KEKULI 12:5 - Kemethajüh (N) (Re-editing) Bible (BSI)

⁵ Tsalina Pitor pi atssüzüjjen wi chitheng, nu kemehu nyithu na ma ghena Anyiza wi khie ntsa saben.

KEKULI 12:5 Iomraidhean Croise

MATHI 18:19

“Hi kheneng nthu kizaden, ayyi wi nthu meshu keni na kusi leben kesü sanu mangwa khie khe tang wi kebenwa iBa na tsü sa pi manyi cüben.

Luk Zhükechi Jühtheü Kemehaiwa 18:1

Jisu na ajühkaghape kesü pi mathu kiza nu mathu na keshüthangla khieben nu accükwen-nshü lalo kesa mathu sansi.

KEKULI 12:12

Ma kekuli hathu chükeya wi anyi kejon na saghu nu kekhie sa keben Johan Mark jja Maria jjen wi tsü wa.

KEKULI 12:4

Ma Pitor ghanya nu pi akhang mejü na meshu mejüjü sala aghihie keben tssüzüjjen wi chia. Herod na Shhukeya Kho kesa seng wi Pitor ssigho anyithu tuwi ajühkaghaten le sa.

KEKULI 12:6

Herod na ma ssinu anyithu tuwi npi kegho ghaja wi Pitor na amighe ssüli keni pi ma bhen pvünu aghikehie keni jüwi jenben, nu aghikehiethu na atssüzüjjen jenka hie ben.

1 KORINTHNYI 12:26

Keujüla agwo wi alen kesü na ketizen sa ben lethu, alen kepapa kesa tsüdila tsü gweghe ketizen saden, keujüla alen kesü na keseng pvüya lethu, alen kepapa tsüdila tsü gweghe anongheden.

2 KORINTHNYI 1:11

nthu na kekhie wina ikhang kekiqa ghena. Tsalina anyi kejon kekhie keluneng wina Anyiza na sawegü pi ikhang cü; nu anyi kejon na ikhang ghena Anyiza seng ben.

1 THESSALONIKANYI 5:17

kekhie saki benden,

IBRINYI 13:3

Nthu la atssüzü sa kebenthu gweghe keben ti mathu cüki meshen tenlo. Ketizen sa kebenthu ghena nthu la ketizen sa keben ti mathu cüki meshen tenlo.

JAMES 5:16

Tsalina nthu sa pi mehaiya thsüale kesalina khokho tu wi kesami khishi nu khokho ghena kekhie kesalilo. Ketsatan nyi kesü kekhie na kekhang ben ntsa kuliyaden.