KEKULI 11:26 - Kemethajüh (N) (Re-editing) Bible (BSI)

²⁶ Ma wa Saul metuya nu ma ssi sen Antiok wi gho. Amapi kesü chuli manyi gweghe kemehu nyithu metu nu anyi kejonla sansi. Hana Antiok wi sansikeyathu pi atuwa sa Khristanyi le ciya.

KEKULI 11:26 Iomraidhean Croise

ISAYA 65:15

Hi kessikeya nyithu na nthu nyan khipi kishen-keshi saaben. Hi Kemisintsawa Apvüwa na nthu pi shü thsüaben. Isala hi anyan ketheü kesü pi ijühkina ketenthu cüaben.

MATHI 28:19

Tsalina ayyi nyi tsüdi wi wa mathu pi hi sansikeyathu saya thsülo; Abawa, Atsawa, nu Kemetha Ghamu nyan wina mathu pi baptaiz sa cülo,

JOHAN 2:2

Jisu la ma sansikeyathu ssinu keshanyi kemishu witsü gholo qhechi.

KEKULI 1:15

Ghanan keu seng wi kenondithu anyi meza nu nkwe ghola mehu keben wi Pitor na shagha ajühkhi.

KEKULI 11:20

Isala kenondithu pahan na Cipra nu Ciren wina gho Antiok wi wa ketsijüh pi Judah nyi nkenyethu kiza nu Apvüwa Jisu cüki Jühtheü Kemehaiwa la pi mathu sansi.

KEKULI 11:22

Mathu cüki na wala Jerusalem wi kemehu cua, tsalina mathu na Barnaba kesun pi Antiok wi chi.

KEKULI 11:27

Tsü tsüwi Jerusalem wi atusenjüh-kechüthu pahan na Antiok wi wa.

KEKULI 11:29

Sansikeyathu na mathu meshu kesüsü saya kemehai chu kekiqa kesun pi Judea wi mathu pvüshang kenondithu cü tenle kesa südheya.

KEKULI 14:20

Isala kenondithu ma vüsen keben wi shagha anyutiwa wi du neng. Ma dhitsüwa wi Barnaba ssinu Derbe wi wa.

KEKULI 14:22

Manyi ciwi wa kenondithu na kenondi tsentsa wi benya thsüle kesalina mathu satezü nu kechü-kenong nu khi, “Ithu na Anyiza Kadiyyi wi dule kesalina agükeccü kejon saben.”

KEKULI 14:23

Manyi na kemehu tsüdi wi accülikesathu kessi pi cü, manyi zi nu kekhie sa nu mathu pi mathu na nondi ketenwa Apvüwa kwen wi chia.

KEKULI 14:27

Manyi na Antiok wi ghoya meyi kemehu nyithu cighu chi nu Anyiza na manyi ssinu kekuli sa keyathu nu Judah nyi nkenyethu ya nondiya thsüle kesa ghena alen shachi kecü cüki tsüdi khi pi mathu kiza.

KEKULI 14:28

Isanu manyi ciwi kenondithu ssinu matsü kesiela ben.

KEKULI 18:27

Apollo na Akhaya yyi wi wa mvu kesalina Efesa wi kenondithu na ma kechü-kenong nu Akhaya wi sansikeyathu na ma ssiyalo kesa lesüzhü pi cüchi.

KEKULI 19:9

Isala mathu pahan na leben-dhu nu n-nondila anyi tsüdi tuwi Apvüwa Lenwa tsü khisa. Tsalina Paul na mathu teshi nu sansikeyathu ssi wa Turannu kesansipen wina atsathangla mathu sansi nu ajüh keccünengli.

KEKULI 20:1

Kekivvü tsü kecen seng wi Paul na kenondithu cighu nu saketezü jüh khi pi kiza nu mathu kemehai sa benlo kiza nu Macedonia wi wa.

KEKULI 20:30

Nu nthu jawi anyi pahan shagha milikemesa khi pi kenondithu mechu sen nu mathu nie wa thsüaben kesa hi chüben.

KEKULI 21:4

Anyu tsüwa wi kenondithu pahan muya nu ikhang ciwi ghanan tagü ben. Mathu na Aghamu wina Paul Jerusalem wi nwa lalo khi.

KEKULI 26:28

Agrippa na Paul wi kiza, “No matsü keujü wina hi ya Khristanyi sa thsüale meshen ben kwe?”

KEKULI 6:1

Matsü pahan seng wi sansikeyathu ji kayi shagha, Grik jüh kekhi Judah nyithu nu Judah nyi ahvuthu jawi kicennali shagha . Grik jüh kekhi Judah nyithu na atsathangla pala kegishü tsü pi mehaitsü mathu denyilethu nan nben le khi.

KEKULI 6:5

Anyi tsüdila apostelthu jüh tsü nen. Tsalina mathu na kenondi nu Kemetha Ghamu pi pong pvü keten Stefan, nu Filip, Prokhora, Nikanor, Timon, Parmena, nu Judah yen nie wa kesa nyi Antiok wina keghowa Nikola, hathu ha kessiya.

KEKULI 9:19

nu ma dsajjü keya seng wi zü nengya. Saul na Damaska wi kenondithu gweghe ghanan keu ben.

KEKULI 9:38

Joppa nu Luda manyi jü na kesie nye. Joppa wi kenondithu na Pitor na Luda wi benle kesa chükeya wi mathu na meshu keni wi hati khila kesun pi ma ci wa thsü, “Tizen lethu, wan ikhang wi gholo.”

1 KORINTHNYI 11:18

Atuwa wi, nthu ghola saghukeya wi akhang kepapa saben kesa nyu na hi kizadha; nu hi kenondi tsü pahan ntsakhiwa.

1 KORINTHNYI 12:12

Khrista na agwo kesütan ti kesa, ciwi alen kepapa kejonla ben; alen kepapa saben lela agwo kesütan.

1 KORINTHNYI 14:23

Tsalina keujüla kemehu nyi tsüdi gho saghuya nu kesüsü tsüdila ajüh ketheü khi wa, nu keujüla anyi jümu nyelela nkenondithu pahan na dugho lethu, mathu na nthu tsüdila deja benle khi nben kwe?

1 KORINTHNYI 4:17

Ha jjügi ghena hi Khristanyi kahang wi itsa hi kaghaliwa Timothi kesun pi nthu wi chiben. Ma hi Jisu Khrista wi kahang ketheü yenthu nie keten nu hi apen tsüdi wi kemehujjen wi nyu sansi keten tsü pi nthu kizaben.

EFESANYI 3:15

Ma wina tang wi nu ayyi wi lela atheghi tsüdila anyan tsentsawa tsü muyaden.

JAMES 2:7

Mathu na anyan kemehai pi nthu cü kethengwa tsü khisaden.

1 PITOR 4:14

Keujüla Khrista ghena nyu nthu kimenni lethu, nthu na kemihhi ntsa, kepaghenanye anyankethang Ghamu, Anyiza Ghamu tsüna nthu miwi ben.

1 PITOR 4:16

Isala nthu na Khristanyi kesa ghena ketizen sa lethu njüghela, isani nthu Khrista nyan kepvü ghena keseng pi Anyiza cülo.

1 JOHAN 2:27

Isala nthu ghena tsü Khrista na ma Ghamu meyisha pi nthu miwi chicüdha. Ma Ghamu na nthu miwi keben chu nyu yala nthu nsansi thsüla mehai. Kepaghenanye ma Ghamu na pala tsüdi cüki pi nthu sansi ben, nu ma pi sansi kebenwa tsüna milikemesa nyela atsentsawa. Tsalina Aghamu kesansijüh tsü kina, nu Khrista wi benyalo.

CCÜCAKECHI 3:18

No yala benya thsüle hi no kizaben, hi wi suna kemetha ntsa tsü sheiyalo. Athsü kemikiwa la shei pi no kimissü kejüghe keyawa tsü mphi bhonyalo. N-nyon pala muya le kesalina dawa pahan la sheiyalo.