KEKULI 11:22 - Kemethajüh (N) (Re-editing) Bible (BSI)

²² Mathu cüki na wala Jerusalem wi kemehu cua, tsalina mathu na Barnaba kesun pi Antiok wi chi.

KEKULI 11:22 Iomraidhean Croise

KEKULI 11:1

Judea wi apostelthu nu kenondithu tsüdila Judah nyi nkenyethu la Anyiza jüh yayadha le kesa zaya.

KEKULI 11:19

Kemeten-kemesha wi Stefan kepathi tsü ghena kenondithu pahan na bvü zighe sen wa Fonisia, Cipra, nu Antiok kecu wi ketsijüh pi Judah nyithu ketan kiza.

KEKULI 11:20

Isala kenondithu pahan na Cipra nu Ciren wina gho Antiok wi wa ketsijüh pi Judah nyi nkenyethu kiza nu Apvüwa Jisu cüki Jühtheü Kemehaiwa la pi mathu sansi.

KEKULI 11:26

Ma wa Saul metuya nu ma ssi sen Antiok wi gho. Amapi kesü chuli manyi gweghe kemehu nyithu metu nu anyi kejonla sansi. Hana Antiok wi sansikeyathu pi atuwa sa Khristanyi le ciya.

KEKULI 11:27

Tsü tsüwi Jerusalem wi atusenjüh-kechüthu pahan na Antiok wi wa.

KEKULI 15:2

Paul nu Barnaba manyi na mathu ssinu ha jjügi ghena kicennali ntsa sa. Tsalina Paul nu Barnaba nu Antiok wi kahangthu pahan na Jerusalem wi wala ha ghena apostelthu nu keshenpfüthu metu wale cenya.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 18:22

Paul na wa Kaesarea cuya, ma Jerusalem wi wala shalom pi kemehu cü, nu tsaseng wi Antiok wi wa.

KEKULI 6:5

Anyi tsüdila apostelthu jüh tsü nen. Tsalina mathu na kenondi nu Kemetha Ghamu pi pong pvü keten Stefan, nu Filip, Prokhora, Nikanor, Timon, Parmena, nu Judah yen nie wa kesa nyi Antiok wina keghowa Nikola, hathu ha kessiya.

KEKULI 8:14

Jerusalem wi apostelthu na Samaria nyithu la Anyiza jüh yaya bendha le kesa zaya, tsalina mathu na Pitor nu Johan manyi kesun pi mathu wi chia.

KEKULI 9:27

Tsaseng wi Barnaba na gho Saul ssinu apostelthu wi wala ma khati nu alenca wi Apvüwa metuya nu Apvüwa na ma keccüneng cüki tsü khimetha pi mathu kiza. Nu Saul na khati nu Damaska wi kempvüza sala Jisu nyan khi pi nyu sansi khe tsü cüki la khi pi mathu kiza.

GALATIANYI 2:11

Isala Pitor na Antiok wi kegho wi hi nyu tu wi na ghangtan ma kha, kepaghenanye ma sazzi ben.

1 THESSALONIKANYI 3:6

Khili Timothi na gho nengdha, nu ma nthu kenondi nu ketizen cüki jühtheü sengho ikhang cü. Ma nthu na keshüthangla ikhang meshenden nu ikhang na nthu nmvuthi keben ti nthu la ikhang nmvuthi ben le kesa kiza.