KEKULI 1:2 - Kemethajüh (N) (Re-editing) Bible (BSI)

² tsüna aghatsan na wala Anyiza na ma zanki pi tang wi chiya kesa tsü npi kecu chu cüki. Ma tang wi npi kewa wi Kemetha Ghamu kekhang wina kecükegwe pi ma anyi kessi pi apostel saya kesathu cü.

KEKULI 1:2 Iomraidhean Croise

ISAYA 42:1

Apvüwa na khiben, “Hi ma satezü cü keten imaghawa na hewi ben, hi ma kessi keyawa, nu ma miwi hi kenen ben ketenwa tsüle. Hi ighamu pi ma pong cüdha, nu ma ajühtsentsa sen nu mizzatenti tsüdi miwi ghoaben .

ISAYA 48:16

“Khili hi tetsaki gho hi mangwa khi khe kinayalo. Hi adechhü wina aghandu khidha, nu keshüthangla ijühwa tsü sacen thsüden.” (Kemisintsa Apvüwa na ma kekhang pi cü, nu hi kesunchi.)

ISAYA 61:1

Kemisintsawa Apvüwa na ma ghamu pi hi pong cüdha. Ma hi kessiya nu hi kesun pi ajühkemehaiwa sengho ketha-uthu cü thsü, leben gükeccüthu sapi mehai cü, nyu kekhu wi kebenthu kekhen nkemi, nu atssüzüthu lishü kecü jüh pi thangchilo kesalina.

MATHI 12:28

Nyele, Beelzebul na nye, isala Anyiza Ghamu kekhang pi hi cü nu hi atsaghangthu jügüshiyaben, tsüna Anyiza Kadiyyi na nthu miwi ghodha kesa chütiyaben.

MATHI 3:16

Jisu na baptaiz saya meyi atssü wina shhugho. Tsaseng wi tang wi shachi nu ma Anyiza Ghamu na nkhetsü kesü ti sa dugho ma miwi ben wa kesa muya.

MARK 6:30

Apostelthu na gho neng nu mathu kekuli nu nyu kesansi cüki tsüdi khi pi Jisu kiza.

Luk Zhükechi Jühtheü Kemehaiwa 24:51

Ma sawegü pi mathu cü keben wi ma mathu teshi nu ma ssinu tang wi kia.

Luk Zhükechi Jühtheü Kemehaiwa 9:51

Jisu zanki pi tang wi chiya keten pang wi ma Jerusalem wi wale meshen nu waden.

JOHAN 1:16

Ma nanketizen pong kimenni kesa wina ithu tsüdila nanketizen mu la mu nengya saben.

JOHAN 13:1

Shhukeya Kho tsathang npi tuwi Jisu na ma ayyi ha teshi nu Abawa wi wa keten matsü na gho cudha kesa chüya. Ma ayyi ha wi ma jithu tizenghali ntsa sa, nu ma mathu tizenghali wa asakhen cu.

JOHAN 13:18

“Hi nthu tsüdi cüki khi nben, hi hi kessiya kesathu chüben. Isala Ntsawajüh na khi keben tsü nsacenthu yishü, ‘Anyi hi gweghe amesa kedsawa na hi shunben.’

JOHAN 13:3

Jisu na Abawa na pala tsüdila pi ma kwen wi chidha kesa chüben, ma Anyiza wina gho nu Anyiza wi wa neng den kesa la chüben.

JOHAN 16:28

Hi Abawa wina ayyi wi gho, nu khili ayyi teshi nu Abawa wi wa tendha.”

JOHAN 17:13

Nu hi khili no wi gha tendha, inonkeghe ya mathu miwi ben cencuya thsüle kesalina hi ayyi wi keben jü hathu ha khiben.

JOHAN 20:17

Jisu na ma wi kiza, “No hi ghanten nben lalo, kepaghenanye hi Abawa wi npi wa. Isala wala icünyuthu wi hi iBa nu nthu Ba, iNyiza nu nthu Nyiza wi wa nengdha le kizalo.”

JOHAN 20:21

Jisu na kheneng mathu wi khi, “Kecca ya nthu ssiben keyawa salo. IBa na hi kesun kechi tsüti hi la nthu kesun chiben.”

JOHAN 3:34

Anyiza na kesun kechiwa na Anyiza jüh khiden, kepaghenanye Anyiza na nkedela Aghamu pi ma cüden.

JOHAN 6:62

Isathu, keujüla nthu na Anyi Tsawa na ma kheni pen wi ki neng keten muya lethu khati saben nu?

JOHAN 6:70

Jisu na luneng, “Hi nthu Taghakeni ha kessi meya kwe? Isala nthu jawi meshu kesü na atsaghang le!”

KEKULI 1:11

Manyi na mathu wi, “Nthu Galilee nyithu mangkesa na ciwi ngan nu tang wi ghang ben nu? Nthu wina ssi sen nu tang wi wa kesawa Jisu hana nthu ma tang wi wa keten kemu tsü makesü gho neng ben le!”

KEKULI 1:13

Mathu na Jerusalem wi dula mathu na ben keten ajjenshha tangwa wi ben. Tsüthu na Pitor, Johan, James nu Andria, Filip nu Thoma, Bartholoma nu Mathi, Alfa tsawa Jakob, Simon kempvüzawa, nu Jakob tsawa Judah.

KEKULI 1:9

Ma ha kekhi seng wi mathu na ma ghang keben na tang wi ma zankiya nu mathu tuwi na akulukeshü na gho ma shanbhonya.

KEKULI 10:38

Anyiza na khati Kemetha Ghamu nu kekhang pi Nazareth nyiwa Jisu miwi chicü khe nthu na chüben. Anyiza na ma ssi keten ghena ayyi tsüdi wila wa nu kekuli kemehai sa nu nkemehai ghamu kekhang kekhu wi kebenthu tsüdila sa pi mehai cü.

GALATIANYI 1:1

Paul, anyi wina kesun kechi nyelela anyi kekhi wina sa keya ghena la nye, isala Jisu Khrista nu keshü wina ma sa pi hang kecü Abawa Anyiza wina apostel sa keyawa wina kesun kechi.

EFESANYI 2:20

Nthu la apostelthu nu atusenjüh-kechüthu na alon donbvüwa Jisu Khrista miwi kedegü ketheng wi tsü sayadha.

1 TIMOTHI 3:16

Thola ithu keccüna ha wi kekuthi di ntsa keben tsü nmile khiya nben: Ma anyi tsi ceng sen nu gho kesa tsü Aghamu na atsentsa pi ccüca nu tangnyilothu ya muya thsü. Ma cüki pi mizzatenti jawi sansi, ayyi nyi maben wi la nondiya, nu ssi sen nu tangwi kia.

IBRINYI 9:24

Kepaghenanye Khrista na atsentsawa ghang nu sa keya anyi na kesa Kemetha Pen wi tsü ndu, isala ma tang wi tsü wa ciwi khili ithu mithon sala Anyiza tu wi ben.

1 PITOR 3:22

ma tang wi wa Anyiza kwen ajewa wi ben nu tangnyilothu nu tang kekhang kesenthu nu kekhangthu tsüdi miwi kadi saben.

2 PITOR 3:2

Nthu ya kheni atusenjüh- kechüthu na kekhi jüh, nu Apvüwa nu Hangshawa jühkhukechi nthu apostelthu na pi nthu kecü tsü meshenya thsü mvuben.

CCÜCAKECHI 1:1

Lesüshen hana Jisu Khrista pi ccücakechi cüki zhü theng. Pala hathu ha wan sacen keten Anyiza na pi ma maghathu ccücalo pi ma cü; Khrista na tangnyilo kesun pi ma maghawa Johan wi chi nu tsü chüya thsü,

CCÜCAKECHI 2:11

“Thowa na akhuna pvü ten khe Aghamu na kemehuthu wi khi keben tsü kinaya thsülo! “Khangkeyathu na keshü keniwa wi patena meyacha.

CCÜCAKECHI 2:17

“Thowa na akhuna pvü ten khe Aghamu na kemehuthu wi khi keben tsü kinaya thsülo!” “Khangkeyathu wi hi kekuthi manna tsü pi cüden. Hi alon kemiki kesü miwi anyan ketheü zhüki ketheng tsü mu keyawa ketan chüya keten la pi mathu kesüsü cüden.

CCÜCAKECHI 2:29

“Thowa na akhuna pvü ten khe Aghamu na kemehuthu wi khi keben tsü kinaya thsülo!

CCÜCAKECHI 2:7

“Thowa na akhuna pvü ten khe Aghamu na kemehuthu wi khi keben tsü kinaya thsülo!” “Hi khangkeyathu ya Anyiza sanku wi kahang chan bi tsü dsaya kemehai pi cüden.

CCÜCAKECHI 21:14

Anyunutiwa khweti tsüna alon donbvü taghakeni miwi sa theng, tsüthu miwi Khaghanenizzawa apostelthu taghakeni nyan pi zhüki theng.

CCÜCAKECHI 3:13

“Thowa na akhuna pvü ten khe Aghamu na kemehuthu wi khi keben tsü kinaya thsülo!

CCÜCAKECHI 3:16

Isala no bacubana, nkicü nu n-yeng kesa ghena hi ipang wina no meshusha le bendha!

CCÜCAKECHI 3:22

“Thowa na akhuna pvü ten khe Aghamu na kemehuthu wi khi keben tsü kinaya thsülo!