KEKULI 1:13 - Kemethajüh (N) (Re-editing) Bible (BSI)

¹³ Mathu na Jerusalem wi dula mathu na ben keten ajjenshha tangwa wi ben. Tsüthu na Pitor, Johan, James nu Andria, Filip nu Thoma, Bartholoma nu Mathi, Alfa tsawa Jakob, Simon kempvüzawa, nu Jakob tsawa Judah.

KEKULI 1:13 Iomraidhean Croise

MATHI 9:9

Jisu na apen tsü teshi theng nu kegoe wa nan khajana kekhü nyi kesü ma nyan Mathi kesa na ma kekuli jjen wi donki keben muya. Jisu na ma wi, “Hi nie ghalo” kiza. Mathi na shagha nu ma nie wa.

MARK 14:15

Isathu, ma ajjenshha tangwa wi keshondhi keti kemehai kesü tsütson pi nshinyi ccüca ben na ciwi ikhang ghena kiden-kesha yalo.”

MARK 14:33

Ma Pitor, James, nu Johan ma kecheng ssinu ma gweghe wa. Leben ketizen kesa nu agüccü ntsa kesa na ma miwi ghoa,

MARK 2:14

Ma wa keten wi khajana kekhüwa Alfia tsa Levi na ma kekuli jjen wi donki keben muya. Jisu na ma wi khi, “Hi nie ghalo.” Levi na shagha ma nie wa.

MARK 5:37

Isanu ma anyi thola ma gweghe nwa thsüla Pitor, James nu ma cünyuwa Johan ma kecheng ketan ssinu wa.

MARK 9:2

Ghanan tugho seng wi Jisu na Pitor, James, nu Johan ma kecheng ssinu mathu gweghe ayikha kemisi kesü wi wa nu mathu ghang keben wi Jisu na ma tsi kepa sa.

Luk Zhükechi Jühtheü Kemehaiwa 22:12

Isalethu ma ajjenshha tangwa keshondhi keti kesü pi nshinyi ccüca benna ciwi pala tsüdi kidenyalo.”

JOHAN 11:16

Thoma (pi Deduma le ci ketenwa) na ma pvüshang sansikeyathu wi khi, “Ikhang la Kesansiwa gweghe wa nu shüana ghalo.”

JOHAN 14:22

Judah (Judah Iskariot nye) na keü, “Apvüwa, no khati nu no ketanla no pi ayyi nyi nccücala pi ikhang ccücaya mehai nu?”

JOHAN 18:17

Nza ajenka hie kebenwa na Pitor wi kiza, “No la anyi hawa sansikeya nyi kesü nye kwe?” Pitor na luneng, “Hi nye le!”

JOHAN 21:2

Ciwi Simon Pitor, Thoma (Deduma le kekhiwa), Nathanael (Galilee yyi Kana wina keghowa), Zebedee tsathu, nu kepa wi ma sansikeya meshu keni tsüdi gweghe ben.

KEKULI 12:17

Ma kwen kejen pi mathu ccen benlo kesa kiza, nu ma Apvüwa na khati nu atssüzüjjen wina ma ssigho khe khimetha pi mathu kiza. Ma khi, “Ha pi James nu kenondithu kizalo; ” isanu ma apen tsü teshi nu kepa wi bvüa.

KEKULI 15:13

Manyi ajüh kekhithi seng wi James na shagha nu khi, “Icünyuthu, ijüh kinachilo!

KEKULI 2:14

Pitor na apostelthu taghakhen gweghe ngan shagha nu ma hhai misi ntsawa nu anyitenti wi khi, “Ipvüshang Judah nyithu nu Jerusalem wi kahangthu tsüdila hi khile kebenwa ha kinachi nu hi ya ha jjügi pi nthu kiza thsülo:

KEKULI 2:38

Pitor na mathu wi kiza, “Nthu tsüdila kesami wi leben khapeghe nu Jisu Khrista nyan wina baptaiz sa meyathu yishü, isanu nthu kesami keteshi muyale kesalina; isa lethu, nthu na Anyiza juwa Kemetha Ghamu tsü muya ben.

KEKULI 20:8

Ikhang na keccünengli keben pen ajjenshha tangwa wi ahula kejon na qheben.

KEKULI 4:13

Mathu na Pitor nu Johan manyi na anyi jümu pala nkechü nyi lela kempvüza kesa tsü mu pi mathu mansa. Isanu mathu na manyi kheni na Jisu nie keten nyile kesa chüya.

KEKULI 4:19

Isala Pitor nu Johan manyi na luneng, “Nthu ketanla Anyiza tuwi khawa meshon khe meshen nanlo— nthu jüh kekina-u la Anyiza jüh kekina-u khe.

1 KORINTHNYI 15:7

Tsaseng wi ma James tu wi gho, nu tsaseng wi apostelthu tsüdi tu wi gho.

GALATIANYI 1:19

Hi ciwi Apvüwa cünyuwa James ketan khe apostelthu thola nmu.

GALATIANYI 2:9

Accülikesathu, James, Pitor, nu Johan, hathu na Anyiza na kekuli ha pi hi cü ketheng mu; tsalina ithu gweghe kesü kesa zensu wina mathu kwen ajewa pi Barnaba ishinyi kwen zankethe. Barnaba ishinyi na Judah nyi nkenyethu jawi kuli nu mathu na Judah nyithu jawi kulile kesa cenya.

JAMES 1:1

Anyiza nu Apvüwa Jisu Khrista maghawa James wina pi ayyi maben wi bvüzighe keben Anyiza nyithu tsüdi shalom saben.

2 JOHAN 1:1

Keshenpfüwa wina pi— Nzawa nu ma tsangathu hi atsentsa wina tizen ketenthu kecü. Hi ketan nyela atsentsawa chü nu nthu tizen ketenthu tsüdila,

JUDE 1:1

A maghawa, nu James cünyuwa Jude na pi Anyiza na ciya kesathu, Abawa Anyiza kaghali pvü nu Jisu Khrista na noncca keten wi hang ketenthu kecü: