpi “Apvüwa yikha wi ma khuchiden” isa khiden.

ZAKECI 4:8

Hi ilebencca nu jenya mehaidha; O Apvüwa, no ketan, hi noncca pi kemessi nkemi pen wi chi cüden.

JEREMIYA 40:1

Benchüwa Nebuzaradan na Rama wi hi teshichi kesa sengwi Apvüwa na hi wi kiza. Amighe ssüli pi hi hu sen nu Jerusalem nu Judah wi ssisen atssüzü sa wa keten anyithu tsüdi gweghe Babylonia wi wa.

JEREMIYA 40:4

Khili hi amighe ssüli pi nkwen hu ketheng ha khu nu no lisha chiaben . Keujüla no hi gweghe Babylonia wi wa mvu lethu waya mehai, nu hi no noncca yaben. Isala no nwa mvu lela mangla nsa. No diyyiwa maben wila no kenen pen kessiya mehai, nu no khiewa wa mvu khe waya mehai.”

MATHI 28:4

Aghikehiethu na messi pi kedheggü nu keshü kamang ti sa.

KEKULI 12:5

Tsalina Pitor pi atssüzüjjen wi chitheng, nu kemehu nyithu na ma ghena Anyiza wi khie ntsa saben.

KEKULI 21:33

Benchüwa na Paul ghanya nu amighe ssüli keni pi ma bhen yalo kesa ahza khuchia. Isanu ma “Anyi ha thowa nu ma mangwa sa theng nu?” kesa keü.

KEKULI 28:20

Tsalina hi ha jjügi ghena nthu metu chi nu ajüh pi kizale kesa khie, kepaghenanye hi Israel nyithu na nondi ketenwa tsü ghena hi amighe ssüli pvü le!”

KEKULI 5:23

“Ikhang na wa atssüzüjjen mehaitsü khen ketheng nu aghikehiethu la ajenkathu hie keben mu, isala ikhang na ajjen shadu nan thola nduku wi keben nmu le!”

EFESANYI 6:20

Kepaghenanye ajühkemehaiwa ha ghena hi khili atssüzü saben lela hi mithonyi kesü. Hi kekhi-u tsüti hi kempvüza sala ajühkemehaiwa cüki khiya thsüle kesa ghena kekhie salo.

AYENZHÜNENG 32:26

Hi mathu yasatha sa, nu anyi thola mathu meshen meyala kesale.

2 TIMOTHI 1:16

Apvüwa ya nanketizen pi Onesifora theghi kecüwa salo, kepaghenanye ma matsü kejon wi la hi sa pi anongheya thsü. Hi atssüzü saben lela ma njüghe,

IBRINYI 13:6

Tsalina ithu kempvüza sa nu khi nalo, “Apvüwa na hi kekiqawa, hi messi meyacha. Thowa na imiwi mangwa saya mehai nu?”