JOSHUA 9:1 - Kemethajüh (N) (Re-editing) Bible (BSI)

¹ Israel nyithu na khangkeya cüki tsü Jordan na nishuwa kadimithu tsüdila chüya —yyishiphon thu wi, yyishiphon thu ccü wi, nu Mediterranean Tssükedone katen ketijü na wa aghawa Lebanon kecu; kadimi hathu ha: Hitti, Amor, Kanaan, Periz, Hivi, nu Jebus nyi kadimithu.

JOSHUA 9:1 Iomraidhean Croise

2 SAMUEL 24:7

Tsaseng wi mathu na Tur nyunutithu khweti na acülawa wa, ciwi na Hivi nu Kanaan nyithu nyunutithu tsüdi wi wa, nu asakhenwa Judah yyi acülawa Beersheba wi wa.

BVÜKESHHU 23:23

Hi nyilowa na nthu tuwi wa nu nthu ssi wa Amor, Hitti, Periz, Kanaan, Hivi, nu Jebus nyithu yyi wi chicü, nu mathu yasa cüben.

BVÜKESHHU 23:31

Hi nthu yyi ggü tsü Kenmie Tssükedone na wa Filistin Tssükedone kecu nu ayyikeshü na wa Eufrat Ghaku kecu sapi tisie kayi cüden. Hi ayyi ciwi hang kebenthu miwi kekhang pi nthu cü, nu nthu na mathu jügüshiaben.

BVÜKESHHU 3:17

Hi Ejipt wi mathu agüccü keben wina ssi shhula ayyi kecca nu kinyan — Kanaan, Hitti, Amor, Periz, Hivi, nu Jebus nyithu yyi wi tsü chi cüle cenyadha.

BVÜKESHHU 34:11

Hi nansü Ayenthu pi nthu cü kebenwa ha nie yalo. Nthu na atujügü wathu hi nthu tuwi na Amor, Kanaan, Hitti, Periz, Hivi, nu Jebus nyithu jügüshiaben.

SHICÜSI 13:29

Amalek nyithu na ayyi cülawa; Hitti, Jebus, nu Amor nyithu na yyishiphon diyyi; nu Kanaan nyithu na Mediterranean Tssükedone kete wi Jordan Ghaku niela hangben.”

SHICÜSI 34:6

“Niduwa ggü na Mediterranean Tssükedone saben.

AYENZHÜNENG 1:7

Kemnanpenwa tsü pheghe nu apen ketsen walo. Amor nyi yyishiphon diyyiwa nu tsü kevü yegu tsüdi wi walo — Jordan yyiketijü, yyiketijü nu yyishiphon diyyiwa, acülawa yegu, nu Mediterranean tssükaten kecu. Kanaan yyi nu Lebanon Yikhathu tsü thenkeghe sen nu Eufrat Ghaku ketiwa kecu wi walo.

AYENZHÜNENG 3:25

Apvüwa, hi ya Jordan pvüdhiki khhakawa ayyi kemehai, yyishiphon diyyiwa tsikemehai nu Lebanon Yikhathu tsü muya thsülo.’

AYENZHÜNENG 4:49

Tsüna Jordan Ghaku na nishuwa yegu tsüdi wala acülawa Keshü Tssükedone nu nishuwa Pisga Yikha ccü kecu la saghuben.

AYENZHÜNENG 7:1

“Apvüwa nthu Nyiza na nthu ssi wa ayyi nthu na benyale keben witsü chicüben, nu ma ciwi mizzatenti kejon jügüshi shaben. Nthu na atujügüwathu ma nthu miwi ketiki nu kekhangki mizzatenti tagü - Hitti, Girgash, Amor, Kanaan, Periz, Hivi, nu Jebus nyithu jügüshi cüben.

JOSHUA 1:15

nu mathu Jordan na niduwa Apvüwa nthu Nyiza na ayyi pi mathu cü ketheng tsü npi yakeya chu mathu kiqale kesalina. Khathansha wi Israel mizzathu tsüdi yazishu benya thsü khe, nthu na kheneng gho Jordan na nishuwa Apvüwa maghawa Mosa na pi nthu cü kethengwa nthu yyi wi ha hang waya mehai.”

JOSHUA 1:4

Nthu ggü na acülawa yyikeshü na wala aghawa Lebanon Yikhathu kecu; nishuwa Eufrat Ghaku keti tsüna wala niduwa Hitti diyyiwa pvüdhi sen wa Mediterranean Tssükedone kecu saben.

JOSHUA 10:23

Tsalina alonshiku wi kedulen tsü shah nu Jerusalem, Hebron, Jarmuth, Lakhish, nu Eglon kadimithu tsü ssigho,

JOSHUA 11:17

Ayyi tsüna acülawa Edom kete Halak Yikha wina wala aghawa Hermon Yikha na acülawa Lebanon yyiketijü wi Baalgad kecu. Joshua na matsü kesiela hewi kadimithu ssinu aghisa, isala ma mathu tsüdi ghanya nu pi shü thsüa.

JOSHUA 13:5

Gebal nyithu yyi Lebanon tsüdi wa nishuwa, Hermon Yikha na acülawa Baalgad wina wa Hamath Pass kecu.

JOSHUA 15:12

tsüna niduwa ggü. Aggü hathu non wi Judah mizza theghithu na hangben.

JOSHUA 22:4

Khili Apvüwa nthu Nyiza na ma khishiketheng ti kecca pi no Israel nyithu cüdha. Tsalina ayyi nthu jile khi keben Jordan na nishuwa Apvüwa maghawa Mosa na pi nthu cü kethen witsü whanenglo.

JOSHUA 23:4

Hi mizzatenti khili la kebenthu nu hi mathu miwi khangkeya mizzatenti tsüdi yyi nishuwa Jordan ghaku wina wa niduwa Mediterranean Tssükedone kecu pi nthu mizzatenti ji saya thsüdha.

JOSHUA 24:11

Nthu na Jordan pvüdhi sen Jerikho wi ghoya. Amor, Periz, Kanaan, Hitti, Girgash, Hivi, nu Jebus nyithu na nthu ssinu aghikesa ti Jerikho nyithu na nthu ssinu aghisa. Isala hi mathu tsüdi miwi khangkeya pi nthu cüa.

JOSHUA 3:10

Nthu na atujügüwathu ma Kanaan, Hitti, Hivi, Periz, Girgash, Amor, nu Jebus nyithu jügüzighe metsiben. Hangkeben Nyiza tsüna nthu jawi benle kesa nthu na chüyaben,

JOSHUA 3:17

Anyithu tsüdi ayyi keqha wi lentsen nu Jordan npi pvüdhi keyakhi chu keqhaikedithu na Apvüwa Cenkethenjüh Khitson pie nu manon ayyi keqha wi ngan.

JOSHUA 5:1

Jordan na niduwa Amor nyi kadimithu nu Mediterranean Tssükedone kete wi Kanaan nyi kadimithu tsüdila Israel nyithu na Jordan npi pvüthikeya chu Apvüwa na tsü sapi keqha thsüle kesa zaya. Mathu na messi nu mathu kempvüza nmila.

JOSHUA 6:27

Tsalina Apvüwa na Joshua ssiden, nu ma nyankemehai na diyyi maben wi la ben.

JOSHUA 9:7

Isala Israel nyithu na khi, “Mangsale ithu na nthu ssinu keponghu sa nu? Nthu na teghatsan wi hang tenla metsiben.”