KEKULI 1:6 - Kemethajüh (N) (Re-editing) Bible (BSI)

⁶ Apostelthu na gho saghu keya wi mathu na Jisu wi keü, “Apvüwa, no khili tsü ha Kadiyyi tsü pi Israel nyi cü neng tendha la?

KEKULI 1:6 Iomraidhean Croise

ADECHHÜ 49:10

Judah na kadi khhatssü senden, ma shicüthu na keshüthangla kekhang senben. Mizzatentithu na khajana sen nu, ma wi gho jühkeya wina ma tuwi kukeduben.

ISAYA 1:26

Kheni nthu wi kekhang kesen nu sansichüthu na ben kegho tsüti pi nthu cü nengden. Tsaseng wi Jerusalem pi ketsatan nu kenondi qo nyunutiwa le ciaden.”

JEREMIYA 33:26

Nu ntsakhiwa, hi ha saketheng ti hi Jakob shicübvüghathu nu imaghawa David ssinu cenkethenjüh tsü nieden. Hi David shicübvüghathu kesü kessi pi Abraham, Isak, nu Jakob shicübvüghathu miwi kekhang sen thsüden. Hi inyithu nantizen ntsa sacü nu mathu sapi mehai nengya thsüaden .”

DANIEL 7:27

Ayyi wi kadinyuthu tsüdi kekhang nu keti pi Kekhang ntsawa Anyiza nyithu cüaden. Mathu kadi kekhang na asakhen sa nben, nu ayyi wi kekhang kesenthu tsüdila mathu kekuli sa nu mathu jühkina den.”

HOSEYA 3:4

Hati sa nu Israel nyithu na matsü kesiela kadimithu nyelela accülikesathu nsen, ahhanshakesa nyelela alon kemetha kesheng nsa, kedema ghena atsikezhü nyelela atsiketonthu nsenla hang benden.

AMOS 9:11

Apvüwa na khiben, “Hi David kadiyyiwa, ajjen kesü na qanca pi yasa kesawa ti kesa tsü sanengya keten tsathang kesü na gho tendha. Hi ma wikeshonthu sapfü nu tsü saneng yaden. Hi tsü saneng pi kheni ti saaden.

MIKA 5:2

Apvüwa na khiben, “Bethlehem Efratha, no Judah yyi wi anyuti kizza ntsa kesü, isala hi no wina ma theghishi na kheni tsü wina kegho Israel ghena kekhang kesen kesü shhugho thsüden.”

ZEKHARIYA 9:9

Zion nyithu! Anongheyalo, anongheyalo! Jerusalem nyithu, anonkeghe ghena jishalo! Ghangchilo, nthu kadimiwa na nthu wi gho tendha! Ma khang ntsa nu nyankethang sala ghoden, isala ma satemeni nu gada kesü miwi donki ben—— gada zza kesü miwi ben.

MATHI 17:11

Jisu na luneng, “Ntsakhiwa, Elijah na atuwa sa ghoben, nu ma pala tsüdila kiden yaben.

MATHI 20:21

Jisu na ma wi keü, “Hi nghena mangwa sa thsü mvu ben nu?” Nzawa na khineng, “Itsa keni yala no Kadimi sa kegho wi kesü ya nkwen ajewa nu kesü ya tavüwa benya thsü benle khishi chilo.”

MATHI 24:3

Jisu na wala Oliv Yikha wi donki keben sansikeyathu na gho ma wi keü, “Hathu ha kusi saben khe pi ikhang kizalo. No gho keten wi nu kahang sakhen gho keten wi zensu khati saben khe pi ccücalo.”

MARK 9:12

Ma luneng kechi na, “Pala tsüdila kidenya thsüle kesalina ntsakhiwa Elijah na atuwa ghoden. Isala mangkesa na Ntsawajüh na Anyi Tsawa na ketizen sa ntsa nu nyu na ma meya mvula benle khiben nu?

Luk Zhükechi Jühtheü Kemehaiwa 17:20

Farisithu pahan na Anyiza Kadiyyi na kusi gho ben nu kesa Jisu wi keü. Ma keluneng na “Anyiza Kadiyyi na hati mukeben gho nben.

Luk Zhükechi Jühtheü Kemehaiwa 19:11

Tsaseng wi Jisu na ajühkaghape kepa wi la khi pi ma jühkina kebenthu kiza. Ma Jerusalem tetsaki wa tendha, nu mathu na Anyiza Kadiyyi tsüna wan gho tendhale sa.

Luk Zhükechi Jühtheü Kemehaiwa 22:29

nu iBa na kekhang senya kemehai pi hi kecü tsüti hi la pi nthu cüden.

JOHAN 21:21

Pitor na ma muya nu Jisu wi keü, “Apvüwa, anyi hawa tsü khati saben nu?”