JOSHUA 8:2 - Kemethajüh (N) (Re-editing) Bible (BSI)

² No Jerikho nu ma kadimiwa miwi mangwa sachi khe tsüti Ai nu ma kadimiwa miwi la sachilo, isala no khili tsü atsanqaithu nu asahangthu tsü pi nji saya yilo. Anyunuti sengwa na wa tsü ssisalo.”

JOSHUA 8:2 Iomraidhean Croise

2 KHENICÜKI 13:13

Tsü tsüwi Jeroboam na ma süpahithu pahan kesun pi asengwa na Judah süpahizi ghiceng wa thsüa, nu pahan na atuwa na mathu ghangtan ben.

2 KHENICÜKI 20:22

Mathu na akhwisa keshagha wi Apvüwa na kemessi kesü pi Judah nyi ssisale aghiceng keben süpahizithu jawi cüchi cüa.

ZAKECI 39:6

aghayen ti kesa le. Ma kekuli tsüdila mangla nye; ma keben saghuden, isala thowa tsü yaten khe nchü.

KEMETSAJÜH 13:22

Anyi kemehaiwa na ma tsawa tsangathu theng cüya kemehai keben-keyeng na ben, isala kesamithu keben-keyengwa tsüna ketsatan nyithu wi waaden.

KEMETSAJÜH 28:20

Kemeshon nyithu na cenqo nu anonghe hang den. Isala no wanwan nu benya mvu ten lethu no meten-meshaya tendha.

JEREMIYA 17:11

Anyi atsentsa nkenye wina apisa muya ketenwa tsüna awa kesü na ma ghatsü nketheng tsü ghong keten ti kesa. Ma acalihi sa keben wina ma keben nmilaben, nu asakhen wi mangla nkenye kejüphon sa waben.

JEREMIYA 51:12

Zensu sachi nu Babilon khweti vüya thsülo! Aghikehiethu satezüchi! Anyithu pi aghiceng benya thsülo!” Apvüwa na Babylonia miwi mangwa saaben le khitheng khe ma tsü sadha.

AYENZHÜNENG 2:35

Ithu na asahangthu khuya nu anyutithu wi atsanqaithu tsüdila shuya.

AYENZHÜNENG 20:14

Isala nthu na nzathu, ghanyithu, asahangthu, nu ciwi pala tsüdila khuya mehai. Nthu na ghinyithu ji tsüdila senya mehai. Apvüwa na tsüpi nthu cüdha.

AYENZHÜNENG 3:2

Isala Apvüwa na hi kiza, ‘Ma nmessi lalo. Hi ma, ma nyithu, nu ma yyi tsüdi pi nthu cüaben. Nthu na Amor nyi kadimi Sihon Heshbon wi kekhang sen kebenwa miwi sa kechi tsü makesü ma miwi la sachi cülo.’

JOSHUA 10:1

Jerusalem wi kadimiwa Adonizedek na Joshua na Jerikho nu ma kadimiwa miwi sa kechi ti Ai nkaya nu tsü yasatha sa nu ma kadimiwa la pathile kesa tsü zaya. Ma Gibeon nyithu na Israel nyithu ssinu keponghu sa nu mathu jawi hangbenle kesa la zaya.

JOSHUA 10:28

Joshua na tsü ghanan Makkeda nu ma kadimiwa ssikaghashen nu ma ghanya. Ma anyunuti wi anyi tsüdi pi shü thsüa; anyi kesüla pi nhang thsüla.

JOSHUA 11:14

Israel nyithu na anyunuti hathu wi atsanqai menkedhu nu asahangthu khuya nu pi mathu ghena thengya. Isala mathu na anyi tsüdi pi shü thsüa; anyi kesüla pi nhang thsüla.

JOSHUA 6:21

Mathu na njünnu sen nu anyunuti wi anyi nza nu npvüzathu tsüdi, ghanyi nu keqhaithu, tsüdi süthia. Mathu na amesüsi, khaghaneni, nu gadathu la pathia.

JOSHUA 8:12

Ma anyi hazar manga-u ssi wa anyunuti na niduwa Ai nu Bethel jüwi kuthi thsüa.

JOSHUA 8:14

Khathansha wi Ai kadimiwa na Joshua nyithu muya khe wan kidenya. Ma nu ma nyithu tsüdila hatu pen witsü Israel nyithu ssisale Jordan yyiketijü wi wa, isala ma nyu na asengwa na gho ma ssikaghashen le keben tsü nchü.

JOSHUA 8:19

nu ma ma kwen zankiya meyi, anyi kuthi kebenthu na wan shagha anyunutiwa wi bvüdu tsü nkaya. Mathu na kaghaji nu anni pi anyunutiwa tsü mecang chia.

JOSHUA 8:24

Israel nyithu na ayyikeshü wi aghinyithu jügü wa mathu tsüdi pathi khia. Tsaseng wi mathu na kheneng Ai wi wa anyi tsüdila pathi khia.

JOSHUA 8:3

Tsalina Joshua na ma süpahithu tsüdi ssinu kidenya. Ma süpahi kemehai ntsathu hazar changha kessiya nu agheja wi ahza ha pi mathu cü nu kesun pi

JOSHUA 8:7

Isalethu, nthu na kuthibenla nu shhugho anyunutiwa tsü nkayalo. Apvüwa nthu Nyiza na tsü pi nthu cüaben.

JOSHUA 8:8

Nthu na anyutiwa tsü yakeya seng wi Apvüwa na kekhi ti anni pi tsü mecangchilo. Ahza hathu ha nthu ghena.”

JOSHUA 8:9

Tsalina Joshua na mathu kesun pi wa thsü, nu mathu na wa Ai na niduwa Ai nu Bethel manyi jüwi kuthi nu hie wa. Nu Joshua na tsü ghaja kemnanpen wi anyithu gweghe ben wa.

JOSHUA 9:3

Isala Gibeon wi anyithu tsüna Hivi nyithu, mathu Joshua na Jerikho nu Ai miwi kulikechi tsü zaya,