KEKULI 12:19 - Kemethajüh (N) (Re-editing) Bible (BSI)

¹⁹ Herod na Pitor bha nanlo kesa ahza khuchia, isala mathu na ma mu meya. Tsalina ma aghikehiethu jühkaghaten nu mathu pi shü thsülo khichia. Ha seng wi Herod na Judea teshi nu wa Kaesarea wi matsü keu ben.

KEKULI 12:19 Iomraidhean Croise

1 KADIMITHU 20:43

Kadimiwa na ma leben güccü nu ahathanala ma jjen Samaria wi wha neng.

ESTHER 6:12

Tsaseng wi Mordekai na kadijjen kedulen wi whaneng nu Haman na kejüghe wina ma mmi shang pvü nu kaghajila ajjen wi wha.

JEREMIYA 36:26

Tsaseng wi ma ahza pi Kaditsa Jerameel cü nu Azriel tsa Seraiya nu Abdeel tsa Shelemiya gweghe nu hi nu kezhüwa Baruk ishinyi ghan yalo sa. Isala Apvüwa na ishinyi pi kuthi cüa.

MATHI 2:1

Herod na kadimi sa keben tsü wi Judea wi Bethlehem nyuti wi Jisu pvüghaya. Tsü tsüwi anyi pahan ghotsi cüki kesithu na nishuwa na Jerusalem wi gho,

MATHI 2:13

Mathu kebvü seng wi Apvüwa na nyilo kesü kesun pi aman wina Josef wi gho nu ma kiza thsü, “Herod na atsawa pathiale kesalina ma bha ghoben. Tsalina shagha atsawa nu ma jja manyi ssiya nu Ejipt wi bvülo, nu hi no npi kekiza chu ciwi benlalo.”

MATHI 2:16

Herod na nishuwa ghotsi kesithu na ma mechudha kesa chükeya wi ma lebenminu ntsa sa. Bethlehem nu tsü kevü wi ghanyithu amapi keni nu tsü cakhu wi tsüdila pathilo kesa ma ahza khuchia — hawa ha ma ghotsi kesithu wi chükeya kusi ghotsiwa tsü muya khe tsü kenie wina sa.

KEKULI 12:18

Ghanenwa wi Pitor na khati sadha nu kesa aghikehiethu jawi kivvü ntsa sa.

KEKULI 12:4

Ma Pitor ghanya nu pi akhang mejü na meshu mejüjü sala aghihie keben tssüzüjjen wi chia. Herod na Shhukeya Kho kesa seng wi Pitor ssigho anyithu tuwi ajühkaghaten le sa.

KEKULI 12:6

Herod na ma ssinu anyithu tuwi npi kegho ghaja wi Pitor na amighe ssüli keni pi ma bhen pvünu aghikehie keni jüwi jenben, nu aghikehiethu na atssüzüjjen jenka hie ben.

KEKULI 16:27

Isanan atssüzüjjen wi kediwa na shagha, ma ajenkathu na sha ketheng mu keya wi atssüzüthu tsüdila bvüdhale meshen; tsalina ma ketanla ma njünnu hanshi pi ma süthiale kiden.

KEKULI 21:8

Dhitsüwa wi ikhang na Kaesarea wi gho keya wi Jerusalem wi kekiqathu meshu tagü kessikeyathu jawi ma nyan Filip, Jühketsinyiwa jjen wi tsü ben.

KEKULI 25:13

Ghanan pahan seng wi Kadimi Agrippa nu Bernis manyi na Kaesarea wi anonkeghe sala Festa hhainan gho.

KEKULI 27:42

Süpahithu na atssüzüthu tsüdila pathi nu thola atssüghe sa sen nu nshhu thsüle kesa kiden.

KEKULI 8:40

Filip na Azota wi ghoya, nu ma Kaesarea wi wa, ma alenca wi Jühtheü Kemehaiwa pi anyuti tsüdi wi nyu sansi.

1 SAMUEL 23:14

David na ma kekuthi pen yyishiphon diyyiwa wi Zif ghansha kete witsü ben wa. Nu Saul na keshüthangla ma bha lela Anyiza na David pi ma kwen wi chi ncü.