KEKULI 10:2 - Kemethajüh (N) (Re-editing) Bible (BSI)

² Ma nu ma theghi tsüdila Anyiza messi nu kinyi den. Ma Judah nyi ketha-uthu kejonla kiqa nu Anyiza wi khieki benden.

KEKULI 10:2 Iomraidhean Croise

ADECHHÜ 18:19

Ma ya ma tsangathu nu ma shicübvüghathu sansi pi ijühkina nu kemetha nu ketsantanwa kuli thsüle kesalina hi ma kessiyadha. Mathu na tsüti sa lethu hi ma ghena khichi ketheng tsüdi sa cüden.”

1 KADIMITHU 8:43

ma kekhie kina cülo. Tangwi no kahang pen wi ben nu ma jühkina chi nu ma kekhie sa cülo, isanu n-nyi Israel ti ayyi wi anyi tsüdila no chü nu njühyaya thsüle kesalina. Isalethu mathu na hi Kekinyijjen sa ketheng wi ha no kekinyi benle kesa chüyaben.

2 KHENICÜKI 6:33

ma kekhie kina cülo. Tangwi no kahang pen wi ben nu ma hhai kina cü nu ma kekhiewa tsü sa cülo, isalethu ayyiwi anyithu tsüdila n-nyithu Israel na sa keten ti no chüya nu njüh kina ben. Isalethu mathu na hi sa ketheng Kekinyijjen hawi no kekinyi-u le kesa chüyaben.

Job Lesüshen 1:1

Ciwi anyi kesü ma nyan Job na ben nu Uz yyiwi hangden, ma Anyiza kinyi nu ma tuwi atsentsa saden. Ma anyi kemehai kesü nu nkemehai mangla nsale kesa kiden-kesha keten nyi.

Job Lesüshen 1:5

Job na kemishu kesüsü kesa sengwi aghanen tsüdi shagha ahhansha kesa khuchi nu ma tsangathu kesüsü sametha den. Ma tsüti sa, kepaghenanye ma kemeshen na ma tsangathu na nkechü wi Anyiza nkenen sa nu sami thengla benle saden.

ZAKECI 102:15

Mizzatentithu na Apvüwa messi den; ayyi wi kedithu tsüdila ma kekhangwa tsü messi den.

ZAKECI 119:2

Ma jühkhukechithu nie ketenthu, nu leben tsüdi pi tsüthu nie ketenthu na kemihhi ntsa.

ZAKECI 25:5

Hi sansi pi no ketsatan nie nu hangya thsülo, kepaghenanye no hi hangsha kecüwa, iNyiza. Hi keshüthangla na nondi den.

ZAKECI 41:1

Ketha-uthu shei meshen ketenthu na kemihhi ntsa; mathu na agüccü keben wi Apvüwa na mathu kiqa cüden.

ZAKECI 55:17

Aghanen, aghanan lapvü nu aghaja wila ileben-nkagha kaghadhi na ma wi ki den, nu ma ihhai kina cü den.

ZAKECI 86:3

No iNyiza, tsalina hi nantizen cülo; hi ghanan thangthang no wi khie.

ZAKECI 88:1

Apvüwa Anyiza, hi hangshawa, hi ghanan thangthang qai, aghaja wi ntuwi gho.

Sansichhü 7:18

Keni qho pongca mtsü nsala. Keujüla no Anyiza kekinyikü ben lethu, no alentagha wi haicenya metsiben.

ISAYA 59:19

Nishuwa na wala niduwa kecu wi anyi tsüdila ma kekhang nu ma kediwa tsü messiden. Ma aghaku tssüketi ti nu ameghü kekhang ti ghoben.

DANIEL 6:10

Khathansha wi Daniel na ahza tsü miwi kadimiwa nyan zhükidha le kesa zaya khe ma ajjen wi wha. Ma jjensha tangwa keshondhi kesü wi jjenkubhi na Jerusalem wiwa jatan ben. Ciwi ma keshüthangla sa keten ti jjenkubhi tsü sha nu akhhutsüla ghanan kesü wi kecheng tughu Anyiza wi kekhie sa.

DANIEL 6:16

Tsalina Daniel ghan pi ssensitemithu na pong keben ayyiku kesü witsü chilo kesa ahza khushia. Ma Daniel wi khi, “No nleben tsentsa sennu ma kekuli sa ketenwa n-Nyiza ya no kekasha kecüwa salo.”

DANIEL 6:20

Ma wala cukeya wi ma leben güccü ntsa nu jishala, “Daniel, hangkeben Nyiza maghawa! No nleben tsentsa sennu ma kekuli sa ketenwa Anyiza tsüna ssensitemithu pang wina no hangsha cü ma?”

DANIEL 6:26

Hi kadiyyi kekhu wi kebenthu tsüdila Daniel Nyizawa ha messi nu nkinyiküthu yishü kesa ahza khuchiben.” “Ma hangkebenwa Anyiza kesü, nu ma anuphanla kekhang senben. Ma kadinyu na khiela yasaya nben, nu ma kekhang na khiela asakhen sa nben.

MATHI 25:17

Tsü makesü amagha pisaten keni mukeyawa la sen wa keni kiyiya.

Luk Zhükechi Jühtheü Kemehaiwa 18:1

Jisu na ajühkaghape kesü pi mathu kiza nu mathu na keshüthangla khieben nu accükwen-nshü lalo kesa mathu sansi.

Luk Zhükechi Jühtheü Kemehaiwa 2:25

Tsü tsüwi anyi kesü ma nyan Simon kesa tsüna Jerusalem wi hangben. Ma tsatan nu Apvüwa messikü keten nyi. Ma Israel hangshaya keten tsüwa tsü hieben, nu Kemetha Ghamu na ma ssiden,

KEKULI 10:22

Mathu na luneng, “Kornelia, süpahi meza miwi kediwa na ikhang kesun chi le! Ma kemehai nyi kesü, Anyiza kinyi nu Judah nyithu tsüdila ma kinyiküden. Anyiza nyilo kesü na ma ya no ci pi ma jjen wi chilo kiza, isanu ma mangwa khi khe kina yalo khi.”

KEKULI 10:31

nu khi, ‘Kornelia! Anyiza na no kekhie za yadhale, nu no nyu nantizen kechi kekuli tsü la chüben.

KEKULI 10:35

Amizza katsüha wi anyi kesü le kesü lela thowa na Anyiza messi nu kemeshonwa tsü saten khe ma tsü ssiyaben.

KEKULI 10:4

Ma messi ntsa tangnyilowa ghang nu khi, “Kediwa, ha mangwa jjügi saben nu?” Tangnyilowa na ma wi kiza, “Anyiza na no kekhie nu nyu nanketizen kekuli tsü muyadha, nu ma no kekhie luneng cüle ben.

KEKULI 10:7

Tangnyilowa na kebvü seng wi Kornelia na ma magha meshu keni nu süpahi ketsatan nyi kesü ma ketsikina ketenwa tsü cichi.

KEKULI 11:14

Ma ajühkhi pi no nu ntheghithu kizathu, ciwi nthu na hangsha yaben.’

KEKULI 13:16

Paul na shagha ma kwen zanki nu ajüh khi: “Hi Israel nyithu nu Judah nyi nkenyethu he wi ben nu Anyiza kinyi kebenthu, ijüh kina chilo!

KEKULI 13:26

“Hi Israel nyithu, Abraham shicübvüghathu, nu Judah nyi nkenyethu he wi Anyiza kinyi kebenthu: ithu ghena hangshakeya ketsijüh ha kesun chi le!

KEKULI 13:50

Isala Judah nyithu na anyunuti tsüwa wi accülikesathu nu Judah nyi nkenye atheghi kemehai wi nza Anyiza kinyi ketenthu kethukehi chia. Mathu na Paul nu Barnaba manyi meten-mesha shagha nu ayyi tsüwa wina manyi jügü shia.

KEKULI 18:8

Sinagog wi alikesa nyi kesü Krispa na ma theghi tsüdi ssinu Anyiza nondiya; nu Korinth wi anyi kepa wi kejonla Paul na ketsijüh kekhi tsü zaya nu nondiya, nu baptaiz saya.

KEKULI 2:5

Ciwi Judah nyithu nu ayyi wi diyyi tsüdi wi ketsatanthu na gho Jerusalem wi hangben.

KEKULI 22:12

“Anyunuti ciwi anyi kesü ma nyan Ananiya kesa keccüna sen kemehai nyi ma Ayenwa tsü nie den, nu Judah nyi Damaska wi kahangthu tsüdila ma kinyikü ntsa saden.

KEKULI 8:2

Kenondithu pahan na Stefan pie wa vhü nu ma ghena qai.

KEKULI 9:11

Apvüwa na ma wi khi, “Shagha kidenya nu Alen Kemeshonwa wi tsü walo, nu Judah jjen wi anyi kesü Tarsa wina kegho ma nyan Saul tsü keülo. Ma kekhie saben.

KEKULI 9:31

Tsalina ha Judea, Galilee, nu Samaria tsüdi wi kemehu na kecca tsü kesü sa. Kemetha Ghamu kekiqa wina kemehu satezü nu ji pfüpfü sa, nu Apvüwa kinyikü nu hang.

KEKULI 9:36

Joppa wi kenondi nyi nza kesü ma nyan Tabitha (Grik jüh wina ma nyan Dorka, ma jjügi “ameshü”) na ben. Ma matsü tsüdi wi kemehai kuli nu ketha-uthu kiqaden.

KOLOSSINYI 4:2

Nhandhila kekhie saki benlo, nu nthu kekhie kesa wi meghe-metsaya, keseng pi Anyiza cülo.

1 THESSALONIKANYI 5:17

kekhie saki benden,

JAMES 1:5

Keujüla nthu anyi pahan na kemetsa wi hhatu ben lethu, ma ya Anyiza wi tsü khieya thsülo, kepaghenanye Anyiza na mohho ntsa nu anon-nkhula pi tsüdila cüden.

JOSHUA 24:15

Keujüla nthu na ma kekuli nsamvu lethu, nthu bamyithu na Mesopotamia wi kinyi kegho cenpvüthu tsüla, nyelela Amor nyi nthu na khili mathu yyi wi hang keben cenpvüthu tsü khe nthu na thowa kekuli saten khe nansü südhe yalo. Hi nu itheghi ghena tsü ithu na Apvüwa kekuli ketan saden.”

CCÜCAKECHI 15:4

Thowa na no nmessila benya mehai nu, Apvüwa? Thowa na no kedi cüki nkhila benya mehai nu? No ketan kemethawa. Mizzatenti tsüdila gho no kinyiben, kepaghenanye tsüdila no kekuli kemeshon tsü muyadha.”