KEKULI 12:3 - Kemethajüh (N) (Re-editing) Bible (BSI)

³ Ma tsüna Judah nyithu kenen le kesa mukeya wi ma wala Pitor la ghanya. (Hawa ha Azimi nkechi Mesa Kemishu Kho tsüwi sa.)

KEKULI 12:3 Iomraidhean Croise

ZAKECI 76:10

Anyithu lebenketsuwa tsüna no seng kayiya thsüden; aghi wi hangkeyathu na nkhowa tsü kinyiden.

BVÜKESHHU 23:15

Nthu na Ejipt keteshi Abib sha wi hi nthu kekiza ti Azimi nkechi Mesa pi kemishu Kho tsü salo. Akho ha ghanan tagü jü tsü azimi pi kechi mesa ndsala. Mangla nsenla kemissü gho hi nkinyi lalo.

MATHI 26:17

Azimi nkechi mesa pi kemishu kho tsathang atuwa wi sansikeyathu na Jisu wi gho nu ma keü, “No ikhang yala khiewa wala nghena Shhukeya Kho tsse kedsa ghena kidenya thsü mvu ben nu?”

JOHAN 12:43

Kepaghenanye mathu na Anyiza miwi anyi kesengwa tsü nen kesalina.

JOHAN 19:11

Jisu na luneng, “Anyiza na pi no nkecü tsü no imiwi kekhang nmi. Tsalina hi ghan pi nkwen wi kechiwa kesami diki le!”

JOHAN 21:18

Hi atsentsawa no kizaden: no kepvünyi tsüwi no ketanla ngeshi qhanya nu no kewa mvu wi waaben; isala no qhai wa lethu, nkwen zanki nu nyu na ngeshi qhan nu no ssinu no nkewa mvu pen wi waaben.”

KEKULI 12:4

Ma Pitor ghanya nu pi akhang mejü na meshu mejüjü sala aghihie keben tssüzüjjen wi chia. Herod na Shhukeya Kho kesa seng wi Pitor ssigho anyithu tuwi ajühkaghaten le sa.

KEKULI 2:14

Pitor na apostelthu taghakhen gweghe ngan shagha nu ma hhai misi ntsawa nu anyitenti wi khi, “Ipvüshang Judah nyithu nu Jerusalem wi kahangthu tsüdila hi khile kebenwa ha kinachi nu hi ya ha jjügi pi nthu kiza thsülo:

KEKULI 20:6

Azimi nkechi Mesa pi Kemishu Kho seng wi ikhang na Filippi wina ahunjjen wi wa ghanan manga seng wi Troa wi mathu cuya nu ikhang na ciwi ghanan tagü ben.

KEKULI 24:27

Amapi keni seng wi Porsia Festa na Felix kuti sala ahng saya. Felix na Judah nyithu kenen pvüya mvu kesalina Paul pi atssüzüjjen wi chi theng.

KEKULI 25:9

Isala Festa na Judah nyi kenen pvüya mvu kesalina ma Paul wi keü, “No Jerusalem wi wala hi njüh hathu ha kaghaten thsü mvu ben kwe?”

KEKULI 4:13

Mathu na Pitor nu Johan manyi na anyi jümu pala nkechü nyi lela kempvüza kesa tsü mu pi mathu mansa. Isanu mathu na manyi kheni na Jisu nie keten nyile kesa chüya.

GALATIANYI 1:10

Ha hi anyi tu wi keseng pvüyale bha keben ti saben kwe? Nye le! Hi Anyiza kenenwa tsü saten le! Hi anyithu tu wi anyan kemehaiwa sayale ben kwe? Keujüla hi tsüti saben lethu, hi Khrista maghawa sa nkesa.

1 THESSALONIKANYI 2:4

Tsüti kesawa nye, ikhang na keshüthangla Anyiza na ikhang ya khi thsü mvu kebenwa tsü khiden, kepaghenanye ma ikhang ghan-nan nu Jühtheü Kemehaiwa tsü pi ikhang dhen kechi qo sadha. Ikhang na anyi kenen kesawa nyela Anyiza ithu leben ghan-nan ketenwa tsü kenen saden.