KEKULI 11:19 - Kemethajüh (N) (Re-editing) Bible (BSI)

¹⁹ Kemeten-kemesha wi Stefan kepathi tsü ghena kenondithu pahan na bvü zighe sen wa Fonisia, Cipra, nu Antiok kecu wi ketsijüh pi Judah nyithu ketan kiza.

KEKULI 11:19 Iomraidhean Croise

MATHI 10:6

Tsüti kesawa nye, nthu na Israel nyi khaghaneni bhatagha kesathu wi walo.

JOHAN 7:35

Judah nyi kekhang kesenthu na mathu jawi khi, “Anyi ha ma khiewa wale keben ghena ithu ma muya nben nu? Ma ithu nyi na wa hang keben Grik nyunutithu wi wala Grik nyithu sansi wa ben la?

KEKULI 11:20

Isala kenondithu pahan na Cipra nu Ciren wina gho Antiok wi wa ketsijüh pi Judah nyi nkenyethu kiza nu Apvüwa Jisu cüki Jühtheü Kemehaiwa la pi mathu sansi.

KEKULI 11:22

Mathu cüki na wala Jerusalem wi kemehu cua, tsalina mathu na Barnaba kesun pi Antiok wi chi.

KEKULI 13:1

Antiok wi kemehu wi atusenjüh-kechüthu nu kesansithu Barnaba, Simeon (kenimeghowa), Lusia (Ciren wina keghowa), Menaen (Ahng Herod na noncca keghowa), nu Saul hathu na ben.

KEKULI 13:4

Kemetha Ghamu na kesunshi kechi ti Barnaba nu Saul manyi na Selusia wi wa nu ciwi na ayyi mangkehi Cipra wi wa.

KEKULI 13:46

Isala Paul nu Barnaba manyi na tsü miwi kempvüza sa nu ajühkhi: “Anyiza jüh ha atuwa sa pi nthu nkizathu keyishü ghena. Isala nthu na tsü meya mvula nu nthu ketanla anuphan kahang tsü meya qo le sa kesalina ishinyi na nthu teshi nu Judah nyi nkenyethu wi wa tendha.

KEKULI 14:26

nu ciwi atssü wina Antiok wi gho neng, apen ciwi na manyi Anyiza nanketizen sen nu kekuli salo kesunshi kechi tsü manyi na khili sacendha.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 15:3

Isanu kemehu na mathu kesun pi wa thsüa; nu mathu na Fonisia nu Samaria pvüdhi kewa wi Judah nyi nkenyethu na khati nu Anyiza wi ghoben khe tsü cüki pi nyu kiza; ajüh ha ghena kenondithu na anonghe ntsa sa.

KEKULI 15:30

Nyilothu kesun kechi ti wala Antiok cuya nu kenondithu maben cighu chi nu lesükezhü tsü pi mathu cüa.

KEKULI 15:35

Paul nu Barnaba manyi na matsü pahan Antiok wi ben, nu kepathu kejon gweghe Apvüwa jüh pi nyu sansi nu khi.

KEKULI 15:39

Ha jjügi ghena manyi kicennali ntsa sa nu ma nyi keteshilia. Barnaba na Mark ssiya nu atssü wina Cipra wi wa,

KEKULI 18:22

Paul na wa Kaesarea cuya, ma Jerusalem wi wala shalom pi kemehu cü, nu tsaseng wi Antiok wi wa.

KEKULI 21:16

Kaesarea wina kegho kenondithu pahan la ikhang gweghe wa nu ikhang ssi wa Cipra wina keghowa kheni na nondi keten nyi kesü Mnason jjen wi ben thsü.

KEKULI 21:2

Ciwi ikhang na Fonisia wi kewa ahunjjen kesü muya nu ahunjjen tsüwa wina alentsen chia.

KEKULI 3:26

Anyiza na nthu tsüdila nkemehai len wina kheneng gho nu kesawegü pvüyalo kesalina ma ma maghawa kessiya nu atuwa kesun pi nthu wi chicüle.”

KEKULI 4:36

Tsüti Josef, Levi nyi kesü Cipra wi kepvüghawa, apostelthu na pi Barnaba (ma jjügi nyu kechü-kenongwa) le ci ketenwa la

KEKULI 6:5

Anyi tsüdila apostelthu jüh tsü nen. Tsalina mathu na kenondi nu Kemetha Ghamu pi pong pvü keten Stefan, nu Filip, Prokhora, Nikanor, Timon, Parmena, nu Judah yen nie wa kesa nyi Antiok wina keghowa Nikola, hathu ha kessiya.

GALATIANYI 2:11

Isala Pitor na Antiok wi kegho wi hi nyu tu wi na ghangtan ma kha, kepaghenanye ma sazzi ben.