KEKULI 11:13 - Kemethajüh (N) (Re-editing) Bible (BSI)

¹³ Ciwi ma tangnyilo kesü na gho ma jjen wi ngan nu hati ma kizale kesa khi pi ikhang wi kiza: ‘Anyi pahan kesun pi Joppa wi meshu kesü ma nyan Simon Pitor kesa tsü ci wa thsülo.

KEKULI 11:13 Iomraidhean Croise

KEKULI 10:22

Mathu na luneng, “Kornelia, süpahi meza miwi kediwa na ikhang kesun chi le! Ma kemehai nyi kesü, Anyiza kinyi nu Judah nyithu tsüdila ma kinyiküden. Anyiza nyilo kesü na ma ya no ci pi ma jjen wi chilo kiza, isanu ma mangwa khi khe kina yalo khi.”

KEKULI 11:12

Aghamu na hi mathu gweghe wa nkesütu lalo hi kiza. Joppa wi kenondithu ma tugho ha la hi gweghe Kaesarea wi wa, nu ikhang tsüdila Kornelia jjen wi wa.

KEKULI 11:14

Ma ajühkhi pi no nu ntheghithu kizathu, ciwi nthu na hangsha yaben.’

KEKULI 12:11

Tsaseng wi Pitor na ma miwi khati sa khe chüya nu khi, “Hawa ha atsentsa wi le kesa hi khili chüyadha! Apvüwa na ma nyilo kesun pi Herod kekhang nu Judah nyithu na meshen nu kiden kebenthu tsüdi wina hi khushiyadha.”

KEKULI 9:36

Joppa wi kenondi nyi nza kesü ma nyan Tabitha (Grik jüh wina ma nyan Dorka, ma jjügi “ameshü”) na ben. Ma matsü tsüdi wi kemehai kuli nu ketha-uthu kiqaden.

KEKULI 9:38

Joppa nu Luda manyi jü na kesie nye. Joppa wi kenondithu na Pitor na Luda wi benle kesa chükeya wi mathu na meshu keni wi hati khila kesun pi ma ci wa thsü, “Tizen lethu, wan ikhang wi gholo.”

KEKULI 9:42

Ha cüki ha Joppa yyi tsüdi wi khi wa nu anyi kejonla Apvüwa nondiya.

KEKULI 9:43

Pitor na ghanan kejonla Joppa wi asayhu kedegüwa Simon gweghe ben.

IBRINYI 1:14

Isalethu, tangnyilothu na khati kesa nu? Mathu na Anyiza ketsikina keten ghamuthu, nu mathu kesun pi wala hangshakeya yaya ketenthu kiqa thsüden.