JOSHUA 8:8 - Kemethajüh (N) (Re-editing) Bible (BSI)

⁸ Nthu na anyutiwa tsü yakeya seng wi Apvüwa na kekhi ti anni pi tsü mecangchilo. Ahza hathu ha nthu ghena.”

JOSHUA 8:8 Iomraidhean Croise

2 SAMUEL 13:28

nu ma maghathu wi kecükegwe chi: “Amnon na kisengtssü kejon jjü pi adinaya kesa ghanglo, nu hi ahza khuchi lethu, ma pathilo. Nmessila. Hi akhhiwa tsü pvüyaben. Kempvüza sa nu nkesütu lalo!”

AYENZHÜNENG 20:16

“Isala khathansha wi Apvüwa nthu Nyiza na ayyi pi nthu kecü witsü nthu na anyunutithu nkaya khe kahangli keben tsüdi pathilo.

JOSHUA 1:16

Mathu na Joshua wi khineng, “Ithu na no kekhi tsüti saben, nu no ithu kesun pi khiewa chi khe waben.

JOSHUA 1:9

Hi no lebenzü nu kempvüza sayalo kekiza tsü meshenyalo! Messi nu accükwenshü nsala, kepaghenanye hi Apvüwa n-Nyiza, no khiewa wa khe hi no ssiden.”

JOSHUA 6:24

Tsaseng wi mathu na pi Apvüwa ghena kebenketheng pen wi chikesa tsanqai rükatssü, suna, lezza, nu amighe pi kesathu ketan khe anni pi anyunutiwa nu ciwi keben pala tsüdi saghu mecang.

JOSHUA 8:13

Süpahithu kecükebe pi anyunuti na aghawa kemnanpen ghonpvüwa wi aghikesa ghena kiden theng nu kepathu na niduwa wa. Joshua na tsü ghaja yyiketijü witsü ben wa.

JOSHUA 8:2

No Jerikho nu ma kadimiwa miwi mangwa sachi khe tsüti Ai nu ma kadimiwa miwi la sachilo, isala no khili tsü atsanqaithu nu asahangthu tsü pi nji saya yilo. Anyunuti sengwa na wa tsü ssisalo.”

JOSHUA 8:22

Israel nyi anyunutiwa wi kebenthu na gho mathu gweghe nu aghisa. Tsalina Israel nyithu na Ai nyithu vüya nu mathu tsüdila pathi khia. Anyi kesütanla bvü meya, nu thola hang meyala.

JOSHUA 8:28

Joshua na Ai tsü mecang nu yasatha pi teshia. Tsüna nansü lela kheni ti saben.

JOSHUA 8:7

Isalethu, nthu na kuthibenla nu shhugho anyunutiwa tsü nkayalo. Apvüwa nthu Nyiza na tsü pi nthu cüaben.

JOSHUA 8:9

Tsalina Joshua na mathu kesun pi wa thsü, nu mathu na wa Ai na niduwa Ai nu Bethel manyi jüwi kuthi nu hie wa. Nu Joshua na tsü ghaja kemnanpen wi anyithu gweghe ben wa.

PENDHENYI 4:6

Ghanan kesü wi ma Naftali wi Kedesh nyunutiwa wi Abinoam tsa Barak cichi nu ma wi khi, “Apvüwa Israel Nyizawa na ahza ha khuchi pi no cüben: ‘Naftali nu Zebulun mizza keni wi anyi hazar tagha ssiya nu mathu ssisen Tabor Yikha wi walo.