KEKULI 11:1 - Kemethajüh (N) (Re-editing) Bible (BSI)

¹ Judea wi apostelthu nu kenondithu tsüdila Judah nyi nkenyethu la Anyiza jüh yayadha le kesa zaya.

KEKULI 11:1 Iomraidhean Croise

ADECHHÜ 49:10

Judah na kadi khhatssü senden, ma shicüthu na keshüthangla kekhang senben. Mizzatentithu na khajana sen nu, ma wi gho jühkeya wina ma tuwi kukeduben.

ZAKECI 22:27

Mizzatentithu tsüdila Apvüwa meshen yaden. Ayyi tsüdi wi mathu na ma wi kheneng gho; amizza tsüdila ma kinyi den.

ISAYA 11:10

David shicübvügha wi kadimi ketheü kesü na mizzatenti tuwi kemechan kesa tsathang kesü na ghoden. Mathu na kadi nyunutiwa wi saghuya nu kenyuwakü pi ma cüden.

ISAYA 32:15

Isala Anyiza na kheneng kuti ma ghamu kesun pi ithu miwi chiden. Ayyi nkemehaithu na mehai nengya nu cencü-macü kejon pi yang dsaya ben.

ISAYA 42:1

Apvüwa na khiben, “Hi ma satezü cü keten imaghawa na hewi ben, hi ma kessi keyawa, nu ma miwi hi kenen ben ketenwa tsüle. Hi ighamu pi ma pong cüdha, nu ma ajühtsentsa sen nu mizzatenti tsüdi miwi ghoaben .

ISAYA 42:6

“Hi Apvüwa, hi no ciya nu kekhang pi cüdha, atsentsa saben kesa ghang thsüle kesalina. Nmiwi na hi anyi tsüdi ssinu cenkethenjüh kesü saaden; nmiwi na hi kewegü sengho mizzatentithu cüden.

ISAYA 49:6

Apvüwa na hi wi khi, “Hi no ghena kekuli ketiki kesü benle, imaghawa. No hang keya Israel nyithu tsü ssigho dikeya thsü ketan sa nben, isala hi no pi mizzatentithu ghena kewegüwa la sa cüden, isanu ayyi tsüdi hangshaya thsüle kesalina.”

ISAYA 52:10

Apvüwa na ma kekhang kemethawa tsü sen nu ma nyithu hangsha yaden, nu ayyi tsüdila ma muden.

ISAYA 60:3

No kewegü na mizzatentithu zanyaben, nu kadimithu pi ntsathang ketheüwa thangtheghi wi chiyaben.

ISAYA 62:2

Jerusalem, mizzatentithu na no khang ntsa kesa muden! Mathu kadimithu tsüdila n-nyankethang tsü muden. N-nyan ketheü kesü ciaben, Apvüwa ma ketanla khukechi nyan kesü.

JEREMIYA 16:19

Apvüwa, no kekhwe nu kezü pi hi cü ketenwa tsü le; no agükeccü wi hi kiqa ketenwa le. Mizzatentithu na ayyi kenten wina no wi gho khiben, “Ithu bamyithu na milikemesa cenpvüthu tsü khe kepa wi mangla nmi, ma men nkemi tsikezhüthu tsü khe kepa wi mangla nmi.

HOSEYA 2:23

Hi inyithu pi ayyiwa wi benya thsü, nu mathu sapi mehaikayiya thsüaden . Hi “Nkaghali” le ci ketenthu wi hi kaghali pi ccücaden, nu “Inyi nye” le khi ketenthu wi hi “Nthu na inyi” le isa khi waden, nu mathu na “No ithu Nyiza” le isa luneng den.

MIKA 5:7

Israel nyi hangkeyathu na mizzatenti kejon ghena Apvüwa wina kesun kechi akejan ti, nu aghangthu miwi atsankeghozü ti saaben. Mathu na anyi nyela Anyiza nondi ben.

ZEFANIYA 2:11

Apvüwa na mathu pateqhe ntsa saaben. Ma ayyi wi acenpvüthu pi mangla nkenye saacü, nu tsüseng wi mizzatenti tsüdila papa yyi wi ma kinyi thsüaben.

ZEFANIYA 3:9

Tsaseng wi hi mizzatenti nyithu sapi kemili, nu mathu na hi wi ketan khe acenpvü kepathu wi kekhie sa nbendha. Mathu tsüdila ijüh kinaben.

ZEKHARIYA 2:11

Tsü tsüwi mizzatenti kejon na Apvüwa wi gho nu ma nyithu sayaben. Ma nthu jawi hang, nu ma hi kesun pi nthu wi chile kesa nthu na chüyaben.

MALAKHI 1:11

Ayyi ccügwen kesü na wa pahanwa kecu wi anyithu na hi kinyi ben. Apen tsüdi wi mathu na hankedemvu mecang pi hi kinyi nu keya qo ahhanshathu khuchi ben. Mathu tsüdila hi kinyikü ben le!

MATHI 2:1

Herod na kadimi sa keben tsü wi Judea wi Bethlehem nyuti wi Jisu pvüghaya. Tsü tsüwi anyi pahan ghotsi cüki kesithu na nishuwa na Jerusalem wi gho,

MATHI 8:11

Hi nthu kizaben, anyi kejon na nishuwa nu niduwa na ghola tang Kadiyyi kemishu wi Abraham, Isak, nu Jakob gweghe donkiben.

MARK 16:5

Tsalina mathu na ashüjjen wi wha nan anyi pvünyi kesü na athsümeni kemiki pvünu ajewa donki keben muya nu mathu na amansa.

Luk Zhükechi Jühtheü Kemehaiwa 2:32

Kewegü kesü na no kenenwa tsü pi Judah nyi nkenyethu ccüca chi, nu anyankethang sen nu n-nyi Israel miwi gho.”

KEKULI 1:15

Ghanan keu seng wi kenondithu anyi meza nu nkwe ghola mehu keben wi Pitor na shagha ajühkhi.

KEKULI 11:29

Sansikeyathu na mathu meshu kesüsü saya kemehai chu kekiqa kesun pi Judea wi mathu pvüshang kenondithu cü tenle kesa südheya.

KEKULI 14:27

Manyi na Antiok wi ghoya meyi kemehu nyithu cighu chi nu Anyiza na manyi ssinu kekuli sa keyathu nu Judah nyi nkenyethu ya nondiya thsüle kesa ghena alen shachi kecü cüki tsüdi khi pi mathu kiza.

KEKULI 15:3

Isanu kemehu na mathu kesun pi wa thsüa; nu mathu na Fonisia nu Samaria pvüdhi kewa wi Judah nyi nkenyethu na khati nu Anyiza wi ghoben khe tsü cüki pi nyu kiza; ajüh ha ghena kenondithu na anonghe ntsa sa.

KEKULI 28:15

Rom wi kenondithu na ikhang cüki zaya nu ghala Appia Senkesapen nyuti nu Kijünyikewa Jjen Kecheng le ci keten wi ikhang metu. Paul na mathu mu keya wi Anyiza seng, nu satezü ntsa sachi.