KEKULI 10:34 - Kemethajüh (N) (Re-editing) Bible (BSI)

³⁴ Pitor na mathu wi hati khi shagha, “Anyiza na anyi tsüdila ketizen makesü le kesa hi khili tsü ntsakhiwa chüti yadha.

KEKULI 10:34 Iomraidhean Croise

2 KHENICÜKI 19:7

Apvüwa kinyikü nu kiden-keshala kulilo, kepaghenanye Apvüwa ithu Nyiza na kemeshonwa kemilikesa nyelela nankepapa kesa nyelela alaa khukeya tsü ghangpvü benya nten.”

Job Lesüshen 34:19

Ma kekhang kesenthu sheikhi nyelela kebanwa nen nu ketha-u shun nten, kepaghenanye ma anyi tsüdi sahang chi.

MATHI 22:16

Mathu na mathu sansikeyathu pahan nu Herod nyi pahan kesun pi Jisu wi chi nu khi, “Kesansiwa, ikhang na no atsentsawa khiten le kesa chüben. No anyi nankepapa nsala Anyiza len tsentsawa tsü pi nyu sansi den, kepaghenanye no anyi kizza kedi hesha nten.

MATHI 5:2

nu ma mathu zhüsansi shhu:

Luk Zhükechi Jühtheü Kemehaiwa 20:21

Wahhaithu na Jisu wi khi, “Kesansiwa, ikhang na no kekhi nu kesansijüh tsüna meshon. No nyu nankepapa nsa isala anyi ghena atsentsa Anyiza lenwa tsü pi nyu sansiden kesa chüben.

KEKULI 10:33

Tsalina hi no cichilo kesun chile, nu no nantizen nu ghodha. Ikhang na khili tsüdila Anyiza tuwi ben nu Apvüwa na no mangwa khilo kiza khe tsü kinale hie ben.”

KEKULI 15:9

Anyiza na ikhang nu mathu nankepapa nsa, ma mathu kesami teshi pi cü, kepaghenanye mathu na nondiya.

KEKULI 8:35

Tsaseng wi Filip na khi; ma Ntsawajüh ha wina khiwa Jisu cüki Jühtheü Kemehaiwa pi ma kiza.

ROMNYI 2:11

Kepaghenanye Anyiza na ayen makesü pi anyi tsüdila ghan-nan den.

ROMNYI 3:29

Nyelela Anyiza tsüna Judah nyi Nyiza ketan kwe? Ma Judah nyi nkenyethu Nyiza la nye kwe? Anle, ma Judah nyi nkenyethu Nyiza la le!

GALATIANYI 2:6

Isala accülikesathu na itu wi tsü makepa mangla nkesa ghena hi ha khiben; Anyiza na anyi nankepapa sa nten, accülikesathu na mangla ketheü pi hi nkiza.

EFESANYI 6:9

Apvüthu, nthu nssümaghathu wi tsü makesü sa nu mathu npateqhela yilo. Nankepapa nsala tsüdi jühkaghaten ketenwa tang wi nthu nu nthu nssümaghathu Pvüwa kesü na benle kesa meshen yalo.

AYENZHÜNENG 1:17

Nthu na ajüh kesüdhe witsü nankepapa nsala; ma thowa khe mehhishala tsüdi tuwi makesü sala ajühkaghaten cülo. Nthu na Anyiza wina kegho ghena ajüh kesüdhe tsüghena thola nmessila. Keujüla ajjügi kesü na nthu ghena dhu mtsü lethu sen nu hiwi gholo, hi tsü südhe cüaben.’

AYENZHÜNENG 10:17

Apvüwa nthu Nyiza hana acenpvü tsüdi nu kekhang tsüdi miwi khangki. Ma khang nu di kesalina ma jühkina qole. Ma nyu nankepapa sa nten, nu alaa la ya nten.

AYENZHÜNENG 16:19

Mathu na ajüh kaghakhi wi nkemeshon nu nankepapa sa nben; nu mathu na alaa ya nben, kepaghenanye alaa tsüna anyi kemetsawa nu atsentsawa nyon sapi nmu thsüla nu mathu ya kesazzi wi südhe chicüden.

KOLOSSINYI 3:11

Tsalina ciwi Judah nyithu nu Judah nyi nkenyethu, ahyu kahanthu nu ahyu nkahanthu, amizza kepapa nyithu, azendi nyithu, nssümaghathu, nu ahvuthu kepapa kesa nmi, isala Khrista na tsüdi, nu ma tsüdi wi ben.

KOLOSSINYI 3:25

Sazzi keten tsüdila ma kesazzi kutimen muyaben, kepaghenanye Anyiza na ayen makesü wina anyi tsüdi jühkaghakhi den.

JAMES 2:1

Icünyuthu, nthu na ithu Pvüwa Jisu Khrista, Apvüwa nyankethangwa tsü kenondithu sa nu khiela anyi tsi ghang nu nankepapa sa yishü.

JAMES 2:4

nthu ketanla nthu jawi anyi nankepapa sa nu nkemehai kemeshen wina nyu ghan-nan ben.

JAMES 2:9

Isala keujüla nthu na anyi tsi kenie wina nankepapa saten lethu, nthu na sami ben, nu nthu ayenwa keyasa nyi ghena Ayenwa na nthu meshensa ben.

1 PITOR 1:17

Anyi nankepapa nsala tsüdi kekuli qei wina ghan-nan ketenwa Anyiza wi kekhie wi nthu na ma pi Aba ciden; tsalina nthu ayyi he wi keben chu ma kinyikü nu hanglo.