KEKULI 11:20 - Kemethajüh (N) (Re-editing) Bible (BSI)

²⁰ Isala kenondithu pahan na Cipra nu Ciren wina gho Antiok wi wa ketsijüh pi Judah nyi nkenyethu kiza nu Apvüwa Jisu cüki Jühtheü Kemehaiwa la pi mathu sansi.

KEKULI 11:20 Iomraidhean Croise

MATHI 27:32

Mathu wa keten wi Kuren wina kegho nyi kesü ma nyan Simon kesa metuya, nu süpahithu na ma meten pi Jisu kross tsü pvü thsü.

JOHAN 7:35

Judah nyi kekhang kesenthu na mathu jawi khi, “Anyi ha ma khiewa wale keben ghena ithu ma muya nben nu? Ma ithu nyi na wa hang keben Grik nyunutithu wi wala Grik nyithu sansi wa ben la?

KEKULI 11:19

Kemeten-kemesha wi Stefan kepathi tsü ghena kenondithu pahan na bvü zighe sen wa Fonisia, Cipra, nu Antiok kecu wi ketsijüh pi Judah nyithu ketan kiza.

KEKULI 11:22

Mathu cüki na wala Jerusalem wi kemehu cua, tsalina mathu na Barnaba kesun pi Antiok wi chi.

KEKULI 11:26

Ma wa Saul metuya nu ma ssi sen Antiok wi gho. Amapi kesü chuli manyi gweghe kemehu nyithu metu nu anyi kejonla sansi. Hana Antiok wi sansikeyathu pi atuwa sa Khristanyi le ciya.

KEKULI 11:27

Tsü tsüwi Jerusalem wi atusenjüh-kechüthu pahan na Antiok wi wa.

KEKULI 13:1

Antiok wi kemehu wi atusenjüh-kechüthu nu kesansithu Barnaba, Simeon (kenimeghowa), Lusia (Ciren wina keghowa), Menaen (Ahng Herod na noncca keghowa), nu Saul hathu na ben.

KEKULI 14:26

nu ciwi atssü wina Antiok wi gho neng, apen ciwi na manyi Anyiza nanketizen sen nu kekuli salo kesunshi kechi tsü manyi na khili sacendha.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 15:23

nu mathu na lesü hati zhü pi mathu wi kesunchi: “Ikhang, apostelthu nu keshenpfüthu, nthu cünyuthu na shalom pi Judah nyi nkenye Antiok, Siriya, nu Silisia wi keben kenondithu tsüdi cüben.

KEKULI 15:30

Nyilothu kesun kechi ti wala Antiok cuya nu kenondithu maben cighu chi nu lesükezhü tsü pi mathu cüa.

KEKULI 17:18

Ciwi Epikuri nyi nu Stoik kesansithu la gho ma ssinu keccücanli. Mathu pahan na “Hawa ha kejüphon jüh mangwa khiben nu?” isa keü. Kepathu na luneng, “Ma asang cenpvü cüki khiben.” Paul na Jisu nu ma hangneng-keshagha cüki pi kesansi ghena mathu hati khi.

KEKULI 18:22

Paul na wa Kaesarea cuya, ma Jerusalem wi wala shalom pi kemehu cü, nu tsaseng wi Antiok wi wa.

KEKULI 2:10

Frugia nu Panfilia, Egipt nu Libia yyi Ciren kete wina ghoben. Ikhang pahan na Rom,

KEKULI 4:36

Tsüti Josef, Levi nyi kesü Cipra wi kepvüghawa, apostelthu na pi Barnaba (ma jjügi nyu kechü-kenongwa) le ci ketenwa la

KEKULI 5:42

Mathu atsathang wila nhandhila Kekinyijjen wi nu nyu jjen wi Jisu, Messiya cüki Jühtheü Kemehaiwa tsü pi nyu sansi.

KEKULI 6:1

Matsü pahan seng wi sansikeyathu ji kayi shagha, Grik jüh kekhi Judah nyithu nu Judah nyi ahvuthu jawi kicennali shagha . Grik jüh kekhi Judah nyithu na atsathangla pala kegishü tsü pi mehaitsü mathu denyilethu nan nben le khi.

KEKULI 6:5

Anyi tsüdila apostelthu jüh tsü nen. Tsalina mathu na kenondi nu Kemetha Ghamu pi pong pvü keten Stefan, nu Filip, Prokhora, Nikanor, Timon, Parmena, nu Judah yen nie wa kesa nyi Antiok wina keghowa Nikola, hathu ha kessiya.

KEKULI 6:9

Isala anyi pahan Kekhen-nkeminyi le (khi ketenthu tsüna) Sinagog nyithu Ciren nu Alexandria wina keghothu na ma matang. Mathu nu Judah nyi Cilisia nu Asia wi keghothu na Stefan ssinu ajüh keccücanli shagha .

KEKULI 8:35

Tsaseng wi Filip na khi; ma Ntsawajüh ha wina khiwa Jisu cüki Jühtheü Kemehaiwa pi ma kiza.

KEKULI 8:5

Filip na Samaria ghazen nyunutiwa wi wa nu Khrista cüki pi anyithu sansi.

KEKULI 9:20

Ma meshonqhe Sinagogthu wi wa nu Jisu tsüna Anyiza Tsawa le kesa pi nyu sansi.

KEKULI 9:29

Ma Judah nyi Grik jüh kekhithu la ssinu keccücanli, nu mathu na ma pathiale kiden.

1 KORINTHNYI 2:2

Kepaghenanye hi nthu jawi keben wi Jisu Khrista nu ma pi kross miwi kejen cüki ketan khe kepa wi mangla chüyale nsa.

GALATIANYI 2:11

Isala Pitor na Antiok wi kegho wi hi nyu tu wi na ghangtan ma kha, kepaghenanye ma sazzi ben.

EFESANYI 3:8

Hi Anyiza nyithu kizza jawi kizza ntsawa; isala Khrista wi keben khi mekeya khi cüki Jühtheü Kemehaiwa ha pi Judah nyi nkenyethu sansilo kesa Anyiza na pi hi cü,