KEKULI 1:15 - Kemethajüh (N) (Re-editing) Bible (BSI)

¹⁵ Ghanan keu seng wi kenondithu anyi meza nu nkwe ghola mehu keben wi Pitor na shagha ajühkhi.

KEKULI 1:15 Iomraidhean Croise

MATHI 13:31

Jisu na ajühkaghape kepa wi khi pi mathu kiza: “Tang Kadiyyi tsüna hati kesa. Anyi kesü na hanuwencü pi ma lli wi yangchi.

Luk Zhükechi Jühtheü Kemehaiwa 22:32

Isala Simon, no kenondi nmi lathu keyishü ghena hi nghena khie. Nu no hi wi kheneng gho lethu, no npvüshangthu leben satezü cülo.”

JOHAN 14:12

Hi atsentsawa nthu kizaden, thowa na hi nodiya khe hi sa ketenwa tsü ma la sayaden — anle, ma hathu miwi la kediki sayaden, kepaghenanye hi Abawa wi wa tendha.

JOHAN 21:23

Tsalina sansikeya hawa ha shü nbenle kekhi tsüna Jisu senkeniethu jawi khi wa. Isala Jisu na ma shü nbenle nkhi, isani “Keujüla hi kenen lethu, hi npi kegho chu ma hangya thsüben, tsüna nghena mangwa ben nu?” isa khi.

KEKULI 10:23

Pitor na mathu ci pi ciwi ben thsü. Dhitsüwa wi ma kidenya nu mathu gweghe wa, nu Joppa wi keben kenondithu la pahan ma gweghe wa.

KEKULI 11:1

Judea wi apostelthu nu kenondithu tsüdila Judah nyi nkenyethu la Anyiza jüh yayadha le kesa zaya.

KEKULI 11:12

Aghamu na hi mathu gweghe wa nkesütu lalo hi kiza. Joppa wi kenondithu ma tugho ha la hi gweghe Kaesarea wi wa, nu ikhang tsüdila Kornelia jjen wi wa.

KEKULI 11:26

Ma wa Saul metuya nu ma ssi sen Antiok wi gho. Amapi kesü chuli manyi gweghe kemehu nyithu metu nu anyi kejonla sansi. Hana Antiok wi sansikeyathu pi atuwa sa Khristanyi le ciya.

KEKULI 11:29

Sansikeyathu na mathu meshu kesüsü saya kemehai chu kekiqa kesun pi Judea wi mathu pvüshang kenondithu cü tenle kesa südheya.

KEKULI 12:17

Ma kwen kejen pi mathu ccen benlo kesa kiza, nu ma Apvüwa na khati nu atssüzüjjen wina ma ssigho khe khimetha pi mathu kiza. Ma khi, “Ha pi James nu kenondithu kizalo; ” isanu ma apen tsü teshi nu kepa wi bvüa.

KEKULI 14:2

Isala Judah nyi nkenondithu na Judah nyi nkenyethu leben sameshü pi kenondithu nanmeghü thsüa.

KEKULI 15:1

Anyi pahan Judea wina gho Antiok wi kenondithu sansi nu khi, “Mosa Yenwa kenie wina nthu na ahyu nkahan tsü hangshakeya muya nben.”

KEKULI 15:3

Isanu kemehu na mathu kesun pi wa thsüa; nu mathu na Fonisia nu Samaria pvüdhi kewa wi Judah nyi nkenyethu na khati nu Anyiza wi ghoben khe tsü cüki pi nyu kiza; ajüh ha ghena kenondithu na anonghe ntsa sa.

KEKULI 16:2

Lustra nu Ikonium wi kahang kenondithu na Timothi cüki khi pi mehaiden.

KEKULI 16:40

Paul nu Sila manyi na atssüzüjjen wina shhu nu Lydia jjen wi wa. Ciwi manyi na kenondithu metuya, nu mathu saketezü jüh khitheng nu bvüa.

KEKULI 17:10

Aghaja sa meyi kenondithu na Paul nu Sila manyi kesun pi Berea wi wa thsüa. Manyi na wa cu keya wi Sinagog wi du.

KEKULI 17:14

Tsalina kenondithu na Paul kesun pi atssükaten yyi wi wa thsüa, isala Sila nu Timothi manyi na Berea wi ben wa.

KEKULI 17:6

Isala mathu na manyi mu meyala kesa wi Jason nu kenondithu pahan zan sengho anyunutiwa wi kekhang kesenthu tuwi jisha, “Anyi hathu hana apen tsüdi wi nyu pakivvü den! Mathu na ithu nyunuti wi la ghodha,

KEKULI 18:18

Paul na ghanan kejonla Korinth wi kenondithu gweghe ben nu kheneng ciwi Priskilla nu Aquila manyi ssinu atssü wina Siriya wi wha neng. Nu ma kishen ketheng ghena Kenkrea wi ma li ca.

KEKULI 18:27

Apollo na Akhaya yyi wi wa mvu kesalina Efesa wi kenondithu na ma kechü-kenong nu Akhaya wi sansikeyathu na ma ssiyalo kesa lesüzhü pi cüchi.

KEKULI 21:17

Ikhang na wa Jerusalem cuya meyi kenondithu na anonghe ntsa nu ikhang ssiya.

KEKULI 21:20

Mathu na ajüh tsü za keya seng wi Anyiza seng ntsawa sa. Tsaseng wi mathu Paul kiza, “Acünyuwa Paul, Judah nyi hazar kejon na kenondi nyi sayadha, nu mathu na Mosa Yenwa wi leben chi ntsa kesa no muyaben.

KEKULI 21:7

Ikhang na ahunjjen wina sa sen Tur wina wa Ptolemai cuya, ciwi ikhang na kenondithu ssinu shalom sa nu ghanan kesü mathu gweghe ben.

KEKULI 22:5

Keqhaikedi ntsa nu hoho mabenla hi atsentsawa khiben le kesa chüben. Hi mathu na lesüzhü pi Damaska wi Judah nyithu kecü tsü muya, isanu hi wala ciwi anyithu ghan sengho Jerusalem wi mathu meten-mesha le sa.

KEKULI 28:14

Ciwi ikhang na kenondithu pahan muya, nu mathu na ikhang mathu gweghe ghanan tagü ben lalo khie. Tsaseng wi ikhang na wa Rom cuya.

1 KORINTHNYI 15:6

Tsaseng wi ma kutitan na ma senkeniethu meza manga gilli tu wi gho, mathu pahan na shüdha, isala kejiwa na khili la hangben.

CCÜCAKECHI 11:13

Tsü tsüwi ameghükuju ntsa sa; anyunutiwa tsü gishü tagha sa nu kesü yasa, nu anyi hazar tagü na shü. Anyi hang kebenthu na qhethiketen sa nu atssan Nyiza kekhangkedi tsü seng.

CCÜCAKECHI 3:4

Isala nthu Sardi wi kebenthu anyi keu ketan nthu thsümeni metha ben. Nthu na athsümeni mphi nu hi gweghe alentsenben, kepaghenanye nthu na tsüti sa qo.