KEKULI 11:23 - Kemethajüh (N) (Re-editing) Bible (BSI)

²³ Ma wa cukeya wi Anyiza na khatila sawegü pi anyithu cü khe muya, ma anonghe ntsa sa nu mathu leben tsüdi pi Apvüwa wi bentenlo kesa mathu kechü-kenong chicü.

KEKULI 11:23 Iomraidhean Croise

2 KADIMITHU 18:6

Ma Apvüwa wi jüh tsentsa sa nu khiela ma jüh nkinala nsa, isala kiden-kesha ntsa sa nu Apvüwa na ayenkhukechi pi Mosa kecüthu tsüdi nie.

ZAKECI 17:3

No ileben chüben. No aghaja hi wi gho; no mehaitsü hi ghan-nan nu imiwi nkemehai kenmvu nkemi tsü muyadha.

KEMETSAJÜH 23:15

Itsa, keujüla no metsa shagha lethu hi inonghe ntsa saden.

KEMETSAJÜH 23:28

Mathu na teng kedsathu ti no hie nu anyi kejon sapila ntsatan thsüladen.

DANIEL 1:8

Daniel na kadijjen wi kedsakejjü tsü dsa nu kisengtssü jjü pi keccüna wi ma nakhi thsüa ntenle meshenya, tsalina ma Ashpenaz wi ma kiqa cülo keü,

MATHI 16:24

Tsaseng wi Jisu na ma sansikeyathu wi kiza, “Anyi kesü le kesü lela hi nie gha mvu lethu, ma ketanla ma mali nu ma kross pieya nu hi nie n-ghathu yishü.

MARK 2:5

Jisu na mathu kenondi tsü mukeya wi ma kecügüshüwa wi, “Itsawa, no kesami teshi cüdha,” isakhi.

JOHAN 15:4

Hi wi benyalo, isathu hi la nthu wi benyaden. Acüna kesü na maton wi nkeben tsü ma ketanla abi bün nkeya tsüti nthu la hi wi nkeben tsü nthu bi bünya nben.

KEKULI 13:43

Anyithu na zighe bvü kesa seng wi Judah nyi nu Judah nyi nkenye na Judah keccüna senwa kesathu kejonla Paul nu Barnaba manyi nie den. Apostel keni na mathu na Anyiza nanketizen wi hang ben tenlo kesa ajüh pi mathu kechü-kenong ntsa sachi.

KEKULI 14:22

Manyi ciwi wa kenondithu na kenondi tsentsa wi benya thsüle kesalina mathu satezü nu kechü-kenong nu khi, “Ithu na Anyiza Kadiyyi wi dule kesalina agükeccü kejon saben.”

KEKULI 14:26

nu ciwi atssü wina Antiok wi gho neng, apen ciwi na manyi Anyiza nanketizen sen nu kekuli salo kesunshi kechi tsü manyi na khili sacendha.

KEKULI 15:40

Isala Paul na Sila kessiya nu wa, nu kenondithu na manyi pi Apvüwa nanketizen kekhu wi chi cüa.

KEKULI 20:24

Isala hi Anyiza nanketizen wina Jühtheü Kemehaiwa ha pi khilo nu Apvüwa kekuli salo pi hi kecü tsü sacenle kesalina hi hi kahang ha pi mangla nkenye saden.

KEKULI 20:32

“Nu hi khili nthu pila Anyiza kwen wi nu ma nanketizen wi tsü chidha, tsüna nthu sa pi züya thsü mehai nu kemihhi pi ma nyithu ghena ketheng tsü pi nthu cüben.

KEKULI 4:36

Tsüti Josef, Levi nyi kesü Cipra wi kepvüghawa, apostelthu na pi Barnaba (ma jjügi nyu kechü-kenongwa) le ci ketenwa la

ROMNYI 12:8

keujüla tsüna nyu kechü-kenong kesa lethu, ithu na tsüti kesa-u. Thowa na pala pi nyu cüten khe mohho ntsa pi kecü-u; thowa na kekhang senben khe apiketsü sa kekuli-u; thowa na nyu tuwi ccatssüten khe anonghethi kesa-u.

1 KORINTHNYI 15:58

Tsalina hi ketizen icünyuthu, kiden-kesha nu zükeqhe ngan benlo. keshüthangla nthu Apvüwa kekuli kesa wi dhamang benlo, kepaghenanye nthu na Apvüwa kekuli kesa wi ma men nmi nsa kesa nthu na chüben.

2 KORINTHNYI 1:17

Hi hati kesa wi hi kemeshen kemili-kemija keten nyi ti saben kwe? Hi ketanla ighena kemehaiwa sa nu kemeshen hati kesa wi wan “Anle,” nu “Nyele.” khi chiten kwe?

2 KORINTHNYI 6:1

Ikhang Anyiza gweghe kekuli kesa wina nthu wi khieben, nthu Anyiza nanketizen mu keyawa tsü yala meyasa thsü lalo.

AYENZHÜNENG 10:20

Apvüwa nthu Nyiza tsü kinyikü nu ma ketan kinyilo. Ma wi jühtsentsa sa nu ma nyan wi ketan nthu na kekhishithu salo.

AYENZHÜNENG 30:20

Apvüwa nthu Nyiza tizenyalo, ma jühkina nu ma wi jühtsentsa sa lethu, nthu nu nthu shicübvüghathu na ma ayyi khipi nthu bamyithu Abraham, Isak, nu Jakob kecü witsü kesie hangyaben.”

KOLOSSINYI 1:6

Ajühkemehaiwa na kesawegüthu sengho nu ayyi tsüdi wi bvü zighe waben, tsüna nthu na Anyiza nanketizen cüki zaya nu tsüna ntsakhiwa le kesa chükeya nten na nthu jawi kuli keben tsü makesü.

2 TIMOTHI 3:10

Isala no tsü hi kesansi, iyencüki, nu hi kahang yen tsü nieya; no hi kenondi, hi kethankehi, hi ketizen, nu hi kekhenengkeya,

JOSHUA 22:5

Mosa na pi nthu kekiza yenwa tsü nieya metsilo; Apvüwa nthu Nyiza tizenya, ma kemeshenwa tsü sa, ma yenkhukechithu nieya, ma wi jühtsentsa sa, nu nthu leben nu kahang tsüdi pi ma kekuli salo.”

JOSHUA 23:8

Tsüti kesawa nye nthu na nansü kecu sa keben ti Apvüwa wi jühtsentsa salo.

1 PITOR 5:12

Hi icünyuwa Sila kekiqa sen nu lesü melute ha zhü pi nthu cüben. Hi nthu kechü-kenong nu hawa ha Anyiza nanketizen atsentsa le kesa khiben. Ciwi tsü zükeqhe ben yalo.

1 JOHAN 2:28

Itsangathu, ma kegho tsathang wi ithu na kejüghe yala kuthi nbenla kempvüza saben le kesalina ma wi benyalo.

3 JOHAN 1:4

Itsangathu na atsentsawa wi hang ben le kesa zakeya miwi mangla anonkeghe nmi.

JUDE 1:4

Kepaghenanye Anyiza nkechü nyi pahan na kuthi sen nu ithu ja wi dughodha. Mathu na mathu hang nketsatan cüki tsü meyenbhon le kesalina ithu Nyiza nanketizen ketsijüh tsü khisa, nu ithu Kesansiwa nu Apvüwa Jisu Khrista tsü meya mvu saden. Ntsawajüh na kheni wina mathu muya kesa kemeshensa cüki ha khitheng.