KEKULI 1:24 - Kemethajüh (N) (Re-editing) Bible (BSI)

²⁴ Tsaseng wi mathu kekhie sa, “O Apvüwa, no anyi tsüdi leben kechüwa, tsalina pi ikhang ccücalo, no ha manyi khawa kessi pi

KEKULI 1:24 Iomraidhean Croise

1 KADIMITHU 8:39

mathu kekhie kina cülo. Tangwi njjen wi pen nu mathu kekhie kina cü, mathu kesami teshi cü, nu mathu kiqa cülo. No ketan anyi leben kemeshen kechüwa. Anyi kesüsü kemu-u wi pi cü,

1 KHENICÜKI 28:9

Nu ma Solomon wi khi, “Itsa, no nba Nyizawa tsü chüya, nu nleben tsüdi nu samvuthi kesa kahang pi ma kekuli salo kesa hi no kizaben. Ma ithu kemeshen nu kenmvu tsüdi chüben. Keujüla no ma wi wa lethu, ma no ssiyaben; isala keujüla no ma wina bvü lethu, ma anuphanla no teshiaben.

1 KHENICÜKI 29:17

No anyi tsüdi lebenpinan nu ketsatanwa nenten kesa hi chüben. Hi lebenchi nu atsentsa wi inonkeghe sala ha tsüdi pi no cüben, nu hi khili n-nyi hewi saghu kebenthu na mathu nonghe ntsa nu sengho no cü keben muyadha.

ZAKECI 44:21

no tsü bhashiya metsi kepaghenanye no ithu kekuthi kemeshenthu tsüdila chüben.

ZAKECI 7:9

No ketsatan Nyiza nu ithu kemeshen kenmvu ghang ketenwa. Anyi nkemehaithu kekuli khen cü, nu kemehaithu kutimen sapi cülo.

KEMETSAJÜH 15:11

Keshü yyiwa wi lela mangwa ben khe pi Apvüwa tuwi khuthiya nben; isalethu anyi kesü khatinu ma kemeshen pi Anyiza wi kuthiya mehai nu?

JEREMIYA 11:20

Tsaseng wi hi kekhie sa, “Kekhang ntsawa Apvüwa, no pendhenyi kemeshonwa, no anyithu leben nu kemeshen ghan-nan den. Hi icüki hapi nkwen wi chidha, tsalina hi ya no anyi hathu miwi ajukhikeya muya thsülo.”

JEREMIYA 17:10

Hi Apvüwa, hi anyi leben ketsü nu kesinan den. Hi anyi kesüsü ma hang keten len kenie, nu ma kekuli qe wina pi ma ghan-nan den.”

JEREMIYA 20:12

Isala Apvüwa, no Kekhang ntsawa, no ajühtsentsa sen nu ayyi kesinanden; no mathu leben nu kemeshen wi mangwa ben khe tsü chüben. Tsalina hi ya no ighinyithu miwi ajukhikeya muya thsülo, kepaghenanye hi ighena pi no dhenchidha.

SHICÜSI 27:16

“Apvüwa Anyiza, kahang tsüdi bvüwa, anyithu ssiya kemehai nyi kesü kessiyalo,

Luk Zhükechi Jühtheü Kemehaiwa 16:15

Jisu na mathu wi kiza, “Nthu ketanla nthu sa pi anyithu tuwi meshonle saden, isala Anyiza na nthu leben chüben. Kepaghenanye anyi na mangwa meshen pi ketikesie saten khe tsüna Anyiza tuwi mang men la nmi.

JOHAN 21:17

Jisu na kecheng tughuwa ma wi keü, “Simon Johan tsawa, no hi tizenghaliben ma?” Jisu na kecheng tughu ma wi “No hi tizenghaliben ma?” kekeü ghena Simon na ma hathana wa, tsalina ma khi, “Apvüwa, no pala tsüdila chüben; hi no tizenghaliben kesa no chüben le!” Jisu na ma wi khi, “Ikhaghaneni nonccayalo.

KEKULI 14:23

Manyi na kemehu tsüdi wi accülikesathu kessi pi cü, manyi zi nu kekhie sa nu mathu pi mathu na nondi ketenwa Apvüwa kwen wi chia.

KEKULI 15:8

Anyiza, anyi leben chü kebenwa na Judah nyi nkenyethu la nantizen tenle kesa Kemetha Ghamu pi ithu kecü tsüti pi mathu la cüa.

KEKULI 6:6

Mathu na anyi tsüthu ssinu apostelthu tuwi wa nu apostelthu na akwen chang pi mathu miwi chi nu kekhie sa thsü.

ROMNYI 8:27

Nu Anyiza na ithu leben muben, Aghamu kemeshen tsü mangwa khe chüben; kepaghenanye Aghamu na ma kenen wina nu ma nyithu kuti wina Anyiza wi khieden.

IBRINYI 4:13

Ciwi mangla Anyiza tu wi kuthiya nben; ma nyon tu wi sahangkechithu tsüdila shaben nu muthatha ben. Ma tu wi ithu tsüdila ithu cüki nkhithu yishü.

CCÜCAKECHI 2:23

Hi ma tsangathu la pathi cüden, Tsaseng wi kemehuthu na hi anyi tsüdi kemeshen nu kenmvu kechüwa le kesa chüyaben. Hi nthu kesüsü kuli ketheng kenie wina akutimen pi cüden.

1 SAMUEL 14:41

Saul na Apvüwa Israel Nyizawa wi khi, “Apvüwa, no nansü mangkesa na hi nlunengla nu? Apvüwa, Israel Nyizawa, alon kemethathu ha wina hi luneng chilo. Keujüla kesazziwa tsüna Jonathan nyelela hi lethu, Urim wina luneng chi; isala tsüna n-nyi Israel lethu, Thummim wina luneng chilo.” Luneng kechi wi Jonathan nu Saul manyi le kesa chüya; nu anyithu na meshonben.

1 SAMUEL 16:7

Isala Apvüwa na ma wi khi, “Ma khüton kemehai nu ma tsikemehai tsü n-ghang lalo. Hi ma meya mvuladha, kepaghenanye hi anyi na ghan nan keten ti ghan nan nten. Anyi na amei wi matsi ghangden, isala Apvüwa tsü aleben wi ghangden.”