KEKULI 10:9 - Kemethajüh (N) (Re-editing) Bible (BSI)

⁹ Dhitsüwa wi ghanan lapvü wi mathu na Joppa tetsaki wa keten tsü wi Pitor na ajjenshha tangwa wi kekhie sale ki.

KEKULI 10:9 Iomraidhean Croise

2 SAMUEL 11:2

Ghanan kesü minulen wi David na wa khhali benla nu shagha kadijjen mili wi ki. Ma ciwi kegoeten nan nza kesü na ma jjen wi atssükizü keben muya. Nza tsüna atsimehai ntsawa.

ZAKECI 55:17

Aghanen, aghanan lapvü nu aghaja wila ileben-nkagha kaghadhi na ma wi ki den, nu ma ihhai kina cü den.

JEREMIYA 19:13

Jerusalem jjenthu, Judah kadimithu jjenthu, nu ajjen miwi hankedemvu mecang pi ghotsithu kinyi nu ciwi na kisengtssü meyisha pi acenpvü kepathu kinyi kesa pen tsüdila nmetha pi Tofeth ti saaben.”

JEREMIYA 32:29

nu anni pi mecang shaben. Mathu na tsüpi anyithu na hankedemvu mecang pi Baal kinyi nu kisengtssü meyisha pi acenpvüthu kekinyi kesa wi hi ya lebentsu thsü kesa jjenthu tsü saghu pi mecang shaben.

DANIEL 6:10

Khathansha wi Daniel na ahza tsü miwi kadimiwa nyan zhükidha le kesa zaya khe ma ajjen wi wha. Ma jjensha tangwa keshondhi kesü wi jjenkubhi na Jerusalem wiwa jatan ben. Ciwi ma keshüthangla sa keten ti jjenkubhi tsü sha nu akhhutsüla ghanan kesü wi kecheng tughu Anyiza wi kekhie sa.

ZEFANIYA 1:5

Hi anyi kesü le kesü lela ajjenmili wi kila aghani, asha, nu ghotsithu kinyi ketenwa yasa den. Hi anyi hi kinyi nu ijühya le kishen, isala acenpvü Molek nyan wina kishen ketenthu la yasa cüden.

MATHI 20:5

Tsalina mathu la wa. Tsaseng wi ma kheneng amighe kekihhe tagha keni nu tsaseng wi kecheng kekihhe wi la tsü makesü sa.

MATHI 24:17

Anyi kesü ajjen mili wi kebenwa na kheneng du ma jjen wi ma tsanqaithu khuyale sayishü.

MATHI 27:45

Ghanan lapvü wi amighe kekihhe kecheng jü-u tsü diyyiwa maben la jang.

MATHI 6:6

Isala nthu tsü kekhie kesa wi ajjen khenten pvü nu nkemu wi kebenwa nthu Ba wi kekhie salo. Isathu nthu Ba na nthu kekuthi wina tsüti sa keben tsü mu nu nthu kutimen sa cüben.

MARK 1:35

Dhitsüwa wi ghanen mitu atsajang keben na Jisu na shagha nu akhemi wi shhua. Ma anyuti wina kecaghang pen kesü wi wa kekhie sa.

MARK 6:46

Ma anyithu teshi theng nu ayikha kesü wi kekhie sa wa.

KEKULI 10:3

Minulen wi amighe kecheng kekihhe-u wi tsü ma kemanthi kesü mu, ciwi Anyiza nyilo kesü ma wi gho nu ma cichi, “Kornelia!”

KEKULI 6:4

Isanu ikhang na matsü tsüdi pi kekhie sa nu nyu sansi isa na.”

EFESANYI 6:18

Kekhie wina ha tsüdila sa, nu Anyiza wi kekiqa khielo. Matsü tsüdila Aghamu lenketsütson wina kekhie salo. Ha jjügi ghena keshüthangla meghe-metsa nu nteshila Anyiza nyithu ghena kekhie salo.

1 TIMOTHI 2:8

Hi kemehu kekinyi tsüdi wi la npvüzathu, mathu kahang pi Anyiza cü kesathu na aleben minu nyelela nkeccücanlila mathu kwen zanki pi kekhie sa thsü mvuben.

1 SAMUEL 9:25

Mathu na gweghe kekinyipen wina anyutiwa wi cü nu Saul ghena awe kesü pi ajjen miwi chicü.