KEKULI 10:43 - Kemethajüh (N) (Re-editing) Bible (BSI)

⁴³ Atusenjüh-kechüthu tsüdila ma cüki khi, anyithu kesü le kesü lela ma nondiyathu ma nyan kekhang wina kesami keteshi mu yaben kesa khichi.”

KEKULI 10:43 Iomraidhean Croise

ISAYA 53:11

Ketizenkesa kahang kesü sengwi, ma anonkeghe mu neng yaben; ma kaghacang wi ketizen nsale kesa chü yaben. Hi kenen saki keten, hi ma miwi hi kenen ben keten imaghawa, ma anyi kejon kemetenwa tsü pvü yaben, nu ma ghena hi mathu kesami teshi pi cüden.

JEREMIYA 31:34

Mathu thola ma pvüshangwa wi Apvüwa chüyalo kesa pi sansi nbendha, kepaghenanye kizza ntsawa na wala kedi ntsawa kecu tsüdila hi chüyaben. Hi mathu kesami teshi cü, nu hi mathu kesazzithu meshen nbendha. Hi Apvüwa, hi khidha.”

DANIEL 9:24

“Anyiza na kesami nu nkemehai wi n-nyithu nu n-nyunuti kemethawa tsü teshichi keten matsü ssan pi ketheng na amapi achentagügü kesa tagü. Kesami teshi pi cü nu anuphan ketsatan pieki chiden, isanu kemanthiwa nu atusenjüh-kekhi tsü sacen nu Kekinyijjen kemethawa tsü sametha nengya thsüale kesalina.

MIKA 7:18

O Apvüwa, ciwi no ti kesa acenpvü kesüla nmi; no n-nyi hangkeyathu kesamithu tsü teshi pi cü. No anuphanla nlebentsu ben nten, isala no ghaliki kesa pi ithu keccüca tsü nenden.

ZEKHARIYA 13:1

Kemisintsa Apvüwa na khiben, “Tsü tsüna kegho wi atssükebvüpen kesü pfüsi chi pi David shicübvügha nu Jerusalem wi anyithu mathu kesami nu keqheza wina satemetha den.

MALAKHI 4:2

Isala nthu ijühkina ketenthu tsü hi hangshakeya kekhang na aghani ti nthu miwi shhugho nu aghani kewegü ti sapi mehai kecü sen ghoben. Nthu na amesü zzathu ma jjen wina lisha kechi ti anonghe pi kephenki ben.

MARK 16:16

Thowa na nondi nu baptaiz saya khe ma hangsha yaben, thowa na n-nondi khe pi shü thsüaben.

Luk Zhükechi Jühtheü Kemehaiwa 24:47

nu ma nyan wina leben khapeghekeya nu kesami teshi kecü ketsijüh tsü pi Jerusalem wi atuwa sala mizzatenti tsüdi wi nkizathu yishü.

JOHAN 1:45

Filip na Nathanael muya nu ma wi kiza, “Ikhang na Mosa yenwa wi nu atusenjüh-kechüthu la ma cüki zhü ketheng Josef tsawa Nazareth nyi Jisu tsü muyadha le!”

JOHAN 20:31

Isala nthu yala Jisu tsüna Khrista nu Anyiza Tsawa le kesa nondi nu tsü kenondi ghena ma nyan wina kahang muya thsüle kesalina hathu ha zhü chitheng.

JOHAN 5:24

“Hi atsentsawa nthu kizaden: thowa na ijüh kina nu hi kesun kechiwa nondiya khe anuphan kahang bendha. Ma ghan-nan nbendha, isala keshü wina kahang wi shhugho yadha.

KEKULI 15:9

Anyiza na ikhang nu mathu nankepapa nsa, ma mathu kesami teshi pi cü, kepaghenanye mathu na nondiya.

KEKULI 2:38

Pitor na mathu wi kiza, “Nthu tsüdila kesami wi leben khapeghe nu Jisu Khrista nyan wina baptaiz sa meyathu yishü, isanu nthu kesami keteshi muyale kesalina; isa lethu, nthu na Anyiza juwa Kemetha Ghamu tsü muya ben.

KEKULI 26:18

No mathu nyon sha chiden nu mathu kejang wina kewegü wi ghoya, nu satan kekhang kekhu wina Anyiza wi gho yaden, isanu mathu na kesami keteshi tsü muya nu Anyiza na kessikeyathu jawi mathu pen muya den.’

KEKULI 26:22

Isala nansü kecu Anyiza na hi kiqa nu hi he wi ngan nu kizzawa le kediwa tuwi lela tsüdi wi atsentsawa pi khiben. Hi khi kebenwa ha atusenjüh-kechüthu nu Mosa na khi ketheng tsü makesü,

KEKULI 3:16

Hawa ha Jisu nyan kekhang wina kezü pi anyi accü nkemehaiwa ha kecü. Nthu na mu nu chü kebenwa hana ma nyan kenondi wina saya; Ha Jisu kenondi wina nthu tsüdi tuwi hati ma sa pi mehai cüdha.

KEKULI 3:18

Anyiza na kheni wi atusenjüh- kechüthu wina Khrista na ketizen saben kesa khi ketheng tsü hati nu cenya thsüdha.

ROMNYI 10:11

Ntsawajüh na khiben, “Anyi kesü le kesü lela ma nondi ketenwa kejügheya thsü nben.”

ROMNYI 3:21

Isala Anyiza na khilitsü ma khati nu anyi pi ma tuwi meshonya thsüten khe pi ccüca chidha. Mosa Yenwa nu atusenjüh-kechüthu na tsü shei khiben lela tsüna Ayenwa wina mangla sa keya nmi.

ROMNYI 5:1

Khilitsü ithu na kenondi ghena Anyiza gweghe meshon yadha, nu ithu Pvüwa Jisu Khrista wina Anyiza wi kecca benyadha.

ROMNYI 6:23

Kepaghenanye kesami kutimen tsüna keshü, isala Anyiza na Apvüwa Jisu Khrista wina kekila khukechi ajuwa tsüna anuphan kahang.

ROMNYI 8:1

Khilitsü Jisu Khrista wi hang kebenthu kemeshensa nmidha.

ROMNYI 8:34

Isathu, thowa na mathu meshensaya mehai nu? Tsüna Jisu Khrista shü kesa ketan nyela hangneng wa Anyiza kwen ajewa ben nu Anyiza wi ithu ghena khie kebenwa la nye le!

GALATIANYI 3:22

Isala Ntsawajüh wina ayyi mabenla kesami kekhang kekhu wi ben khiben; tsalina Jisu Khrista kenondi wina khishi ketheng ajuwa tsü pi nondi ketenthu cüdha.

EFESANYI 1:7

Kepaghenanye Khrista na ahhansha sa keshü ghena ithu lisha chicü, tsüna ithu kesami teshi cüdha. Anyiza nanketizen na khacula di nu,

KOLOSSINYI 1:14

nu ma ghena kesami wi ithu lisha chicü, ithu kesami teshi pi cüdha.

IBRINYI 13:20

Anyiza na keshü wina ithu Pvüwa Jisu sa pi hang neng cü, ma ahhansha sa keshü wi anuphan Cenkethenjüh tsü sa keya ghena ma Anenikehie Ketiwa tsü saben. Kecca Nyiza yala nthu ma kenenwa tsü saya thsüle kesalina nthu nsenthu keyishü pala kemehai tsüdi pi nthu kecüwa sa, nu Jisu Khrista wina ithu wi kuli keben tsü ma kenenwa sayalo. Nu anuphan nu anuphanla Jisu Khrista nyanthang keyawa salo! Amen.

1 PITOR 1:11

Mathu na matsü khati kesa wi nu khati sa ghoben khe tsü chüya le bha. Hawa ha Khrista Ghamu na mathu miwi ben nu npi wina Khrista ketizen kesa nu anyankethang muya keten cüki tsü khi.

CCÜCAKECHI 19:10

Hi ma ccü wi qancadu ma kinyile sa, isala ma hi wi khi, “Tsüti nsa lalo, hi la no nu ncünyuthu, Jisu pi ccücakechi atsentsawa tsü ghansen ketenthu tsüdi ti kesa amagha kesü le. Anyiza kinyilo!” Kepaghenanye Jisu pi ccücakechi atsentsawa tsüna atusenjüh-kechüthu kechüchiden.