JOSHUA 8:33 - Kemethajüh (N) (Re-editing) Bible (BSI)

³³ Israel nyithu, mathu ccülikesathu, kedithu, nu pendhethu, mathu jawi keben asangthu la gweghe Levi nyi keqhaikedithu na pie keten Apvüwa Cenkethenjüh Khitson kete witsü keghanglila ngan. Anyithu kegishü pahan sengwa na Gerizim Yikha nu kegishü kepawa sengwa na Ebal Yikha sala ngan. Apvüwa maghawa Mosa na mathu na kesawegü muyale kesa wi tsüti salo khitheng.

JOSHUA 8:33 Iomraidhean Croise

BVÜKESHHU 12:49

Israel nyithu ahvu sale nthu jawi kahangthu asang sa lela ayenwa makesü saben.”

LEVIYEN 24:22

Ayen hawa ha Israel nyithu sale asang nthu jawi hang kebenthu sa lela tsüdi miwi ben, kepaghenanye hi Apvüwa nthu Nyiza.”

SHICÜSI 15:15

Kepaghenanye matsü ghaketen tsüdi ghena ayen makesü nthu miwi nu asang nthu ja wi hang kebenthu miwi la benden. Apvüwa tuwi tsü nthu nu mathu la makesütan;

SHICÜSI 15:16

nthu miwi ayen nu kekuliyen tsü mathu ghena la makesü.

SHICÜSI 15:29

Israel nyi ahvu sale asang mathu ja wi hang kebenthu sa lela thowa na aghandu nyela sazzi khe tsüdi tuwi ayenthu makesütan saben.

JOHAN 4:20

Ithu Samaria bamyithu na ayikha ha miwi Anyiza kinyi ghoben; isala no Judah nyithu na ithu wala Jerusalem wi Anyiza kekinyi-u le khiden.”

AYENZHÜNENG 11:29

Apvüwa na khathansha wi nthu ssinu nthu na yaya keten yyiwi tsü ghoya khe nthu na Gerizin Yikha wi kesawegü nu Ebal Yikha wi kishen-keshi pi thangchilo.

AYENZHÜNENG 31:12

Npvüza, nza, nu ghanyithu, nu nthu nyutithu wi hang keben asangthu tsüdi cighu chi nu tsüdila tsü zaya nu Apvüwa nthu Nyiza kekinyikü yen chüya, nu ma kesansijühthu tsü atsentsa sa nieya thsüle kesalina.

AYENZHÜNENG 31:25

Ma tsü sacen keya seng wi Levi nyi keqhaikedi Apvüwa Cenkethenjüh Khitson kenonccathu wi khi,

AYENZHÜNENG 31:9

Tsalina Mosa na Anyiza Yenwa tsü zhüya nu tsüpi Levi nyi keqhaikedi Apvüwa Cenkethenjüh Khitson kenonccathu, nu Israel nyi ccülikesathu cüa.

JOSHUA 23:2

Tsalina ma Israel nyithu tsüdi baghangthu, ccülikesathu, pendhethu, nu kedithu cighu chi nu khi, “Hi khili tsü qhai ntsa wadha.

JOSHUA 24:1

Joshua na Israel mizza nyithu tsüdi cighu pi Shekhem wi chi. Ma baghangthu, ccülikesathu, pendhethu, nu Israel nyi kedithu cichi nu mathu na Anyiza tuwi gho,

JOSHUA 3:14

Tsüna alli kewwi tsü wi sadha, nu aghaku tssü na tiben. Anyithu na kemnanpen teshi nu Jordan pvüdhile kewa wi keqhaikedithu na Cenkethenjüh Khitson pie nu mathu tuwi wa. Keqhaikedithu na aghaku tssü nneya meyi,

JOSHUA 3:3

nu anyithu kiza, “Khathansha wi keqhaikedithu na Apvüwa nthu Nyizawa Cenkethenjüh Khitson tsü pie keten muya khe nthu na kemnanpen tsü pheghe nu mathu nie walo.

JOSHUA 3:6

Tsaseng wi ma keqhaikedithu na Cenkethenjüh Khitson tsü pieya nu anyithu tuwi walo kiza. Mathu na ma kekhi ti sa.

JOSHUA 4:10

Apvüwa na ahza pi Joshua cü nu anyithu ya salo kekiza tsüdila npi kesakhi chu keqhaikedithu na Jordan Ghaku non witsü ngan. Hawa ha Mosa na salo khitheng. Anyithu na kaghajila aghaku tsü pvüdhi.

JOSHUA 4:18

nu khathansha wi keqhaikedithu na shhugho aghaku ghüsa cuya khe aghaku tssü na kheneng lle dugho kishi pen wi ma ghüsa tsüdi pongya.

JOSHUA 6:6

Joshua na keqhaikedithu cichi nu mathu wi kiza, “Cenkethenjüh Khitson tsü pieya, nu no tagü na tutuwa pie nu tsü tuwi walo.”