KEKULI 10:7 - Kemethajüh (N) (Re-editing) Bible (BSI)

⁷ Tangnyilowa na kebvü seng wi Kornelia na ma magha meshu keni nu süpahi ketsatan nyi kesü ma ketsikina ketenwa tsü cichi.

KEKULI 10:7 Iomraidhean Croise

ADECHHÜ 24:52

Abraham maghawa na ha za keya wi ma kukedu nu Apvüwa kinyi.

MATHI 2:13

Mathu kebvü seng wi Apvüwa na nyilo kesü kesun pi aman wina Josef wi gho nu ma kiza thsü, “Herod na atsawa pathiale kesalina ma bha ghoben. Tsalina shagha atsawa nu ma jja manyi ssiya nu Ejipt wi bvülo, nu hi no npi kekiza chu ciwi benlalo.”

Luk Zhükechi Jühtheü Kemehaiwa 2:25

Tsü tsüwi anyi kesü ma nyan Simon kesa tsüna Jerusalem wi hangben. Ma tsatan nu Apvüwa messikü keten nyi. Ma Israel hangshaya keten tsüwa tsü hieben, nu Kemetha Ghamu na ma ssiden,

Luk Zhükechi Jühtheü Kemehaiwa 3:14

Süpahithu pahan la ma wi keü, “Ikhang tsü khati sa nu?” Ma mathu wi khi, “Anyi kesü la meten nu apisa meyala nyelela milikemesa wi thola nkimennila. Nthu thün pi leben ghashu sen tenlo.”

KEKULI 10:6

Ma asayhu kedegüwa ma nyan Simon kesa atssükedone katen wi hang ketenwa jjen wi ben na.”

KEKULI 10:8

Nu tsü cüki mehaitsü khi pi mathu kiza nu kesun pi Joppa wi wa thsüa.

1 TIMOTHI 6:2

Nssümaghathu, mathu pvüthu na Khristanyi sa kebenthu tsü nkinyikü sa yishü, kepaghenanye mathu na acünyuthu. Tsüti kesawa nye, mathu na tsü miwi mehaiki mathu kekuli salo, kepaghenanye mathu kekuli miwi kekiyi muya ketenthu tsüna mathu tizen keten kenondithu. No hathu ha pi khi nu nyu nsansithu yishü.

FILEMON 1:16

Ma khili nssümagha kesü mele ketan nyedha; isala Khrista wi acünyu kesü sadha. Ma ighena khati ma men ben dha nu! Nu nghena tsü ma nssümagha kesü nu Apvüwa wi acünyu kesü sala khati ma men ben dha nu!

PENDHENYI 7:10

Isala keujüla no wa tsü ssikaghashen messi lethu, nmaghawa Purah ssiya nu kemnanpen witsü cülo.