KEKULI 12:23 - Kemethajüh (N) (Re-editing) Bible (BSI)

²³ Tsü meyi Apvüwa nyilowa na Herod whengshia, kepaghenanye ma Anyiza nkinyiküla. Acaniethu na ma ghothi nu shü.

KEKULI 12:23 Iomraidhean Croise

2 KADIMITHU 19:35

Tsü ghaja Apvüwa nyilo kesü na Assiriya nyi kemnanpen wi wa süpahithu 185,000 pathia. Dhitsüwa atsantheghi wi mathu tsüdila ciwi shü benla!

2 KHENICÜKI 32:21

Apvüwa na tangnyilo kesü kesun pi Assiriya nyi süpahizi kedithu nu süpahithu pathi thsüa. Tsalina kadimiwa na ma ccükwenshüla Assiriya wi wha neng. Ghanan kesü ma ma cenpvü kekinyijjen wi keben ma tsathu pahan na mathu njünnu pi ma süthia.

Job Lesüshen 19:26

Kesakinaa ghei na ihyu dsakhi lela, agwo hawa ha na ben nu hi Anyiza mu den.

Job Lesüshen 7:5

Igwo na kesakinaa ghei pi pong, nu kekhuma kü ketan; kekhumathu wi anie na keji.

ZAKECI 115:1

No ghaliki keten nu nleben tsentsa tsü ghena anyankethang tsü pi ithu nyela no ketan, nu no ketan kecü-u le, O Apvüwa .

BVÜKESHHU 10:3

Tsalina Mosa nu Aaron manyi kadimiwa wi wa ma wi khi, “Ibri nyithu Apvüwa Anyiza na khiben le, ‘No matsü khathu ijüh nkina mvula hhaghe benten nu? Inyithu ya bvü thsülo, isanu mathu ya hi kinyi thsülo.

BVÜKESHHU 12:12

“Tsü ghaja hi Ejipt yyi tsüdi wi wa nu atsa tssütsewa nu asahang zza tssütsethu tsüdila pathi, nu Ejipt cenpvü tsüdila metenmesha ben. Hi Apvüwa.

BVÜKESHHU 12:23

Apvüwa na Ejipt yyi tsüdi wi wa Ejipt nyithu pathile kewa wi nthu jenka donbvüthu nu kenthsüwa wi ajjü muya lethu nyu kepathi nyilowa ya nthu jjen wi dula nthu pathi thsü nben.

BVÜKESHHU 12:29

Ghajanon wi Apvüwa na Ejipt nyi tsa tssütsethu tsüdi, kadimi tsa, ma kadipen ghong ketenwa na wa atssüzüsa kebenwa tsa kecu pathia; asahang zza tssütsewa la tsüdi pathikhia.

BVÜKESHHU 9:17

No khilila kinankele nu inyithu ya nbvü thsüla hhagheben.

KEMETSAJÜH 12:8

Keujüla no meghe-metsa lethu nyu no sengden; keujüla no jüphon lethu anyithu no nkhichi laden.

ISAYA 14:11

Harp pi akhwisa nu no nyuwakü keten nan, khilitsü no la he keshü yyi wi bendha man! No amedhenthu pi nwekeshi sa nu acanie pi kemphi sa wadha.’ ”

ISAYA 37:23

No thowa kimenni nu nkhichila ten nu? No Israel Nyiza Kemethawa, hi ha nkinyiküla ghodha.

ISAYA 51:8

mathu na akhali kedsathsü ti nmilaben! Isala hi khushikeya sengho ketenwa hana anuphan ji; hi khangkeyawa tsüna matsü tsüdi wila ben wa yaben.’

ISAYA 66:24

“Mathu na shhu keten wi hi matangla keshunthu keshü kamang muben. Mathu dsa keten gheithu na khiela shü nben, nu mathu mecang keten nni la nün nben. Mathu na anyi tsüdi ghena nankiqanan saaben.”

EZEKIEL 28:2

Ma khi, “Keshü nyiwa, Tur wi kekhang kesenwa wi hi Kemisintsa Apvüwa na ma wi kiza keben jüh hapi kizalo: No kapvüla awisa nu no acenpvü kesü le khi. No acenpvü kesü ti atssükedonethu vü keben kadipen kesü miwi donki benle khi. No acenpvü kesü ghe saya mehai, isala nye, no keshü nyi khe Anyiza nye.

EZEKIEL 28:9

Mathu na no pathia le kegho wi no ciwi la no acenpvü kesü tile khiben tenla? No no kepathithu ssinu kemetuli keya wi no keshü nyi ti saben khe acenpvü kesü ti saya nben.

KEKULI 12:22

Anyithu na magha nu khi, “Hawa ha acenpvü kesü na ajühkhi keben khe anyi nye le!”

KEKULI 5:19

Isala tsü ghaja Apvüwa nyilo kesü na ghola atssüzüjjen jenkathu sha nu apostelthu ssi shhula akhemi wi mathu kiza,

2 THESSALONIKANYI 2:4

Ma acenpvü le khi keten nyelela kinyi keten pvüwa tsüdi shun nu ma pi tsüthu tsüdi miwi kemisiwa sa, nu ma Anyiza Kekinyijjen wi lela dula donki nu ma pi Anyiza le khiben.

1 SAMUEL 25:38

Ghanan tagha seng wi Apvüwa na Nabal kihhe cü nu ma shüa.