KEKULI 12:4 - Kemethajüh (N) (Re-editing) Bible (BSI)

⁴ Ma Pitor ghanya nu pi akhang mejü na meshu mejüjü sala aghihie keben tssüzüjjen wi chia. Herod na Shhukeya Kho kesa seng wi Pitor ssigho anyithu tuwi ajühkaghaten le sa.

KEKULI 12:4 Iomraidhean Croise

ESTHER 3:13

Lesükepvüthu na thangkechi tsü sen nu kadiyyiwa wi diyyiwa tsüdi wi wa. Tsüwa tsü non wi kecükegwethu hati kesa na ben, Adar sha tagha kecheng ghanan witsü ghanan kesü jü ketan na Judah nyi, acali nu keqhai, nza nu ghanyithu, tsüdi pathilo. Mathu nanketizen nmitha pathilo, nu mathu kebenthu khuyalo.

BVÜKESHHU 12:1

Apvüwa na Ejipt wi Mosa nu Aaron manyi kiza,

KEMETSAJÜH 19:21

Anyithu na alen kepapa kesa tsüdi kiden benya mehai, isala Apvüwa na ma kemeshenwa tsü sa chiden.

KEMETSAJÜH 27:1

Khiela dhitsüwa ghena nkapvüla. Dhitsü wi mangwa saaten khe no nchü.

NONKEGÜ 3:37

Keshüthangla Apvüwa kemeshenwa tsü ketan na kuli shhugho yaden.

MATHI 24:9

Tsaseng wi nyu na nthu ghan pi metenmesha nu pi shü thsüaben. Anyi tsüdila ighena nthu nanmeghü ben.

MATHI 26:5

Mathu khi, “Anyithu jawi kivvü nshagha thsüle kesalina ikhang na akho sa keben tsü wi ha sa yishüle.”

MARK 14:1

Shukeya kho nu Azimi nkechi mesa pi kemishu kho tsüna gho keten ghanan keni keben wi keqhaikedi ntsathu nu Ayenkesansithu na kuthila Jisu ghanya nu pi shü thsüale kesalina alen bha.

Luk Zhükechi Jühtheü Kemehaiwa 21:12

Isala hathu tsüdi npi kesa tuwi nyu nthu ghan pi metenmesha; nthu ssi wa Sinagogthu wi ajühkaghaten nu nthu pi atssüzüjjen wi chiaben; inyan ghena nyu nthu ssinu kadimithu nu kekhang kesenthu tuwi waben.

Luk Zhükechi Jühtheü Kemehaiwa 22:33

Pitor na luneng, “Apvüwa, hi no gweghe atssüzü sa wa nu no gweghe shüya mehai le!”

JOHAN 19:23

Süpahithu na Jisu pi kejen seng wi ma thsümeni khuya nu gishü mejü sa pi süpahi kesüsü ji sa. Mathu na ma gwomejuwa ali na cü accü kecu kedegü yisü nkemiwa tsü la khuya.

JOHAN 21:18

Hi atsentsawa no kizaden: no kepvünyi tsüwi no ketanla ngeshi qhanya nu no kewa mvu wi waaben; isala no qhai wa lethu, nkwen zanki nu nyu na ngeshi qhan nu no ssinu no nkewa mvu pen wi waaben.”

KEKULI 12:3

Ma tsüna Judah nyithu kenen le kesa mukeya wi ma wala Pitor la ghanya. (Hawa ha Azimi nkechi Mesa Kemishu Kho tsüwi sa.)

KEKULI 12:5

Tsalina Pitor pi atssüzüjjen wi chitheng, nu kemehu nyithu na ma ghena Anyiza wi khie ntsa saben.

KEKULI 4:28

Mathu kemetuli nu no kekhang nu kemeshen wina sale südhe ketheng tsü tsüdila sa.

KEKULI 4:3

Tsalina mathu na manyi ghanya nu pi atssüzüjjen wi chi nu dhitsüwa cu, tsüna minu wa kesalina.

KEKULI 5:18

Mathu na apostelthu ghanya nu pi atssüzüjjen wi chia.

KEKULI 8:3

Isala Saul na kemehu yasa cüle keten. Ma ajjen tsüdi wi wa kenondithu npvüza le nza lela zanshiya nu mathu pi atssüzüjjen wi chia.