JOSHUA 9:17 - Kemethajüh (N) (Re-editing) Bible (BSI)

¹⁷ Tsalina Israel nyithu na alentsen wa kecheng ghanan wi anyi hathu na hang keben anyunuti hathu cuya: Gibeon, Khefirah, Beeroth, nu Kiriath Jearim.

JOSHUA 9:17 Iomraidhean Croise

2 SAMUEL 4:2

Ishbosheth na yilakeshu zi wi ccülikesa keni na ben. Tsüna Benjamin mizza wi Beeroth wina keghowa Rimmon tsa Baanah nu Rekhab manyi. (Beeroth pi Benjamin yyi wiwa sichiden.

1 KHENICÜKI 2:50

Hathu ha la Kaleb shicübvüghathu. Hur na Kaleb tsa tssütsewa nu ma wubvü na Efrath. Hur tsawa Shobal na Kiriath Jearim sachi,

1 KHENICÜKI 2:52

Shobal, Kiriath Jearim sa kechiwa na Menuhoth wi kahangthu gishü pahan Haroe nyithu baqhaiwa,

1 KHENICÜKI 2:53

nu agei hathu na Kiriath Jearim wi hang: Ithri, Puthi, nu Mishrai nyithu. (Zorah nu Eshtaol nyunutithu wi anyithu na agei hathu nyithu.)

1 KHENICÜKI 21:29

Ha tsüwi ha kheni Mosa na aghansha wi Apvüwa ketenpen Nithsüjjen kesa tsü, nu ahhanshathu pi ma miwi kemecang kekinyipenwa tsüna khilila Gibeon wi kekinyipen wi ben;

JEREMIYA 26:20

(Ciwi anyi kepa wi kesü Kiriath Jearim wina keghowa Shemaiya tsa Uriya na Apvüwa nyan wina Jeremiya kekhi ti ajüh khi pi anyunuti hawa nu mizzatenti shun.

JOSHUA 10:2

Jerusalem wi anyithu na ha ghena messi ntsa sa, kepaghenanye Gibeon na anyunuti kepathu miwi diki nu anyithu na aghi kemehaithu.

JOSHUA 15:60

Ciwi Kiriath Baal (nyelela Kiriath Jearim) nu Rabbah na ben; anyunutithu keni pi tsüthu kevü wi anyutithu saghu.

JOSHUA 15:9

Ciwi na sasen Neftoah tssükebvüpen wi wa nu Efron Yikha kete nyunutithu wi shu. Ciwi na kheneng sen Baala (nyelela Kiriath Jearim) kepeghewa wa,

JOSHUA 18:14

Tsaseng wi aggü na ayikha ha na niduwa sasen acülawa kepeghe wi wa Judah mizza yyi Kiriath Baal (nyelela Kiriath Jearim) wi waben. Ha na niduwa ggü.

JOSHUA 18:15

Acülawa ggü na Kiriath Jearim katen wina sasen Neftoah Tssükebvüpen wi wa.

JOSHUA 9:16

Keponghu sa nu ghanan kecheng seng wi Israel nyithu na anyi hathu ha ntsakhiwa teghatsan wi hang tenle kesa chüya.

JOSHUA 9:18

Isala Israel nyithu na mathu npathila, kepaghenanye mathu ccülikesathu na Apvüwa Israel Nyizawa nyan wina mathu wi kekishen kesü sa theng. Anyi tsüdila mathu ccülikesathu wi ha ghena mathu leben nkaghajüh khi,

JOSHUA 9:3

Isala Gibeon wi anyithu tsüna Hivi nyithu, mathu Joshua na Jerikho nu Ai miwi kulikechi tsü zaya,

JOSHUA 9:9

Tsaseng wi mathu na hati khipi ma kiza: “Kediwa, ithu na ayyi lenkesie wina ghole, kepaghenanye ithu na Apvüwa nthu Nyiza cüki tsü zayadha. Ithu na ma Ejipt wi kuli kechi tsüdi zayadha,

PENDHENYI 18:12

Mathu na wa Judah wi Kiriath Jearim na niduwa kemnanpen sa. Tsalina khili kecu apen tsüpi Dan Kemnanpen le khiden.

1 SAMUEL 6:21

Mathu na nyilothu kesun pi Kiriath Jearim nyithu wi chi nu khi thsü, “Filistinthu na Apvüwa Cenkethenjüh Khitsonwa tsü khuneng chidha. Dughola tsü khuyalo.”

1 SAMUEL 7:1

Tsalina Kiriath Jearim nyithu na Apvüwa Cenkethenjüh Khitson tsü khuya nu sen wa anyi kesü yyishiphon wi hang keten ma nyan Abinadab tsü jjen wi chia. Mathu na ma tsawa Eleazar satemetha pi tsü kenonccawa sa thsüa.