KEKULI 1:3 - Kemethajüh (N) (Re-editing) Bible (BSI)

³ Ma keshü seng wi ghanan jügha jü wi ma hangben le kesa kejon tughula mathu tuwi gho, nu ajjügi kejonla pi mathu ccüca. Mathu na ma mu, nu ma Anyiza Kadiyyi cüki khi pi mathu ccüneng.

KEKULI 1:3 Iomraidhean Croise

1 KADIMITHU 19:8

Elijah na shagha dsa nu jjüya, nu atsse tsü ghena ma ghanan jügha alentsen sen nu Sinai Yikha kemethawa wi waya kemehai kezü pi ma cü.

MATHI 21:43

Jisu na khi, “Tsalina hi nthu kizaden, nthu wina Anyiza Kadiyyi tsü khuya nu pi anyi matsü wi abi mehaitsü bünya ketenthu cüaben.”

MATHI 28:9

Zulila Jisu na gho manyi metu nu khi, “Kecca na nshinyi ssiben keyawa salo.” Manyi shagha ma ccü ghansen nu kinyi.

MATHI 3:2

Ma khi, “Nthu kesami wina leben khapeghe yalo, kepaghenanye tang Kadiyyi tsüna tetsakidha.”

MATHI 4:2

Jisu na ghanan jügha nu ghaja jügha kezi seng wi ma ghamaya.

MARK 16:19

Apvüwa Jisu na mathu ssinu keccüneng seng wi tang wi ma ssiki nu Anyiza kwen ajewa donkiwa.

JOHAN 20:26

Ghanan tagü seng wi sansikeyathu na kheneng ajjen khenten pvüben, nu Thoma la mathu gweghe ben. Ajenkathu khen theng, isala Jisu na dugho mathu jawi nganya nu khi, “Kecca ya nthu ssiben keyawa salo.”

JOHAN 21:1

Tsaseng wi Jisu na kheneng Tiberia Ghajü kete wi ma sansikeyathu tuwi gho. Ma hati nu ma ketanla ma pi ccücachi.

JOHAN 21:14

Ha khili kecheng tughuwa Jisu na ma keshü wina hangneng-keshagha seng wi sansikeyathu tuwi gho bendha.

KEKULI 13:31

nu ghanan kejon wi la kheni ma gweghe Jerusalem wina Galilee wi kewathu tuwi gho. Mathu na khili Israel nyithu tuwi ma ghena chüzathu saben.

KEKULI 19:8

Paul na Sinagog wi wa nu asha kecheng-u kempvüza ntsa sa nu Anyiza Kadiyyi cüki khi pi anyithu zanyale kesalina mathu ssinu ajüh keccücanli.

KEKULI 28:23

Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi.

KEKULI 28:31

Ma nkuthila kempvüza sa nu Anyiza Kadiyyi cüki pi khi nu Apvüwa Jisu Khrista cüki pi nyu sansi.

KEKULI 8:12

Isala mathu na Filip na Anyiza Kadiyyi Jühtheüwa nu Jisu Khrista cüki kekhi tsü nondiya, nu mathu npvüza le nzathu lela baptaiz saya.

ROMNYI 14:17

Kepaghenanye Anyiza Kadiyyi tsüna kedsa nu kejjü ghena nye, isala ketsatan, kecca, nu anonkeghe Kemetha Ghamu na khuchi keten tsü.

AYENZHÜNENG 9:18

Tsaseng wi hi kheneng Apvüwa tuwi aghaja nu ghanan jügha nkhwencadu nu mangla ndsajjüla sa. Hi hati sa, kepaghenanye nthu na Apvüwa tuwi sami nu ma sapi aghepvü thsü kesalina.

AYENZHÜNENG 9:9

Hi ayikha wi kila Apvüwa na nthu ssinu cenkethenjüh pi alonpha keni miwi zhüketheng tsü khuyale sa. Hi ciwi aghaja nu ghanan jügha ben nu mangla ndsajjü.

KOLOSSINYI 1:13

Ma kejang kekhang wina ithu khushiya nu ithu ssigho ma ketizen Tsawa kadiyyi wi chicüdha,

1 THESSALONIKANYI 2:12

Ikhang na nthu kechü-kenong, nthu leben satecca, nu nthu ci pi ma Kadiyyi nu anyankethang wi chi keyawa Anyiza kenen kahang wi hanglo kesa nthu kiza ntsa sa.

1 JOHAN 1:1

Ikhang na adechhü wina keten kahang jüh cüki tsü zhü pi nthu cüben. Ikhang na tsü zaya nu anyon pi tsü muyadha; ikhang na tsü muya, nu akwen pi tsü payadha.